Ebereo 6:5 - Deoso-ka Yama Hani

⁵ Deoso ati amosabote‑ya mai wa‑wato‑maro, Deoso ene kitabote‑ya mai awamaroni.

Ebereo 6:5 ပူးပေါင်းရင်းမြစ်များ

Mateo 12:32

Owa‑ya mai weeniya, makobote owati‑ya mai nofawaha, mai ihi manakone Deoso haanamarebonane. Deoso‑ka Doni‑ya mai weeniya, mai ihi manakone wada, mai manakone fawateraboneni.

Maroko 6:20

I‑di Erodi habo siitone, “Yowaho Batita ene amose, Deoso‑ya na‑narifa amane.” I‑di Erodi atibodi ati ne, fai‑ya nayofine, fai‑ya kasomematane. I‑di Yowaho ati miti‑ya i‑di Erodi nofe, fai ati‑ya tokadabare, ati hiwatoremarine.

Roka 8:13

Yati iti‑kaya noki one sona, Deoso ati‑ya mai mita, ati mai nofa, mai ya‑yaina, makobote mai mai weehiniya, mai maakana kanibote na, Deoso ati‑ya mai tokadabamarani.

Efesiyo 6:17

Sodado mai tati bori kita‑ya mai sakoteni, mai tati‑ya yima koborabonehe. Fara‑nima tiwa manakone‑ya Yeso nanahabe tamine‑ya tiwatibodi yama‑ya kadika, tiwa manakone one wadamara‑ya tiwatowaha, ya‑yaitinaboneni. Haa‑nima dai ni‑ya, Deoso tati borone kite‑nima na dai sakonaboneni. Sodado yima‑ya mai damateni, bara mai‑ka sodado mai‑ya mai idabonehe. Fare Deoso ati Deoso‑ka Doni‑ka yima amani. Deoso ati‑ya ai owa mite, mai ihi amosara mai atibodi‑ya Deoso ati ideya, Yeso ati‑ya mai nofawahaba awineni.

Ebereo 11:3

Hibati‑ya yama nafi‑ya Deoso wamanemata oda awara, Deoso ati oda mite, ati oda nofe, oda atibodi yama‑ya watowaha, “Deoso yama nafi‑ya wamane, yama ai awi awiriya, yama nafi‑ya wamanematane.” Ai atibodi ati teni.

Ebereo 2:5

Yama nafi‑ka hidi Deoso‑ka yo‑yose mai toharabone, Deoso Bidi yama nafi‑ka Hidi tohebona tamine oda hiyarawahaboneni.

Ebereo 4:12

Deoso ati kitabote tohe, yima ini fama, ini inokima‑nima ne. Ai atibodi ai korimari na‑ya kebitene. Ai atibodi ati, ai atibodi yama hinofa hina‑ya kadikatene.

Bedoro daidi 1:25

Deoso ati‑ta abaterebona, ati‑nima yama naboneni.” Deoso‑ka yama hani ati nineni. Mai nafi‑ya Deoso Ati Amosabote oda kaminateni.

Bedoro daidi 2:3

Ai‑ka Hidi amose tohe dai watoya, Deoso ati dai nokotonihi.

Bedoro yoto‑ke 2:20

Mai atibodi bisa toha Satanasi mai‑ya barikane, makobote ai‑ka Hidi i‑di Yeso Kirisito mai‑ya seekane, Satanasi ati‑ya mai nofamatasa, Satanasi mai‑ya barikanamatase, mai‑ya barikani kitawahebonane.