Ebereo 6:4 - Deoso-ka Yama Hani

⁴ Deoso ati‑ya mai wa‑wato, Deoso‑ka Doni mai‑ya sawi, yama amosabote‑ya Deoso mai‑ya daane, Deoso ati‑ya mai nofami awiriya, mai ihi Deoso‑ya hini mai tamine‑ya mai kaminamariya, Deoso mai‑ya ati somawamaterebonane.

Ebereo 6:4 ပူးပေါင်းရင်းမြစ်များ

Mateo 12:45

tokomatase, hika mai one 7 kana mai‑ya himanane, mai towe ba‑basi naro. Hini sa‑sawi‑kaya mai nafi sawiwahaboneni. Ai owa kiyani nafiwahebonane. Fara‑nima dai komene nafiwahaboneni.” Yeso ati nemarine.

Mateo 5:13

“Bofe‑ka mai‑ka sao dai tohateni. Sao ihi ai tefe kabi amosateni. Dai ene amosahi. Deoso ati‑ya mai nofara mai ihi‑nima dai ene riyahi. Dai ene amosa dai maakariyahi. Faha ihi sao abiya, amosawamaterani. Sao towe ai weretowititeni.

Yowaho 15:6

Owa‑ya mai nokotonira, ofa ini waanamara‑nima mai teni. Ofa ini wayatoniya, yifo‑ya mai werehiwititeni.

Yowaho 3:27

Yowaho mai‑ya hiyare, “Deoso ene Yeso‑ya mai tokomakineni.

Yowaho 4:10

“Owa tiwato awirini. Deoso owa‑ya yosemarine. Owa tiwata‑mani, tika faha‑ba haatina neni. Faha haatiniya, faha daa·ona neni. Oka faha‑ya mai fa‑fawa mai baki hokomarani.” Yeso ati nematane.

Yowaho 6:32

“Owati amosabote dai mitahi. Neme‑ka baho‑ya mai kayafamete, Mose ene tohi awirematamonane. Neme‑ka baho amosabote‑ya Okobi daanibisatene.

Yeso‑ka yo‑yose mai tamine 10:45

Bedoro‑ya mai sawe, mai ibi hiyara, “Ka! Deoso‑ka Doni Bara mai‑ya sawine. Bara mai‑ya Deoso‑ka Doni sawiterebona oda atibodi ati nani.” Mai ati namoneni.

Yeso‑ka yo‑yose mai tamine 11:17

Ai‑ka Ayo Yeso Kirisito ati ai nofawahamaro, Deoso‑ka Doni ai‑ya sawi, fare mai‑ya sawiwahene. Deoso mai‑ya ati sawine, hini yama‑nima obati?” Bedoro ati ne.

Yeso‑ka yo‑yose mai tamine 15:8

Ai atibodi‑ya Deoso wato, Yeso ati‑ya mai nofawaha, Deoso‑ka Doni mai‑ya sawi, oda‑ya sawi‑nima mai‑ya sawiwahane.

Yeso‑ka yo‑yose mai tamine 8:20

Ati‑ya Bedoro mite, ati yanane, “Yama Deoso‑ka da‑daa tikanikabone tina, tiwati ihi ti·aba, tika yinero aba nebonane. Deoso‑ka yama daahinaya, yinero‑ya ai kanikaterani.

Homa 1:11

Dai‑ya owati awi nofineni, dai okasomabonehe. Owa ene Yeso ati dai nofi ba‑basi niya, dai atibodi kitawahabone owatibodi ati nineni.

Korito yoto‑ke 4:4

Deoso yokana ati‑ya mai nofara, madi mai‑ka deoso i‑di Satanasi ati‑ya mai nofabisa, Satanasi ene mai atibodi noki wadara, Deoso Ati Amosabote mai mitara, Kirisito amosabote‑ya mai awara, Deoso yokana‑nima Kirisito ne amane.

Korito yoto‑ke 4:6

Hibati‑ya yama soki hinama tohaya, Deoso ati yanane, “Yama wahi tohawahi.” Ati ne. Ati ene yama wahi tohawahameteni. Makobote Bidi i‑di Yeso Kirisito‑ya yose, ai atibodi noko‑ya Bidi noko wehene ai aweya, Deoso amosabote tohe ai watowahaboneni.

Karatiya 3:2

Hibati‑ya Mose ati‑nima dai na, Deoso‑ka Doni dai‑ya sawine? Dai‑ya sawi awiremarine. Yeso Kirisito tamine‑ya oda kamina, Yeso ati dai nofa, Deoso‑ka Doni dai‑ya sawiwahabisane.

Karatiya 3:5

Owati dai mitamatasahi. Mose ati‑nima dai namaro, Deoso‑ka Doni dai‑ya sawine? Dai‑ya sawi awirane. Mose ati‑nima dai na, Deoso ene kite dai awane? Ene dai awi awirane. Kirisito tamine oda kamine tamine dai nofabisiya, Deoso ene kite dai awineni.

Efesiyo 1:18

Deoso‑ya dai tamine ohiyarateni, dai atibodi yama‑ya watabonehe. Hibati‑ya Deoso dai‑ya kadikematane, Hika dai tohabonehe. Deoso tabaro‑ya dai winabone yama dai nimaniya, dai ya‑yainahi. Deoso tabaro‑ya dai koboniya, dai‑ya Deoso kayafebona, dai wehene nafiwahaboneni.

Efesiyo 2:8

Ai aba‑nima ai namaro, Deoso ai‑ya nofi nafi hini ene ai‑ya kasome, Yeso ati ai no‑nofa, ai atibodi‑ya Deoso‑ka Doni sawiwahe, Deoso tabaro‑ya ai winabone, hini ai ene ai tohi awira, Deoso ene amane.

Efesiyo 3:7

Deoso kitabote owa‑ya yose, owa‑ya kasome ene Yeso Ati Amosabote okaminateni.

Efesiyo 4:7

Fara ai ibi kasomabone, ai‑ka yama wa‑wato‑ya Kirisito daanane. Yama wa‑wato dama‑ya ebekane, yama wa‑wato‑ya ai one kayafa, yama wa‑wato bara‑ya ai one kayafa, ai na, yama wa‑wato‑ya ai nafi kayafineni, ai ibi kasomabonehe.

Timoti daidi 4:14

Hibati‑ya Deoso ati‑ya mai wato ba‑basi na, tiwa tati‑ya mai yahi fore, tiwa tamine‑ya mai hiyara, “Deoso ati ene mai tikanawatohi.” Mai ati namaroni. Mai ati timita, tiwati kadamowamariyahi. Mai ati ihi Deoso tiwa‑ya kasomatene.

Timoti yoto‑ke 2:25

Tiwa‑ya mai nofara, mai‑ya tinofa, Deoso ati yokana mai‑ya tikanawatonadihi. Deoso ati ene Yeso ati‑ya mai nofawahaba awineni. Mai ihi amosaramaro‑ya Deoso‑ya mai‑ya mai kaminawahaba awineni. Mai ihi amosaramaro‑ya mai nofami awiraboneni.

Timoti yoto‑ke 4:14

Metaho‑ya Aresadiri yama‑ya wa‑wama, owa tamine‑mone‑ya keyehe‑ya hirinemari, manakone Deoso daahinebonane. Deoso bisihineba awane.

Ebereo 10:32

Hibati‑ya Yeso ati dai nofi yanakani‑ya dai‑ya mai wee, dai‑ya mai ati kosi na, dai habo siitoramaroni.

Ebereo 2:4

Yeso ati‑ya mai kaminiya, Deoso ene ai owa‑ya mai nakitama, mai ihi kita, mai ihi‑ya mai awa, “Ka! Haa‑nima ai ene na, ai awaterani.” Mai one ati namaroni. Deoso ati ene, Deoso‑ka Doni mai‑ya sawi, ati‑nima mai ihi namaroni.

Yowaho daidi 5:16

Ai owa ene amosare ai awa, mai abarabone, mai tamine Deoso‑ya ai kamina, mai‑ya Deoso ati somawamebonane. Mai one ihi amosara mai aba kanibote nabone, mai tamine ai hiyari awirani.