Ebereo 6:2 - Deoso-ka Yama Hani

² Faha‑ya ai habanisa tamine dai wato, Deoso‑ka Doni ai‑ya sawi tamine dai wato, ai aba, ai kitamabone tamine dai wato, ai ene‑ya Deoso kadike, ai manakone‑ya daanebona tamine dai wato nineni. Hibayata Deoso‑ka yama kita tamine ai hiyaramakeboneni.

Ebereo 6:2 ပူးပေါင်းရင်းမြစ်များ

Mateo 28:19

Mai tabori dami‑ya dai tokahi. Owa tamine dai hiyarahi. Mai‑ya dai habanirisahi. Okobi, Deoso Bidi, Deoso‑ka Doni ne oni‑ya mai weyenaboneni.

Mateo 3:14

“Owa habatinirisabisahi.” Yowaho ati nematane.

Maroko 16:16

Deoso ati amosabote ati‑ya mai nofa, mai dai habanirisiya, Deoso tabaro‑ya mai saweboneni. Deoso ati amosabote ati‑ya mai nofara, wara hirini‑ya mai‑ya weenebonane.

Maroko 7:4

Yama ka‑kanika‑ya mai tokiya, mai wininamiya, mai yahi faha‑ya bokiya, hini mai‑ya mai wisakari mai teni. Mai‑ka keneko, mai‑ka faha wiye, mai‑ka yiwaha na faha‑ya mai korotofiteni. Mai‑ka idi mai ati dama mai ati‑ya mai tokadabateni.

Maroko 7:8

Deoso ati yokana dai nokotonira, dai‑ka idi mai ati‑ya dai nokotonibisateni.” Yeso ati nemarine.

Roka 11:38

Yeso yehe‑ya sorokarire, tafebona‑ya fariseo awe, atibodi yama‑ya kadikematane.

Roka 12:50

Owa‑ya mai habanirisabone, owa habanisi hawa tohara ihi oyawineni.

Roka 14:14

Haa‑nima tiwa ene niya, ya‑yaitinaboneni. Tiwa‑ya mai haanami awiraboneni. Yama faina‑bone‑ya mai ihi amosa mai kitamiya, mai‑ya tisawebone, tiwa ene manakone‑ya Deoso daanebonane.” Yeso ati nematane.

Roka 3:16

“Deoso‑ka Ka‑kadika ohi awirini. Faha‑ya dai‑ya haba·onirisabisateni. Kamaki‑bona kitabotebisa amane. Owa‑ta towebisa ama·oni. Amosabote amane. Ati ene Deoso‑ka Doni dai one‑ya sawiwahebonane. Ai nafi‑ya kadikeya, dai one‑ya sarikanebonane.

Yowaho 1:33

Hibati‑ya owa‑ya yose‑mari owa‑ya hiyare, ‘Deoso‑ka Doni kiseya, maki‑ya sawiya, tiaweya, tiwatowahebonane. Fare ati ene Deoso‑ka Doni mai‑ya sawibonane.’ Deoso ati ne, ati ene Yeso owatowahani.

Yowaho 5:29

owati‑ya mai mitiya, mai nafi kitamawahaboneni. Mai ihi amosamaro mai abaraboneni. Mai ihi amosaramaro mai wee·obisaboneni.

Yeso‑ka yo‑yose mai tamine 10:47

“Deoso‑ka Doni ai‑ya sawi, mai‑ya sawine. Mai ai habanirisahi. ‘Ai‑ya Yodeo mai ati bari awiraboneni.’ Owatibodi ati nineni.” Bedoro ati nemonane.

Yeso‑ka yo‑yose mai tamine 13:3

Deoso‑ka Doni ati ene mahi owa‑ya mai tafara, i‑di Banabe i‑di Saoro mai‑ya mai yahi fore, mai‑ya mai yosemoneni.

Yeso‑ka yo‑yose mai tamine 16:15

Ridiya hika mai eyehe habanisa, oda‑ya hiyara, “Yeso ati onofamone dai ati na, oka yobe‑ya dai winawahi.” Ati na. Hika yobe‑ya oda winawahamaroni.

Yeso‑ka yo‑yose mai tamine 16:33

Mai hiyari hawa toha, mai mai kosihina, mai‑ka ko‑kosi ihi‑ya kadeya hidi sokonawahane. Yeso ati‑ya kadeya hidi nofawahe, hika mai eyehe habanisawahane.

Yeso‑ka yo‑yose mai tamine 17:18

Ebekoriyo mai toha, Esitoiko mai toha na, Baoro‑ya mai hiyara, Deoso tamine‑ya mai ibi hiyara, “Baoro yama‑ya watore, hini yamata‑nima ati nati?” Mai one ati na. “Mai one‑ka deoso tamine‑ya hiyare awane.” Mai one ati na. Yeso abe, kitame ene ai kitamaharebone tamine‑ya Baoro hiyarane. Ai kitamabone tamine‑ya mai mita, yama‑ya mai watorani.

Yeso‑ka yo‑yose mai tamine 2:38

“Deoso‑ya dai‑ya dai kamina, Yeso Kirisito ati dai nofa, dai oda habanirisiya, Deoso dai‑ya ati somawameya, Deoso‑ka Doni dai‑ya sawiwahebonane.

Yeso‑ka yo‑yose mai tamine 2:41

Bedoro ati‑ya mai nofa, mahi ohari‑ya 3000 mai kana mai habanisa, Bedoro mai‑ya mai dabawahamoneni.

Yeso‑ka yo‑yose mai tamine 23:6

Baoro mai‑ya kiine, mai one fariseo toha, mai one sadoseo toha na, mai‑ya Baoro haane, “Ayo, soho, owati dai mitahi. Fariseo ama·oni. Okobi fariseo tohemarine. ‘Ai owa abe, kitamane.’ Ona, fara owati ihi owa‑ya mai bisinaboneni.” Baoro ati nemarine.

Yeso‑ka yo‑yose mai tamine 24:15

Mai ihi amosamaro, mai ihi amosaramaro mai na, mai aba, mai kitamabone Deoso ati nemata, ati‑nima yama nabone‑ya mai nimana, fara nima·onahari teni.

Yeso‑ka yo‑yose mai tamine 24:21

Owati ohare‑ta towe toha awineni. Mai bai‑ya owaa, mai‑ya ohiyarineni. ‘Ai aba, ai kitamabone tamine okamina ihi owa‑ya mai watani.’ Ona. Owati yanara‑mani, sibara neni.” Baoro ati nemonane.

Yeso‑ka yo‑yose mai tamine 24:25

“Yeso ati ai nofiya, ai ene amosa, Yeso ati‑nima ai naboneni. Makobote ai ene‑ya Deoso kadikebonane.” Baoro ati ne. Ati ene Feri habo siitone, “Tikamahi. Tiwati omitamatasaba awineni.” Feri ati nane.

Yeso‑ka yo‑yose mai tamine 26:8

Ai owa abe Deoso hinakitame, hini yamata ihi dai kasawariti?

Yeso‑ka yo‑yose mai tamine 4:2

Yeso abe, kitame‑nima ai kitamaharebone tamine‑ya Bedoro mai hiyara, mai ati‑ya mai mita, mai yawamoneni.

Yeso‑ka yo‑yose mai tamine 6:6

Yeso‑ka yo‑yose mai‑kaya mai mai hiwakama, Yeso‑ka yo‑yose Deoso‑ya mai hiyara, mai‑ya mai yahi foremoneni.

Homa 2:16

Ai ene ai kema‑ya ai one watoterani. Deoso‑ta ai ene‑ya watotene. Ai atibodi ati ai one himitara‑ya Deoso mitatene. Makobote yama ai kemamaro‑ya Deoso kadika, ai atibodi ati‑ya kadika nebonane. Deoso ene Yeso Kirisito ai ene‑ya kadikebona tamine okaminateni.

Korito daidi 10:2

Faha webote bai‑ya mai yakana, mai neme‑kaya neme sabi kayana mai habanisa‑nima mai nawaha, Mose ati‑ya mai tokadababone mai ati nameteni.

Korito daidi 12:13

Hibati‑ya Yodeo ai one toha, Kereko ai one toha, ai‑ya mai ka‑kanika ai one toha, ai‑ya mai kanikara ai one toha namaroni. Makobote Deoso‑ka Doni ene Yeso kobobone ai tohawaha, fara hinama ai‑ya Deoso‑ka Doni sawiwahane.

Korito yoto‑ke 5:10

Yeso Kirisito noko‑kaya ai waa, ai ene‑ya kadikebonane. Ai ene amosa‑ya kadika, ai ene amosara‑ya kadika nebonane. Ai ene‑nima ai manakone naboneni.

Firibo 3:21

Hibayata ai kitara, Yeso kameya, ai abano yati tohawahaboneni. Hini abano amosabote‑nima ai abano nawahaboneni. Yeso ene kite, yama nafi‑ya kayafebonane.

Koroso 2:12

Dai‑ya mai habanirisa, dai atibodi amosaramaro, dai atibodi bote aba, dai aba‑nima dai namaroni. Deoso ati ene Kirisito ati dai no‑nofa dai atibodi yati tohawaha, dai kitama‑nima dai nawahani. Yeso Kirisito abemari, Deoso hinakitamemarine. Ai atibodi bote amosara, Deoso ene ai atibodi yati tohawahineni.

Timoti yoto‑ke 2:18

Deoso ati‑ya mai hiyaramaro, ati bare‑ya mai hiyarawahineni. “Hibati‑ya ai kitama‑nima ai na, ai abawaha, ai abano kitamaraboneni.” Mai ati teni. Keyehe‑ya mai hirina, mai ati‑ya mai one mita, Deoso ati‑ya mai nofami awirani. “Dai aba, dai kitamaboneni.” Deoso ati tene.

Ebereo 11:35

Mai fanawi one Deoso ati‑ya nofa, mai‑ka madehe aba, kitamameteni. Ai owa‑ya mai hiyara, “Deoso ati tinofa tiwa bisi, tiwa onahaba onaboneni. Deoso ati tinofarabone tiniya, tiwa bisi·orihi, tiwa onahabarihi onaboneni.” Ai owa‑ya mai hiyara mai ati nameteni. “Sibaraboneni. Deoso ati onofa, owa‑ya tiwati bisiniya, owa bisi, owa‑ya tiwati nanahabiya, owa tinahaba tinahi. O·abiya, Deoso owa‑ya nakitamebona, o·abamaraboneni. Deoso ati onofe, ati nofi fawa·oraboneni.” Ai owa ati nematane.

Ebereo 9:10

Yama‑ya mai kaba, yama‑ya mai fawa, yama‑ya mai soko na, mai atibodi‑ya namosaterani. Mai atibodi namosabone tamine‑ya Deoso mai‑ya kaminamakimatane.

Bedoro yoto‑ke 3:7

Hibayata Deoso ene yama tohasa na, makobote mai ihi amosara mai ihi‑ya Deoso kadikeya, neme, bofe na, nafi hirinaboneni. Deoso ati‑ya mai nofaramaro, mai‑ya nahatiwahebonane.