Ebereo 6:19 - Deoso-ka Yama Hani

¹⁹ Ai‑ka kanawa ai yaditoneni, yama hakikini hiwakarabonehe. Fara‑nima Deoso ati‑nima ene ne ai wata, Satanasi ati ene ai tosawariraboneni.

Ebereo 6:19 ပူးပေါင်းရင်းမြစ်များ

Mateo 27:51

Deoso‑ka yobe‑ya bora kita winamaro, Yeso abeya, bora tati‑ya kebi yanana, nafi kebemeteni. Wami wawawakana, yati webote one wakakanamaroni.

Yeso‑ka yo‑yose mai tamine 23:6

Baoro mai‑ya kiine, mai one fariseo toha, mai one sadoseo toha na, mai‑ya Baoro haane, “Ayo, soho, owati dai mitahi. Fariseo ama·oni. Okobi fariseo tohemarine. ‘Ai owa abe, kitamane.’ Ona, fara owati ihi owa‑ya mai bisinaboneni.” Baoro ati nemarine.

Yeso‑ka yo‑yose mai tamine 27:29

“Yati‑ya ai koboriyahi.” Mai ati na. Maboro ma‑maakana‑ka yama 4 toha‑ya maboro yodi‑kaya mai weretofemaroni. Deoso‑ya mai hiyara, yama wahi‑ya mai nimanamaroni.

Yeso‑ka yo‑yose mai tamine 27:40

Maboro ma‑maakana‑ka mado‑ya mai wisihina, faha‑ya towitakosa, teme mai hinakisama, hika bora ohare mai yadihinama namaroni, faha widi‑ya mai tokabonehe.

Homa 4:16

Fare Deoso ati‑nima yama nabone ai watowahineni. Deoso ati‑ya Abaraho nofemata, fare‑nima Deoso ati ai nofe, ati‑nima yama ai kayafaboneni. Ai ene tohi awirini. Deoso hini ene ai‑ya kasome, ai‑ya ati somawamebonane. Yodeo oda toha, Deoso ati oda nofiya, Deoso ati‑nima yama na oda kayafaboneni. Abaraho‑ka nodi yokana oda amani. Fara‑nima Bara dai toha, Deoso ati dai nofiya, Abaraho‑ka nodi yokana dai tohahare, Deoso dai‑ya ati somawamaharibonane. Deoso ati ai no‑nofa ai nafi‑ka idi i‑di Abaraho toha tene.

Homa 4:18

“Amowa mai dama mai‑nima tika nodi mai teboneni.” Deoso ati nematane. Abaraho bote tohe, fadi bote toha na, bidi awisare, Deoso ati‑ya nofasa ne, habo kite. Deoso mai‑ya kasomare‑mana, mai‑ka ewe wadare nane. “Oka nodi mai damabone Deoso ati ne, oka nodi mai damaboneni.” Abaraho atibodi ati nematane.

Homa 5:4

Ai habo kita, ai yawara, ai ene sibarabone Deoso ati ne. Deoso ene ai habo kita, Deoso amosabote tabaro‑ya ai kobonabone yama ai nimana, ai ya‑yainaboneni.

Korito daidi 13:13

Hibayata Deoso ati ai nofa, ati‑nima yama nabone ai nimanasa nineni. Yeso kobonamebona, koboni ai nimana, koboneya, ai nimani fawanaboneni. Hibayata ai ibi nofa, makobote ai ibi nofi fawarabone, fara amosabisateni.

Korito daidi 15:58

Oka dai amani, owati dai mitahi. Dai eme kitahi. Ai‑ka Hidi ati‑nima dai nabone, dai‑ya mai we‑wee, mai ati dai nokotoniriyahi. Ai‑ka Hidi ati‑nima dai niya, dai manakone amosa wadaboneni.

Efesiyo 2:6

Yeso Kirisito abe, Deoso hinakitame, neme‑ya hiwakame, hiwatarimatane, yama nafi‑ka hidi tohawahebonaha. Yeso Kirisito‑ka ai toha, Deoso ai‑ya aweya, neme‑ya ai itari hawa toha‑nima ai na, ai‑ya awane. Yeso‑ya nakitamemata‑nima ai‑ya nakitamaharibonane. Yeso‑ya neme‑ya nawitarimata‑nima ai‑ya nawitariharibonane.

Koroso 1:27

Hibati‑ya Deoso Ati Amosabote‑ya mai watoramete, hibayata ai‑ya Deoso kanawato, Bara mai atibodi‑ya Kirisito sawiwahebonane. Yodeo ai toha, Bara dai toha na, ai nafi‑ya sawiwahane. Ai atibodi‑ya Kirisito sawi, Deoso tabaro‑ya ai winawahabone ai watowahini.

Koroso 3:1

Kirisito abe, kitame, Deoso‑ka kanika neme‑ya itarine. Kirisito eyehe dai atibodi bote aba‑nima nawaha, Kirisito kitame‑nima dai atibodi yati tohawaha, neme‑ka yama tamine dai kadikiyahi.

Timoti yoto‑ke 2:19

I‑di Deoso ati abaterene. Deoso mai‑ya kadikemari, Deoso mai oni‑ya watone. Deoso‑ka ama·oni, ai ati niya, Deoso ati‑nima ai nahi. Ai ene amosahi.

Ebereo 4:16

Deoso‑ya ai hiyarabone, ai habo siitoriyahi. Ai ya‑yainibisahi. Deoso ai hiyariya, ati somawamebonane, ai‑ya kasomebonane.

Ebereo 9:3

Deoso‑ka yobe kote barikane‑ya bora kita wina‑ya Deoso kayawi ba‑basi nematane.

Ebereo 9:7

Yobe kote Deoso kayawi ba‑basi hine‑ya mai tokiyomara, faha fowe ohari‑ya Deoso‑ka yama‑bone‑ya mai da‑daa mai‑ka hidi webote tokiyomi oharibisematane. Tokiyome, ama‑ya damakane, Deoso‑ya ama‑ya daane, hini manakone‑bona‑ya daani baha, ai manakone‑bone‑ya daanamakinematane. Ai ene‑ya barikanane, Deoso ai ene‑ya awarebonaha.

Bedoro daidi 1:3

Ai‑ka Abi ai kahiyarahi. Ai‑ka Hidi i‑di Yeso Kirisito‑ka Abi i‑di Deoso amosabote amane. Ai‑ya nofe, ai‑ya kadike ene ai wada yati‑nima ai nawahani, Deoso bidi ai tohawahabonehe. Deoso bidi ai toha, Bidi i‑di Yeso Kirisito‑ya nakitame‑nima ai‑ya nakitamebona ai nimaneni.