Ebereo 5:9 - Deoso-ka Yama Hani

⁹ Deoso ati hinama‑ya tokadabi hawa tohe, ati ai tokadabeya, Deoso‑ka ai tohawaha, Deoso tabaro‑ya ai winamakeboneni.

Ebereo 5:9 ပူးပေါင်းရင်းမြစ်များ

Mateo 17:5

Bedoro hiyaranasa neya, neme sabi wahi wada mai‑ya barikanameteni. Neme sabi‑ya ati kaki, “Oka Dao amane. Oka Dao onofi nafi, ati dai tokadabahi.” Ati nematane.

Roka 13:32

“I‑di Erodi ati hini tohaya. I‑di Erodi‑ya dai tokiya, dai hiyarahi. ‘Yeso ati tamine timitahi. Owa amoni famiya, madi towe mai kana·onihebone, mai kiyana mai onakitamaboneni. Owa amoni oharimaki‑ya yama noko·onihe, hawa·oniheboneni. Yeso ati nene.’ Dai ati nahi.

Yowaho 19:30

Fino‑ya to‑tomine, “Yama nafi hawa tohini.” Ati ne, tati winarise, abemarine.

Yeso‑ka yo‑yose mai tamine 3:15

Yeso ai‑ya wamanemata, dai ati ene mai hinahabe, Deoso hinakitame, kitami oda awemarine.

Yeso‑ka yo‑yose mai tamine 4:12

Neme‑ya mai wi‑wina, bofe‑ya mai wi‑wina na, mai ihi tohara, Yeso ohari‑ta ati ai nofa, Deoso‑ka ai tohateni.” Bedoro ati nemarine.

Yeso‑ka yo‑yose mai tamine 5:32

Tamine oda hiyare, Deoso‑ka Doni tamine hikaminaharitene. Deoso ati‑ya mai tokadaba, Deoso‑ka Doni mai‑ya sawitene.” Yeso‑ka yo‑yose mai ati namoneni.

Homa 1:5

Kirisito ene Deoso owa‑ya kadikemarine, Yeso‑ka yo‑yose ohawahabonehe. Deoso owa‑ya kasomemarine, Bara mai‑ya Deoso Ati Amosabote okaminabonehe. Yeso ati‑ya mai nofiya, ati mai hikadabeya, Yeso Kirisito‑ya mai kahiyaraboneni.

Homa 10:16

Deoso Ati Amosabote‑ya mai kamina, mai ati‑ya mai dami nofara. “Deoso, tiwati oda kamina, oda ati‑ya mai nofarani.” Isa·iya ati ne, Deoso‑ka yama hani‑ya.

Homa 15:18

Kirisito ene Bara dai‑ya ohiyara, owa ene dai awa, Yeso ati dai nofawaha, fare tamine okamini oharibonane.

Homa 2:8

Mai one hini mai‑ya mai nofabisa, Deoso ati‑ya mai nofara, Satanasi ati‑ya mai nofa, hini mahi‑nima mai ihi towe toha, mai ihi Deoso yawi kiteya, mai‑ya nakomeya, Deoso yawe‑ya mai watowahaboneni.

Homa 6:17

Deoso ene ya‑yai·oneni. Hibati‑ya dai atibodi bote dai‑ka hidi toha, ati dai tokadabamaroni. Hibayata Deoso ati‑ya dai mita, ati dai nofe, ati dai tokadabawahatene.

Korito yoto‑ke 10:5

Keyehe‑ya mai nofamaro Deoso ati oda kamine, ati‑ya mai mita, keyehe‑ya mai nofami awira. Satanasi mai atibodi‑ya barikanemari, Deoso ati‑ya mai mita, mai atibodi seekawahani. Kirisito atibodi ati‑nima oda atibodi ati nabone oda nofateni.

Firibo 2:12

Hibati‑ya dai‑ya osawe, owati‑ya dai nofamaroni. Hibayata dai‑ya osawira, owati‑ya dai nofasa nahi. Owati abariyahi. Yama‑ya Deoso nofare‑ya yama dai nofahaririyahi. Dai habo siitoniya, ai‑ka Abi i‑di Deoso ati dai tokadabahi, yawarebonaha.

Tesaronika yoto‑ke 1:8

Yeso kameya, mai ihi amosara mai manakone‑ya daaneya, yifo hirina‑nima yama kome na‑ya mai kayafaboneni. Deoso‑ya mai watora, Yeso Kirisito Ati Amosabote‑ya mai nofara, haa‑nima mai manakone tohaboneni.

Tesaronika yoto‑ke 2:16

Ai‑ka Ayo i‑di Yeso Kirisito, ai‑ka Abi i‑di Deoso ne, ai‑ya mai nofa, ai‑ya mai kasomateni. Fara mai ihi Deoso tabaro‑ya ai kobonabone ai watoneni.

Timoti yoto‑ke 2:10

Kadeya‑ya ofoya, oyawara, sibaraboneni. Kadeya‑ya owaa, Deoso Ati Amosabote mai one‑ya okamina, Yeso ati‑ya mai nofamakeba awineni. Hibati‑ya Deoso mai‑ya kadikane, Yeso ati‑ya mai nofabonehe. Yeso ati‑ya mai nofamakiya, Deoso tabaro‑ya mai winawahaboneni. Mai ya‑yaini fawateraboneni.

Ebereo 1:14

Hini yamata‑nima Deoso‑ka yo‑yose mai nihi? Deoso ati ai no‑nofa, Deoso tabaro‑ya ai winabone ai‑nima mai ra, ai‑ya mai kasomabone, Deoso mai‑ya wamanematane.

Ebereo 11:40

Deoso yama nafi‑ya wato, mai‑ya kasome, ai‑ya kasomahari, neme‑ya ai koboniya, mai eyehe ai winiya, yama amosa hinama tohaboneni.

Ebereo 11:8

Abaraho‑ya Deoso hiyare, ati‑ya i‑di Abaraho nofe, “Abaraho, tabora bara‑ya tikahi. Tabora tiwa‑ya daa·onabone, yofi·okanaboneni.” Deoso ati nematane. Deoso ati‑ya Abaraho atibodi nofe, toke, “Deoso ati okadababoneni. Tabora iti oawara‑ya Deoso owa‑ya yofikanebona, owa‑ya daahinaboneni.” Abaraho atibodi ati nematane.

Ebereo 12:2

Yeso‑ta ai nokotoni oharibisahi. Yeso ene Deoso ati ai nofa, Deoso tabaro‑ya ai winamakeboneni. Yeso Deoso ati‑ya tokadabe, fare‑nima ai nahi. “Deoso owa‑ya kasomebona, ene ya‑yai·onaboneni.” Yeso ati ne. Yeso mai baahikane, awa‑ya waane, abe, mai hahahikane, mai‑ya yawaremata, hibayata Deoso itari‑ka kanika‑ya itariwahane.

Ebereo 2:10

Yama nafi‑ya Deoso wamanemata, hika yama toha, ai ene amosara manakone‑ya ai‑ka Hidi‑bona nanahabebona, Deoso ene amose ene Yeso komene kitematane, amosabote tohebonaha. Yeso ene Deoso bidi mai dodamawahani.

Ebereo 2:3

Deoso Bidi Badi ati‑ya kamine, ati ai tokadabare, ai manakone amosara ba‑basi nibisaboneni. Deoso Ati Amosabote‑ya Bidi mai‑ya kamine, Yeso ati‑ya mai mita, ati mai hikaminamaki, ati oda mitane.

Ebereo 9:12

Ai manakone‑ya nanahabebona, bodi, bowi bidi mai na mai emene‑ya towakamare, hini emene‑ya towakamabise, yama manakone abi ohariwahabone, ai manakone‑ya wadamaterabonehe.

Ebereo 9:15

Hibati‑ya ai ene amosara ai ene yama amosa‑ya ai kayafarabone, ai ababisabone Deoso ati nemata, Yeso abe ai manakone‑ya nanahabe ene Deoso ai‑ya ati somawame, yama amosa daahinabone ati ne, ai kayafaboneni.

Ebereo 9:28

Kirisito abe, ai manakone‑ya nanahabemata, kamatasebona, ai manakone‑ya nanahabami awirebona, ai nimane, neme‑ya ai‑ya towakamebonane.

Bedoro daidi 1:22

Deoso ati dai tokadabe, dai atibodi amosa, dai ene amosawamateni. Deoso‑ka dai toha, Deoso‑ka mai dai nofaboneni. Dai ibi nofi nafiyahi.

Yowaho daidi 5:20

Deoso Bidi hibati‑ya kaki oda awemarine. Yeso ene, Badi, i‑di Deoso yokana ai watowahene. Yeso ene, Deoso ai‑ya bidi nane. Yeso ai‑ya soho ne, Deoso yokana ohari‑ta ene ai abateraboneni.

Yoda‑ka yama hani 1:21

Deoso dai‑ya nofe, ati dai tokadabahi. Ati dai tokadabeya, dai‑ya kasomebonane. Makobote Deoso tabaro‑ya Yeso Kirisito ai‑ka Hidi dai‑ya towakamebona, dai abamateraboneni.