Ebereo 4:2 - Deoso-ka Yama Hani

² Deoso tabaro‑ya ai maa tohi fawanabone tamine‑ya mai mita, tamine oda mitahari nemarine. Deoso ati Amosabote‑ya mai mita, ati mai hinofare, mai‑ya kasomare, tabaro‑ya mai koborameteni.

Ebereo 4:2 ပူးပေါင်းရင်းမြစ်များ

Yeso‑ka yo‑yose mai tamine 13:46

Baoro, Banabe, mai fama mai ati fawani awira, “Yodeo dai toha, Deoso ati ene dai oda hiyari baha, dai ati a‑arira, Deoso ati dai nofara, Deoso tabaro‑ya dai wini awirabone, dai abi ohareboneni. Dai ati ene Bara mai‑ya oda tokiya, mai oda hiyarawahaboneni.

Yeso‑ka yo‑yose mai tamine 3:26

Deoso Bidi‑ya nakitami hawa tohe, dai‑ya hiyosemi dai hihemarine. Dai‑ya kasomebona, dai ene towe tohamarabonehe.” Bedoro ati nemonane.

Homa 2:25

Deoso‑ka dai tohabone, dai sowiri tati ataro‑ya mai wisinakosamaro. Deoso ati dai tokadaba‑mani, Deoso dai‑ya kasome nane. Deoso ati dai tokadabara, Deoso‑ka dai tohi awira. Mai sowiri tati atori abara mai‑nima dai nawahani.

Homa 3:3

Deoso ati‑ya Yodeo mai one nofara, ati mai hikadabarihi hine, Deoso ati‑nima yama ni awirabone dai ati na awineni.

Korito daidi 13:3

Mai‑ka yamata wadara mai‑ya oka yamata nafi daa·ona, mai onofara‑mani, Deoso‑ya owa manakone wadara neni. Ai owa‑ya mai sarikanabone, owati ihi owa‑ya mai sarikibisa, ai owa onofara‑mani, Deoso‑ya owa manakone wadara neni.

Karatiya 3:2

Hibati‑ya Mose ati‑nima dai na, Deoso‑ka Doni dai‑ya sawine? Dai‑ya sawi awiremarine. Yeso Kirisito tamine‑ya oda kamina, Yeso ati dai nofa, Deoso‑ka Doni dai‑ya sawiwahabisane.

Karatiya 3:8

Hibati‑ya Yodeo mai toha, Bara mai toha mai na, mai tamine‑ya Deoso hiyarane Abaraho‑ya. Deoso hini Ati Amosabote‑ya kaminemarine. “Abaraho, tabora dami‑ya mai wi‑wina mai okasomaboneni, mai nafi. Owati tinofa‑nima owati‑ya mai nofiya, mai okasomaboneni.” Deoso ati nemarine. Deoso ati‑ya mai kanahanamaroni, Deoso‑ka yama hani‑ya.

Karatiya 4:13

Hibati‑ya dai tabaro‑ya kobo·ona, kiya·onamaroni. Kiya·ona, Deoso Ati Amosabote dai‑ya okaminamaroni.

Tesaronika daidi 1:5

Dai‑ya oda hiyara oda ati tohi awiramaroni. Deoso Ati Amosabote ati oda hiyarabisamaroni. Deoso‑ka Doni ene kite dai awemarine. Deoso ati‑nima oda na, keyehe‑ya oda hiriterani. Oda ene‑ya dai awamaro, dai‑ya oda nofi nafe, oda dai watoneni.

Tesaronika daidi 2:13

Dai tabaro‑ya oda wina, dai‑ya oda hiyara, “Baoro hini mai ati tohi awirani. Deoso ati‑ya mai hiyarabisani.” Dai ati namaroni. Deoso ati oda hiyaremari, ati dai watowahineni. Deoso ati‑ya dai wata, dai ene sibarineni. Dai ene oda ya‑yaineni. Deoso‑ya dai ene oda hiyarineni.

Timoti daidi 4:8

Ai kiti nafebone, ai yaka, yama ai ani ai teni. Hibayata yakani ai‑ya kasomi bide toha, makobote ai‑ya kasomi terani. Ai‑ya ai kasomi ba‑basi nabone, Deoso ati ai tokadabahi. Deoso ati ai tokadaba, hibayata ai‑ya kasoma, makobote ai‑ya kasomahari nebonane.

Ebereo 11:6

Deoso ati‑ya mai nofara Deoso‑ya mai ya‑yaini terani. Deoso‑ya ai hiyarabone ai atibodi ai‑ya hiyara, “Deoso tohe ati onofe, owa‑ya kasomebonane.” Ai atibodi ati teni.

Ebereo 3:12

Dai noko wadahi. Dai atibodi amosa, Satanasi dai‑ya keyeheya, ati dai nofarayaho. Deoso ati dai tokadababisabonehe.

Ebereo 4:6

Mai one Deoso tabaro‑ya winaboneni. Mai one Deoso Ati Amosabote‑ya mai mita, Deoso ati‑ya mai nofara, Deoso tabaro‑ya mai winateraboneni.

Tiyako 1:21

Dai ene amosaramaro‑nima dai ene namariyahi. Dai ati yanana, dai ati amosahi. Mai ati towe, mai ati‑nima dai ati rihi, mai ihi towe, mai ihi‑nima dai ene rihi nahi. Deoso hini ati‑ya dai atibodi‑ya kanahanomata, ati dai nofe, tabaro‑ya dai winamakeboneni.

Bedoro daidi 1:12

“Owati dai kanahanohi. Owati‑ya mai wato kanibote raboneni. Mai amoni dami‑ya dai ati‑ya mai kadikiya, owati‑ya mai watowahaboneni.” Deoso‑ka Doni ati nematane. Fare dai tamine‑ya hiyare, Deoso‑ka Doni neme‑ya kise, dai‑ya kanawatobona, dai‑ya oda kaminamakitasineni. Deoso‑ka yo‑yose neme‑ya mai wi‑wina, dai‑ya Deoso kanawato tamine‑ya mai atibodi kadika, yama‑ya mai watora, ai‑ta Deoso ati ai wato neni.