Ebereo 4:15 - Deoso-ka Yama Hani

¹⁵ Ai‑ya Satanasi keyehe‑nima Deoso‑ka yama‑bone‑ya mai da‑daa mai‑ka hidi webote‑ya keyehemata, Satanasi ati‑ya nofare, ati hikadabarematane. Ai‑ta Satanasi ai‑ya keyeheya, ai kitara, Satanasi ati ai nofaba awineni. Satanasi ati ai nofa ai atibodi koma, Deoso‑ka yama‑bone‑ya mai da‑daa mai‑ka hidi webote ai‑ya kasomebona ati nane.

Ebereo 4:15 ပူးပေါင်းရင်းမြစ်များ

Mateo 12:20

Mai kiyana mai‑ya kasomebonane. Mai ohini kita mai‑ya weeterebonane. Mai kitara mai‑ya kasomeya, mai nafi ihi‑nima mai manakone na‑ya daanebonane.

Mateo 4:1

Deoso‑ka Doni ati ene kabani‑ya Yeso tokematane, Diaboro ati‑ya mitebonaha. “Owa ene Deoso ati‑ya Yeso tokadabamarebonane.” Diaboro atibodi ati nematane.

Roka 22:28

Kabani‑ya owa amoni dama, owa‑ya mai weeni kofina, owa‑ya dai dabanasa na, owati‑ya dai nofasa nineni.

Roka 4:2

Kabani‑ya wai, hawi‑ya Deoso‑ka Doni yofikanematane. Diaboro Yeso‑ya hiyarematane, Deoso ati‑ya tokadabamarebonaha. Yeso tafare, amoni 40 kane fimi watihikanematane.

Yowaho 8:46

Owa ene towe dai awineni? Owa ene towe dai awaterani. Owa ene amosa hinama toha, keyehe‑ya hiri·ora, owati dai nofahi.

Homa 8:3

Ai atibodi bote‑ya Mose ati namosaterene. Ai tabaro‑ya Deoso hini Bidi‑ya yose, ai abano‑nima Yeso abano ne, ene amose hinama, ai ene towe manakone‑ya nanahabematane. Ai atibodi yati‑ya Mose ati daaterene. Deoso‑ta ai atibodi yati‑ya daane, ai ene amosawama, yama towe ai nokotonimaraboneni.

Korito yoto‑ke 5:21

Yeso ene amose hinama tohe, ai ene amosara‑ya kayafe, abematane. Ai ene amosara manakone‑ya nanahabemata, ati ai nofe‑ya Yeso ene amose hinama‑ya ai kayafaboneni. Deoso ai‑ya ati somawamatene.

Ebereo 4:14

I‑di Yeso, Deoso‑ka yama‑bone‑ya mai da‑daa mai‑ka hidi webote neme‑ya tokome, Deoso Bidi yokana amane. Deoso ati ai tokadababone ai ati na, Deoso ati ai tokadabahi.

Ebereo 5:2

Deoso‑ka yama‑bone‑ya da‑daa‑mata, ai‑nima kitare, ai ene‑nima ene ne. Yama ai watora, ai tosawariya, ai‑ya weeni nafirebonane.

Ebereo 7:26

Deoso‑ya ai manakone‑ya Yeso daane ene ai manakone abawahani. Ati amose hinama tosawariterene. Ai‑ta ai tosawari, Yeso‑ta tosawari terene. Neme amosi‑ya Yeso amosi fiyakanane.

Ebereo 9:28

Kirisito abe, ai manakone‑ya nanahabemata, kamatasebona, ai manakone‑ya nanahabami awirebona, ai nimane, neme‑ya ai‑ya towakamebonane.

Bedoro daidi 2:22

Yeso ene amose hinama tohe, keyehe‑ya hiriterene.

Yowaho daidi 3:5

Hibati‑ya Yeso kame, ai ene amosara, ai manakone‑ya nanahabemarine. Yeso ene amose hinama amane.