Ebereo 4:14 - Deoso-ka Yama Hani

¹⁴ I‑di Yeso, Deoso‑ka yama‑bone‑ya mai da‑daa mai‑ka hidi webote neme‑ya tokome, Deoso Bidi yokana amane. Deoso ati ai tokadababone ai ati na, Deoso ati ai tokadabahi.

Ebereo 4:14 ပူးပေါင်းရင်းမြစ်များ

Mateo 4:3

Makobote Diaboro kamaki, “Deoso Bidi amatiniya, tiwati ihi yati baho tohahi, tikababonehe.” Diaboro ati ne,

Maroko 1:1

Yeso Kirisito tamine amosabote amane. Yeso Kirisito, i‑di Deoso Bidi tamine okanahanaboneni.

Maroko 16:19

Ai‑ka Ayo Yeso hiyari hawa toheya, Deoso ene neme‑ya tokome, Deoso mano kanika‑ya itariwahematane.

Roka 24:51

Mai‑ya hiyareya, neme‑ya tokomematane.

Yeso‑ka yo‑yose mai tamine 1:11

“Karireya‑ka dai toha, hini yamata ihi neme‑ya dai kakatoma? Neme‑ya Yeso tokome, kamebonane. Tokomi dai awe, kisami mai hiawebonane.” Deoso‑ka yo‑yose mai ati namoneni.

Yeso‑ka yo‑yose mai tamine 3:21

Hibayata neme‑ya Yeso wine, hibati‑ya Deoso ati‑ya mai mi‑mita‑mete Deoso ati‑ya mai kanahano, ‘Yama yanakani‑ya yama nafi amosamete‑nima Deoso ene yama namatasaboneni.’ Mai ati na, Fara‑nima yama yanatonabone, Yeso kamatasebonane. Deoso ati‑nima yama naboneni.

Homa 8:34

Deoso‑ya ai tamine‑ya mai hiyariya, “Mai ihi amosaramaro, mai abahi.” Mai ati naba awineni. Deoso‑ka kanika‑ya Yeso itari, ai tamine‑ya kaminamakiya, “Mai abarabone, mai manakone onahaba, o·aba, okitamamaro, mai manakone amosara wadami awirani.” Ati nebonane.

Korito yoto‑ke 12:2

Hibati‑ya faha fowe 14 tohi‑ya Kirisito ene neme‑ya maki tokemari owato, korimari toha, abano toha ne awane. Yama owatora, Deoso‑ta hiwatobisane.

Korito yoto‑ke 9:13

Yama dai daana, dai ene mai ya‑yaina, Deoso‑ya mai kahiyarabone, “Abi Deoso, amosabote amatini. Korito‑ya mai wi‑wina yama dama‑ya mai kihara, mai ihi amosa, oda‑ka yamata‑bone‑ya mai daana, tika dao i‑di Yeso Kirisito ene‑nima mai ihi na, oda‑ya mai kasoma, mai‑ka yamata‑ya mai daanineni.” Mai ati naboneni.

Efesiyo 4:10

Kitame, neme‑ya tokome, Deoso tabaro‑ya winamatasane, yama nafi‑ka hidi tohawahebonaha.

Ebereo 1:8

Deoso Bidi‑ya hiyare, “Deoso tiha, mai nafi‑ka hidi tiha, tiwa hidi tohi fawaterabone, tika mai ihi tikadika, tiwati amosa hinama tohateboneni.

Ebereo 10:12

Kirisito‑ta Deoso‑ya yama‑ya daani ohari hawa tohe, Deoso‑ka kanika‑ya itariwahane. Ai manakone abi ohare, ai manakone‑ya Deoso haanamaterebonane.

Ebereo 10:23

Deoso tabaro‑ya ai kobonabone ai ati namaro, ai atibodi yama‑ya kadikariyahi. Deoso ati‑nima yama naboneni.

Ebereo 10:29

Mose ati‑ya mai tokadabara mai abameteni. Hini yamata‑nima Deoso neba, Bidi ati‑ya ai nofarihi? Deoso Bidi abe, ai manakone‑ya nanahabemata, Deoso Bidi ati‑ya ai nofara, Deoso‑ka Doni ai nayawa, hini yamata‑nima Deoso ai‑ya nibona, dai ati niti?

Ebereo 12:2

Yeso‑ta ai nokotoni oharibisahi. Yeso ene Deoso ati ai nofa, Deoso tabaro‑ya ai winamakeboneni. Yeso Deoso ati‑ya tokadabe, fare‑nima ai nahi. “Deoso owa‑ya kasomebona, ene ya‑yai·onaboneni.” Yeso ati ne. Yeso mai baahikane, awa‑ya waane, abe, mai hahahikane, mai‑ya yawaremata, hibayata Deoso itari‑ka kanika‑ya itariwahane.

Ebereo 2:1

Deoso ati dai mitemari, ati dai tokadabebona dai ati na, dai ati kadamowamariya, ati‑nima dai naboneni.

Ebereo 2:17

Abaraho‑ka nodi ai toha, ai‑ka Ayo ai‑ya kasomebona, ai‑nima ne. Deoso‑ka yama‑bone‑ya mai da‑daa mai‑ka hidi webote Yeso tohebona, ene amose hinama tohe, ai ene amosara manakone‑ya Deoso‑ya daanebonane.

Ebereo 3:1

Soho, owati dai mitahi. Hibati‑ya Deoso ai‑ya kadike, Yeso‑ya Deoso yosemari, Deoso‑ka yama‑bone‑ya mai da‑daa mai‑ka hidi webote tohe, tamine dai kadikahi.

Ebereo 3:14

Yeso ati ai tokadabamaro, ati ai tokadabanasa neya, Kirisito‑ka yama ai kayafa, tabaro‑ya ai winawahaboneni.

Ebereo 6:20

Deoso‑ya Yeso hini emene‑ya towakame, emene daahinaya, ai manakone abawahineni. Deoso‑ka yama‑bone‑ya mai da‑daa mai‑ka hidi webote Yeso tohawahe, Meokisadeki‑nima nane.

Ebereo 6:6

Deoso ati‑ya mai nofami awira, awa‑ya Yeso Kirisito‑ya mai baakanamatasa‑nima mai nineni. Fara ihi Kirisito‑ya mai one hahakanaboneni.

Ebereo 7:3

Meokisadeki badi, madi, mai na mai wadarameteni. Wadarihi, abarihi ne, Deoso Bidi‑nima nane. “Meokisadeki, Oka yama‑bone‑ya da‑daa tihabone, tika yama daani fawateraboneni.” Deoso ati nematane.

Ebereo 8:1

Owati dai mita yama‑ya dai watowahaboneni. Deoso‑ka yama‑bone‑ya mai da‑daa mai‑ka hidi webote i‑di Yeso tohe. Ai manakone‑ya Deoso‑ya daane, ai‑ka Abi neme‑ke‑ka kanika‑ya itariwahane.

Ebereo 9:12

Ai manakone‑ya nanahabebona, bodi, bowi bidi mai na mai emene‑ya towakamare, hini emene‑ya towakamabise, yama manakone abi ohariwahabone, ai manakone‑ya wadamaterabonehe.

Ebereo 9:24

Neme‑ke yobe Deoso wamahinemata, fare bofe‑ke mai wamahine hetarato‑nima ne‑ya idi Mose wamanane. Yobe kote Deoso hikayawemata‑ya Kirisito tokiyomare, neme‑ke yobe‑ta‑ya tokiyomabisene, Deoso‑ya ai manakone‑ya daanebonaha.

Bedoro daidi 3:22

Yeso kitame, neme‑ya toke, Badi i‑di Deoso‑ka kanika‑ya itariwahe, Yeso kitabote tohe, neme‑ya mai wi‑wina, Deoso‑ka yo‑yose, mai na, mai‑ka hidi tohanane.