Ebereo 4:12 - Deoso-ka Yama Hani

¹² Deoso ati kitabote tohe, yima ini fama, ini inokima‑nima ne. Ai atibodi ai korimari na‑ya kebitene. Ai atibodi ati, ai atibodi yama hinofa hina‑ya kadikatene.

Ebereo 4:12 ပူးပေါင်းရင်းမြစ်များ

Roka 8:11

Yamata noki tamine yokana dai mitahi. Yamata noki Deoso ati tamine amane.

Yowaho 12:48

Owa‑ya mai nofara, owati‑ya mai nofaharira, mai ihi manakone wada, yama faina‑bone koboniya, hini mai ihi manakone‑ya mai kayafaboneni.

Yowaho 6:51

Neme‑ya okisamaroni. Baho‑nima ona ama·oni. Oka baho‑ya mai kaba, mai abateraboneni. Bofe‑ya dai wi‑wina dai‑ya okasomabone, oka baho daa·onaboneni. Oka baho owa eme tamine amani.” Yeso ati nemarine.

Yeso‑ka yo‑yose mai tamine 2:37

Bedoro ati‑ya mai mita, mai atibodi komawaha, Bedoro mai‑ya mai hiyara, “Oda‑ka ayo dai toha, hini yamata‑nima oda nibati?” Mai ati na,

Yeso‑ka yo‑yose mai tamine 4:31

Deoso‑ya mai hiyari hawa toha, mai yorotokani‑ke yobe henene, Deoso‑ka Doni mai nafi‑ya sawi ene Deoso ati‑ya mai kamina, mai habi siitonami awiramoneni.

Yeso‑ka yo‑yose mai tamine 5:33

Yeso‑ka yo‑yose mai ati‑ya mai‑ka hidi mai mita, mai yawi kita, “Mai ai nanahabahi.” Mai ati namoneni.

Yeso‑ka yo‑yose mai tamine 7:38

Tabora awiri‑ya i‑di Mose mai yorotokana, Deoso‑ka yo‑yose ati‑ya mai mitameteni. Sinai adami‑ya i‑di Mose tokomorose, Deoso‑ka yo‑yose ati himitemata, ati ai nofa, ai abarabone, ati hikanahanomata, ati ai fawaniterebonaha.

Homa 1:16

Yeso Kirisito Ati Amosabote okamina, owa habo siitora, owa habo kitabisa, ya‑yai·oneni. Deoso kitabote tohe, ati ene Yeso Kirisito Ati Amosabote‑ya ai nofa, ai‑ya ati somawamatene. Yodeo Yeso tamine‑ya mai miti baha, Bara Yeso tamine‑ya mai mitamakinineni.

Korito daidi 1:24

Deoso mai‑ya haanemataya, “Deoso ene Kirisito kitabote amane.” Yodeo mai ati teni. “Deoso ene Kirisito yama nafi‑ya watobisane.” Kereko mai ati teni.

Korito yoto‑ke 2:17

Mai one yinero‑ya nokotonihe, Yeso ati yokana‑ya mai kamini awirani. Deoso oda‑ya yosemarine, Yeso ati yokana oda kaminebonaha. Deoso ene Yeso ati yokana oda kamini oharineni.

Korito yoto‑ke 4:2

Deoso ati‑ya mai one kaminamone mai ati na, Deoso ati‑nima mai ihi ra. Deoso ati kote‑ya mai kema, ati yokana‑ya mai kaminara. Hini yama miti mai hinofa‑nima mai ati na, mai ati‑ya mai nofabonehe. Mai‑nima oda ni awira. Deoso ati yokana oda kamine, ati mai himite, Deoso ati‑ya mai atibodi nofaboneni. Deoso oda ene‑ya awe, ati‑nima ati oda kaminatene.

Efesiyo 5:13

Yama wahi‑ya yama‑ya ai awa, yama ai watoteni. Yama wahi‑ya ai wi‑wina, ai ene yama wahi‑nima na, mai ihi amosara‑ya mai awawahaboneni.

Efesiyo 5:26

Yeso‑ka ai toha, ai atibodi‑ya Kirisito namosebona, abematane. Bora bisa toha, ai sokona, amosawamabone‑nima Yeso ati ai nofa ai‑ya namosane.

Efesiyo 6:17

Sodado mai tati bori kita‑ya mai sakoteni, mai tati‑ya yima koborabonehe. Fara‑nima tiwa manakone‑ya Yeso nanahabe tamine‑ya tiwatibodi yama‑ya kadika, tiwa manakone one wadamara‑ya tiwatowaha, ya‑yaitinaboneni. Haa‑nima dai ni‑ya, Deoso tati borone kite‑nima na dai sakonaboneni. Sodado yima‑ya mai damateni, bara mai‑ka sodado mai‑ya mai idabonehe. Fare Deoso ati Deoso‑ka Doni‑ka yima amani. Deoso ati‑ya ai owa mite, mai ihi amosara mai atibodi‑ya Deoso ati ideya, Yeso ati‑ya mai nofawahaba awineni.

Tesaronika daidi 2:13

Dai tabaro‑ya oda wina, dai‑ya oda hiyara, “Baoro hini mai ati tohi awirani. Deoso ati‑ya mai hiyarabisani.” Dai ati namaroni. Deoso ati oda hiyaremari, ati dai watowahineni. Deoso ati‑ya dai wata, dai ene sibarineni. Dai ene oda ya‑yaineni. Deoso‑ya dai ene oda hiyarineni.

Tesaronika daidi 5:23

Deoso ati ene ai ati somateni. I‑di Deoso‑ya dai tamine ohiyarateni. “Abi Deoso, mai atibodi, mai aboni, mai korimari na tinamosahi.” Oteni. Yeso kameya, dai‑ya weeni awirebonane. Dai ene amosabisaboneni.

Ebereo 13:7

Hibati‑ya Deoso tamine‑ya dai‑ya mai kaminamaro, mai tamine dai kadika, mai ihi amosa, mai ihi‑nima dai ene namakiyahi.

Ebereo 6:5

Deoso ati amosabote‑ya mai wa‑wato‑maro, Deoso ene kitabote‑ya mai awamaroni.

Tiyako 1:18

Deoso ati ai nofi awisariya, ai‑ya kadike, Ati Amosabote ai nofawahe, hika ewe ai tohawaha, hika yama wamani‑ka hidi ai tohawahaboneni.

Bedoro daidi 1:23

Deoso ati abatere, ati dai nofa, dai‑ka Abi i‑di Deoso tohe ene dai atibodi yati toha, ai wada yati‑nima dai nawaha, Deoso ene dai atibodi abaterabone, neme‑ya dai winamakeboneni.

Yeso Kirisito ene‑bona 1:16

Noko wehene mahi nokorise wehene‑nima wehene nihi nene. Yehe kanika‑ya amowa mai 7 kana mai‑ya damakana, iridi‑kaya yima ini fama kakinani.

Yeso Kirisito ene‑bona 19:15

Hidi Webote iridi‑kaya yima ino nafe kakeni. Yima‑ya tabora dama‑ya weeni kitene. Tabora dami‑ka hidi tohawahebona, ati mai nafi tokadaba kanibote hinebonane. Fino ai wamanabone ofa ai taiteni, fahi tokafodabonehe. Fara‑nima Deoso‑ya Yo‑yofikana mai‑ya weeni kite, mai ame tokafodani. Deoso kitabote yokana amane. Deoso yawe ene mai‑ya weeni kitene.

Yeso Kirisito ene‑bona 19:21

Kafaro bari‑ya itari iridi‑kaya yima kake ihi mai one nafi abi ohareni. Fara mai aboi‑ya bani mai afe daatokana mai kaba, mai nafi korimanani.

Yeso Kirisito ene‑bona 2:16

Fara mai atibodi amosawami awiriya, kobo kanibote onabone, yima ini fama‑ya mai onahababoneni. Owa iridi‑kaya yima ini fama kaki‑nima owati kita kakeboneni.

Yeso Kirisito ene‑bona 2:23

Owati ihi Yesabeo ati‑maro‑nima mai ati na mai kiyaniya, mai ababoneni. Mai tamine Deoso‑ya mai hi‑hiyara‑ke yobe‑ka mai nafi himitaboneni. Dai nafi atibodi owatoneni. Fara mai hiwatowahaboneni. Hini dai ene‑nima dai ene manakone na daa·onaboneni.

Yeso Kirisito ene‑bona 20:4

Hidi‑ka kadera dama oawani. Ai one kadera‑ya mai nahore, hidi mai tohawahani, mai ihi mai kadikabonehe. Ai korimari dama oawani. Yeso tamine‑ya mai kaminamaro, Deoso ati‑ya mai tokadaba ihi mai namidi mai tiihinakosamaro, mai korimari oawani. Bani Hame faha‑ke abano toha, Bani Hame faha‑ke korimari toha ne‑ya mai kahiyari awira, mai korimari oawani. Bani Hame faha‑ke oni korimari mai noki ate‑ya kobobokarihi mai toha, mai yahi‑ya oni korimari kobobokarihi mai toha, mai na, mai korimari oawani. Fara mai abamaro, mai kitama, hidi mai tohawaha, mai oawani. Faha fowe 1.000 kani‑ya Deoso‑ka Ka‑kadika eyehe hidi bidi mai tohawahani.