Ebereo 4:11 - Deoso-ka Yama Hani

¹¹ Mose‑ka mai Deoso tabaro‑ya mai winabone mai ati na, Deoso ati‑ya mai tokadabara, Deoso tabaro‑ya mai winaramete, mai‑nima ai riyahi. Deoso ati ai kadika, Deoso ati ai tokadababisahi.

Ebereo 4:11 ပူးပေါင်းရင်းမြစ်များ

Mateo 11:12

Hibati‑ya Neme‑ke ai nafi‑ka hidi kitabote tohawahebona tamine‑ya i‑di Yowaho hiyaremarine. Tamine‑ya mai mita, mai hama, mai hami fawarani. ‘Oda kita, hini oda ene Neme‑ke ai nafi‑ka hidi kitabote tohawahe‑ya oda saweboneni.’ Mai ati nani.

Mateo 7:13

“Nokobi bide‑ya dai tokiyomiyahi. Yama hirini‑ka hawi nafe, nokobi nafiteni. Hawi nafe‑ya mai dami tokiya, mai kome fawaraboneni.

Roka 13:24

“Nokobi bide dai nokotonibisahi. Nokobi one‑ya mai dama mai tokiyoma, Deoso‑ya mai tokiyomaraboneni.

Roka 16:16

Yowaho Batita koboni awisareya, i‑di Mose‑ka yama hani ati toha, Deoso ati‑ya mai mi‑mita‑mete mai‑ka yama hani ati toha na, yama hani ati‑ya mai mitameteni. Yowaho koboneya, Deoso ai nafi‑ka hidi kitabote tohawahebona kobone tamine‑ya mai mitawahani. ‘Oda kita, hini oda ene Deoso ai nafi‑ka hidi kitabote tohawahebona‑ya oda saweboneni.’ Mai ati nani.

Yowaho 6:27

Yamata dai nokotoniriyahi. Yamata batateni. Oka yamata bara ihi dai abaterabone, fara dai nokotonibisahi. Okobi i‑di Deoso owa‑ya yose, owa‑ya kayawemarine. Yamata bara dai‑ya daa·onaboneni. Dai‑ka Ayo neme‑ke ama·oni.” Yeso ati nemarine.

Yeso‑ka yo‑yose mai tamine 26:19

Hidi Akiriba, neme‑ya ati omite, ati‑nima oteni.

Efesiyo 2:2

Satanasi ati‑ya mai tokadaba, mai‑nima dai namaroni. Madi mai‑ka hidi i‑di Satanasi amane. Madi mai dama ahiyata‑ya mai wi‑wina, ai atibodi‑ya keyehe‑ya mai hirikiteni. Deoso ati ai one nofara, Satanasi ati‑ya mai tokadabateni.

Efesiyo 5:6

Dai‑ya keyehe‑ya mai hirikariyahi. Mai ati honita tohateni. Deoso ati‑ya mai tokadabara. Mai ihi towe toha, mai ihi Deoso yawebona, mai manakone‑ya daanebonane.

Firibo 2:12

Hibati‑ya dai‑ya osawe, owati‑ya dai nofamaroni. Hibayata dai‑ya osawira, owati‑ya dai nofasa nahi. Owati abariyahi. Yama‑ya Deoso nofare‑ya yama dai nofahaririyahi. Dai habo siitoniya, ai‑ka Abi i‑di Deoso ati dai tokadabahi, yawarebonaha.

Koroso 3:6

Fara‑nima mai niya, Deoso yawe, mai‑ya weenebonane.

Tito 1:16

“Deoso ati oda nofini.” Mai ati na, Deoso ati‑nima mai ni awira, mai ihi towe hinama yama amosa‑ya mai watoteraboneni. Mai atibodi towe, mai ihi amosaterani.

Tito 3:3

Hibati‑ya yama‑ya oda watora, Deoso ati‑ya oda nofara, keyehe‑ya mai hirina, mai ati oda nofa, yama amosara‑ya oda nokotonihe. Yama amosa oda watora, mai oda kako, oda‑ya mai kakohari namaroni.

Ebereo 3:12

Dai noko wadahi. Dai atibodi amosa, Satanasi dai‑ya keyeheya, ati dai nofarayaho. Deoso ati dai tokadababisabonehe.

Ebereo 3:18

Ebeni‑ka mai‑ya Deoso hiyaramatati? “Owa tabaro‑ya dai maa tohi fawateraboneni.” Ati ne, Deoso ati‑ya mai nofara mai‑ya hiyarematane.

Ebereo 4:6

Mai one Deoso tabaro‑ya winaboneni. Mai one Deoso Ati Amosabote‑ya mai mita, Deoso ati‑ya mai nofara, Deoso tabaro‑ya mai winateraboneni.

Ebereo 6:11

Yeso kamebona‑ya dai nimana, dai ene amosi fawariyahi. Dai ene amosa toha, dai manakone wadaboneni.

Bedoro yoto‑ke 2:6

Sodoma‑ya mai wi‑wina, Komora‑ya mai wi‑wina, mai na, mai ihi amosara mai‑ya Deoso sarikane, mai hatiwahameteni. “Mai ihi amosara, haa‑nima mai oniheboneni.” Deoso ati nematane.