Ebereo 3:1 - Deoso-ka Yama Hani

¹ Soho, owati dai mitahi. Hibati‑ya Deoso ai‑ya kadike, Yeso‑ya Deoso yosemari, Deoso‑ka yama‑bone‑ya mai da‑daa mai‑ka hidi webote tohe, tamine dai kadikahi.

Ebereo 3:1 ပူးပေါင်းရင်းမြစ်များ

Yowaho 17:3

Deoso yokana amatini. Deoso owa wadaterene. Yeso Kirisito ama·oni. Owa tiyosemaroni. Ai‑ya mai nofiya, mai abateraboneni.

Yowaho 20:21

“‘Deoso dai‑ya kasomayaho.’ Oneni. Okobi owa‑ya yosemari‑nima dai‑ya oyosewahineni.” Yeso ati nemarine.

Yowaho 20:27

Tome‑ya Yeso hiyare, “Owa yehe hodone‑ya tiwa yehe yoritinisa, owa fowari bodi‑ya tiwa yehe yoritinisa tinahi. Okitamaramone tiwatibodi ati namariyahi. Okitama, owa tamine tinofahi.” Yeso ati nemarine.

Yeso‑ka yo‑yose mai tamine 1:15

Mahi owa‑ya mai dama mai yorotokana, 120 mai toha, mai bai‑ya i‑di Bedoro waamise, mai‑ya hiyare,

Homa 11:17

Tabora‑ke orifera ino‑nima Yodeo mai na, Yeso ati‑ya mai nofara hini mai ihi Deoso mai bakahinakosa, yama‑ke orifera ino‑nima Bara dai na, Yeso ati‑ya dai nofawaha, tabora‑ke orifera‑ya Deoso dai‑ya nawaane, orifera amose habo dai‑ya kasomawahane.

Homa 15:27

Yinero‑ya Bara mai daana, mai ya‑yainineni. Hibati‑ya Deoso ati‑ya Yodeo mai miti baha, makobote Yodeo mai ihi Deoso ati‑ya Bara mai mitamake, Yodeo mai‑ya Bara mai kasomamake, mai ihi amosineni.

Homa 15:8

Hibati‑ya oda‑ka idi mai‑ya Deoso hiyare, “Kirisito kobonebonane, Yodeo mai‑ya kasomebonaha.” Deoso ati nemata. Fare ati‑nima yama nawaha ai watoneni.

Homa 9:24

Deoso‑ka ai tohabone Yodeo ai one toha, Bara ai one toha na, Deoso ai‑ya kasomebona, ai‑ya kadike, ai‑ya kayafematane.

Korito daidi 1:2

Korito‑ya dai wi‑wina, tabora bara‑ya dai wi‑wina dai na, Deoso ati dai no‑nofa, Yeso Kirisito ene Deoso dai‑ya haane, dai‑ya kayawe, oda‑ka hidi tohemari, dai‑ka hidi tohahariwahe, oda‑ka yama hani dai kadikahi.

Korito daidi 10:17

Hibati‑ya ai one bara toha, ai one bara toha namaro, Yeso ene ai hinama tohawaha, baho ohare‑ya ai ebekana ai nafi kaba, fara‑nima abano ohare kobobone ai nawahani.

Korito daidi 9:23

Kirisito Ati Amosabote‑ya mai mitiya, ati mai hinofebona ona, owati ihi Kirisito ati‑ya mai nofa, Kirisito owa‑ya kasomaharibonane.

Korito yoto‑ke 1:7

Oda‑ya mai bisina, Deoso oda‑ya kasome, fara‑nima dai‑ya mai bisiniya, Deoso dai‑ya kasomebona oda watoneni.

Korito yoto‑ke 9:13

Yama dai daana, dai ene mai ya‑yaina, Deoso‑ya mai kahiyarabone, “Abi Deoso, amosabote amatini. Korito‑ya mai wi‑wina yama dama‑ya mai kihara, mai ihi amosa, oda‑ka yamata‑bone‑ya mai daana, tika dao i‑di Yeso Kirisito ene‑nima mai ihi na, oda‑ya mai kasoma, mai‑ka yamata‑ya mai daanineni.” Mai ati naboneni.

Efesiyo 3:6

Yama Deoso ati kobohina mai hiwatoramete, dai‑ya ohiyarawahineni. Yodeo oda toha, Bara dai toha na, Yeso Ati Amosabote ai nofa, fara hinama ai toha, Deoso‑ka ai tohawahineni. Ai nafi‑ya Deoso kasome, yama amosa‑ya ai‑ya ati daane, ati‑nima nebonane. Yeso ati ai no‑nofa, Yeso‑ka ai nafi tohawahani.

Efesiyo 4:1

Ai‑ka Ayo i‑di Yeso Kirisito ati okamine, kadeya‑ya owa‑ya mai nawaa, owati dai mitahi. Deoso dai‑ya haanemata, Yeso‑ka dai toha, ati dai tokadabaho.

Efesiyo 4:4

Yeso‑ka ai hinama toha, Deoso‑ka Doni ohari ai‑ya sawitene, Deoso ai‑ya haanemari, Deoso ati‑nima yama nabone‑ya ai nafi nimanineni.

Firibo 3:14

Owa koboni amosabone, oka hawi bono tati‑ya owakatomateni. Oka hawi bono tati‑ya kobo·oniya, Yeso Kirisito ene owa manakone‑ba Deoso daanebona, neme‑ya owa‑ya towakamebonane.

Koroso 1:12

Deoso‑ka dai toha, Deoso ene Deoso‑ka yama‑ya dai kayafabone, Deoso tabaro‑ya yama wahi nafiteni. “Abi Deoso, amosabote amatini. Tika madehe oda amani. Oda ya‑yainineni.” Dai ati nahi.

Koroso 1:22

Kirisito abano abemarine, dai manakone‑ya nanahabe, Deoso noko‑ya dai waa, dai ene amosara‑ya awarebona, dai amosa hinama dai‑ya awebonane.

Koroso 3:12

Deoso‑ka dai toha, dai‑ya nofe, dai‑ya kadikemata, hika dai tohawahaboneni. Mai atibodi koma mai‑ya kasoma, dai ene amosa, dai‑ya dai kahiyarariyahi. Yama‑ya dai nimana, dai yawariyahi.

Tesaronika daidi 2:12

“Yama Deoso hinofa‑nima dai ene nahi.” Oda ati nademaro, Deoso dai‑ya haane, hini tabaro‑ya dai winabone, Deoso amose dai awe, wehene dai awa nebonane.

Tesaronika daidi 5:27

Oda ati dai mitahi. Yeso Kirisito ati oda kanahano, ati abarayaho. Yeso ati‑ya dai no‑nofa dai yorotokaniya, oda‑ka yama hani dai kadikahi, mai nafi himitabonehe.

Tesaronika yoto‑ke 1:11

Dai tamine Deoso‑ya oda hiyara, “Tesaronika‑ya mai wi‑wina, mai ihi amosiyahi. Mai tikadikamaro, tiwa ene‑nima mai ihi nahi. Tiwati‑ya mai nofi nafiya, mai ihi amosi nafiwahaboneni.” Oda ati teni Deoso‑ya.

Tesaronika yoto‑ke 2:14

Hibati‑ya Deoso Ati Amosabote dai‑ya oda kamina, oda ati‑ya dai nofamaro, makobote ai‑ka Ayo i‑di Yeso Kirisito tabaro amosabote‑ya ai winawahaboneni.

Timoti daidi 6:12

Deoso ati fawatiniriyahi. Deoso tiwa‑ya haanemari, tabaro‑ya tiwinabone, Deoso ati‑ya tinofamone, mai dami tiwati‑ya mai mita, mai ihi tiwa habo siitoriyahi. Satanasi tiwa‑ya kako, ati‑nima tiriyahi.

Timoti daidi 6:2

Deoso ati‑ya tika hidi nofe ene ya‑yaitiyahi. Tika hidi tikakoriyahi. Tika ayo amane. Tika hidi Deoso ati‑ya nofe, yama anini tikitabisahi. Deoso mai‑ya nofatene.

Timoti yoto‑ke 1:9

Hibati‑ya ai awisari‑ya Deoso ai‑ya kadike, ai ene tohara, Deoso ai‑ya nofe, Yeso Kirisito ati ai nofabone ai‑ya wato, ai‑ya kasomematane.

Timoti yoto‑ke 2:7

Owati timitiya, owati tikadikiya, Kirisito tiwa‑ya kanawatobonane. Yeso Kirisito tiwa‑ya kanawato, yama nafi tiwatowahaboneni.

Ebereo 10:19

Oka soho dai toha, owati dai mitahi. Yeso emene ene ai manakone aba, Deoso‑ka yobe kote neme‑ke kayawi ba‑basi hine‑ya ai tokiyoma, Deoso‑ya ai hiyarateni. Ai hiyariya, ai habo siitoriyahi.

Ebereo 10:21

Deoso‑ka yama‑bone‑ya mai da‑daa, mai‑ka hidi webote i‑di Yeso tohe, Deoso‑ka yobe hidi tohene.

Ebereo 10:23

Deoso tabaro‑ya ai kobonabone ai ati namaro, ai atibodi yama‑ya kadikariyahi. Deoso ati‑nima yama naboneni.

Ebereo 13:22

Oka soho dai amani. Owati dai mitahi. Dai‑ka yama hani nafira okanahanoni.

Ebereo 2:11

Yeso ene Deoso ai‑ya ati somawame, ai‑ya ewe nawahe, ai‑ka Abi i‑di Deoso ene‑nima ai ene nawahaboneni. Deoso Bidi Yeso tohe, Deoso bidi ai tohawaha, Yeso ai‑ya soho nawahene.

Ebereo 2:17

Abaraho‑ka nodi ai toha, ai‑ka Ayo ai‑ya kasomebona, ai‑nima ne. Deoso‑ka yama‑bone‑ya mai da‑daa mai‑ka hidi webote Yeso tohebona, ene amose hinama tohe, ai ene amosara manakone‑ya Deoso‑ya daanebonane.

Ebereo 3:12

Dai noko wadahi. Dai atibodi amosa, Satanasi dai‑ya keyeheya, ati dai nofarayaho. Deoso ati dai tokadababisabonehe.

Ebereo 3:14

Yeso ati ai tokadabamaro, ati ai tokadabanasa neya, Kirisito‑ka yama ai kayafa, tabaro‑ya ai winawahaboneni.

Ebereo 6:20

Deoso‑ya Yeso hini emene‑ya towakame, emene daahinaya, ai manakone abawahineni. Deoso‑ka yama‑bone‑ya mai da‑daa mai‑ka hidi webote Yeso tohawahe, Meokisadeki‑nima nane.

Ebereo 7:26

Deoso‑ya ai manakone‑ya Yeso daane ene ai manakone abawahani. Ati amose hinama tosawariterene. Ai‑ta ai tosawari, Yeso‑ta tosawari terene. Neme amosi‑ya Yeso amosi fiyakanane.

Ebereo 7:28

Deoso‑ka yama‑bone‑ya mai da‑daa mai‑ka hidi, ai one‑nima mai na, mai kitara, mai aba mai nabone, mai‑ya i‑di Mose kadikabisematane. Hai‑ta Deoso hini Bidi‑ya kadike, ai manakone‑ya nanahabebona, kitabote, amosabote, abaterebonane.

Ebereo 9:11

Makobote Kirisito kaki, Deoso‑ka yama‑bone‑ya mai da‑daa mai‑ka hidi webote tohe, neme‑ke Deoso‑ka yobe kote kayawi ba‑basi ne‑ya Kirisito tokiyome, Deoso‑ka yobe webote, amosabote, ai wamatere, Deoso‑ta wamahine‑ya tokiyomane.

Ebereo 9:15

Hibati‑ya ai ene amosara ai ene yama amosa‑ya ai kayafarabone, ai ababisabone Deoso ati nemata, Yeso abe ai manakone‑ya nanahabe ene Deoso ai‑ya ati somawame, yama amosa daahinabone ati ne, ai kayafaboneni.

Bedoro daidi 2:9

Dai‑ya Deoso kadikemari, hika yama‑bone‑ya da‑daa dai tohaboneni. Dai ene amosa hinama tohebona ati ne, Deoso‑ka dai toha, Deoso ene amosabote tamine dai kaminahi. Hibati‑ya yama soki‑nima dai ene namaro, Deoso ene yama tehe‑nima dai ene nawaha, Deoso wehene amosabote tohatene.

Bedoro daidi 3:5

Hibati‑ya mai fanawi amosabone, Deoso‑ya mai kahiyara, mai‑ka yibote mai ati‑ya mai tokadaba na, fara mai atibodi amosameteni.

Bedoro daidi 5:1

Deoso‑ka mai‑ka webote dai toha, owati dai mitahi. Deoso‑ka mai‑ka webote ohaharineni. Hibati‑ya Kirisito‑ya mai bisina, mai hinahabe, neme‑ya tokome, oawamaroni. Makobote Kirisito amosabote kamataseya, Yeso‑nima ohawahaboneni.

Bedoro daidi 5:10

Deoso yama nafi‑ya da‑daa dai‑ya kadikemarine, hini tabaro‑ya dai winawahabonehe. Bofe‑ya dai winasa niya, dai‑ya mai bisina, makobote Yeso Kirisito amosabote‑nima dai nawahaboneni. Deoso ene dai kitawaha dai korikasara, Yeso ati‑ya dai nofi nafiwahaboneni.

Yowaho daidi 1:3

Yama oda awa, ati oda mitanamaro tamine okanahano, oda wata dai watohareboneni. Ai‑ka Abi i‑di Deoso, Bidi i‑di Yeso Kirisito‑ya fame, ai‑ya mai nofa, mai ai nofa, ai ibi hiyari nofateni.

Yoda‑ka yama hani 1:1

Yeso Kirisito‑ya na‑narifa i‑di Yoda ama·oni. Tiyako sori ama·oni. Ai‑ka abi i‑di Deoso dai‑ya nofe, dai‑ya haanemarine, hika dai tohabonehe. Dai‑ka yama hani‑bone okanahanaboneni. Deoso dai‑ya nawade, Yeso Kirisito‑ka dai tohawahaboneni.

Yeso Kirisito ene‑bona 17:14

Mai‑ka sodado Kaneiro Bidi‑ya mai ati bisinabone, Kaneiro Bidi mai‑ya bisinibisebonane. Kaneiro Bidi hidi bidi mai nafi‑ka hidi tohe, hidi webote mai nafi‑ka hidi toha nane. Bofe‑ka mai one‑ya Kaneiro Bidi haanemari, mai‑ya kayawemari, Deoso hawine‑ya mai sawi oharemaroni. Kaneiro Bidi‑ya mai dabineni.” Deoso‑ka yo‑yose ati nene.

Yeso Kirisito ene‑bona 18:20

Neme‑ya dai wi‑wina dai toha, Deoso‑ka dai toha, Yeso‑ka yo‑yose dai toha, Deoso ati‑ya dai ka‑kamina dai toha, dai na, dai ya‑yainahi. Hibati‑ya Babironi‑ka mai ihi dai‑ya mai weenamaro, mai ihi manakone‑ya Deoso daanawahene. Fara ihi dai ya‑yainahi.” Neme‑ya ati kaki, ati nene.