Ebereo 2:9 - Deoso-ka Yama Hani

⁹ Hibayata yama ai watoneni. Yeso bofe‑ya wine, ai‑nima ne kiti bi‑bidi, bofe‑ya wineya, Deoso‑ka yo‑yose mai kiti ba‑basi, Yeso abe, ai nafi manakone‑ya nanahabe, Deoso hinakitame, hini kiti tohamatase, abamaterebona, amosabote tohawahene.

Ebereo 2:9 ပူးပေါင်းရင်းမြစ်များ

Mateo 16:28

Owati amosabote dai mitahi. Dai one abi awisari‑ya dai‑ka Ayo neme‑ke kiti yananebona dai one awaboneni.” Yeso ati nemarine.

Mateo 6:28

Bora one‑ya dai kihariya, dai atibodi yama‑ya kadikariyahi. Awa mowe dai awahi. Awa mowe bora‑ya wamaterani.

Maroko 9:1

Yeso mai‑ya hiyare, “Owati dai mitahi. Dai abi awisari‑ya Deoso ai nafi‑ka hidi kitabote tohawahebona dai one awawahaboneni.” Ati nematane.

Roka 9:27

Owati dai mitahi. Dai abi awisari‑ya Deoso ai nafi‑ka hidi kitabote tohawahebona dai one awawahaboneni.” Yeso ati nematane.

Yowaho 1:29

Mahi owa‑ya Yowaho Yeso‑ya awe, mai dami‑ya hiyare, “Kamaki dai awaho. Deoso‑ka Kaneiro Bidi amane. Deoso hiyose, bofe‑ya ai wi‑wina ai manakone‑ya nanahabebonane.

Yowaho 10:17

O·abiya, yama sibarini, okitamatasabone ona, fara ihi Okobi owa‑ya nofi nafine.

Yowaho 12:32

Owa‑ya mai nawaaniya, mai nafi haa·onabone, oka mai tohawahabonehe.” Yeso ati nemarine.

Yowaho 3:16

Bofe‑ka dai nafi‑ya Deoso nofi nafi, Bidi yokana ohari‑ya yose, Bidi ati dai no‑nofa yama kome fawaterabone‑kaya dai sawirabone, dai abaterabone‑kaya dai sawibisaboneni.

Yowaho 8:51

Owati amosabote dai mitahi. Owati‑ya mai tokadaba, mai abateraboneni.” Yeso ati nemarine.

Yowaho 8:52

“Madi towe tiwa‑ya sawibisane. Abaraho abe, Deoso ati‑ya mai mi‑mita‑mete mai abamakemetemoneni. Tiwati‑ya mai tokadaba mai abaterabone tineni.

Yeso‑ka yo‑yose mai tamine 2:33

Deoso neme‑ya hiwakame, Deoso‑ka kanika‑ya itariwahe, Yeso‑ya Deoso‑ka Doni sawimari, Yeso ati ene oda atibodi‑ya sawiwahe, ene dai ati‑ya oda hiyarawahineni.

Yeso‑ka yo‑yose mai tamine 3:13

Deoso‑ya Yeso na‑narifa, yara mai‑ya dai kahabanemarine, mai baahikanebonaha. I‑di Birato seehikanebona, dai ati barihine mai hinahabemari, ai‑ka idi i‑di Abaraho, i‑di Isaki, i‑di Yako mai na, mai‑ka Deoso hinakitamemarine.

Homa 5:18

I‑di Adaho ohari ene amosare, ene ai nafi ababone Deoso ati ne, Yeso Kirisito ohari ene amose, abematane, Deoso ai‑ya ati somawamabisebonaha. Ai abami awirabone, ai atibodi yati ai kayafabisamaroni.

Homa 5:8

Ai ene‑nima Deoso ene ni awire, ai ene amosara, ai ababone, Deoso ai‑ya nofi nafi ene Bidi i‑di Yeso Kirisito‑ta ababisane, ai manakone‑ya nanahabebonaha.

Homa 8:3

Ai atibodi bote‑ya Mose ati namosaterene. Ai tabaro‑ya Deoso hini Bidi‑ya yose, ai abano‑nima Yeso abano ne, ene amose hinama, ai ene towe manakone‑ya nanahabematane. Ai atibodi yati‑ya Mose ati daaterene. Deoso‑ta ai atibodi yati‑ya daane, ai ene amosawama, yama towe ai nokotonimaraboneni.

Homa 8:32

Deoso ai‑ya nofi nafi, Bidi‑ya kayawi awire, Bidi‑ya yosene, ai manakone‑ya nanahabebonaha. Fare Bidi‑ya daanemata, yama nafi‑ya ai‑ya Deoso daanamakitasebona ai watoneni.

Korito yoto‑ke 5:15

Ai nafi manakone‑ya nanahabe, ai hasina, ai‑ya ai nokotoniriyahi. Ai manakone‑ya nanahabe, kitamemata ai nokotonibisahi.

Korito yoto‑ke 5:21

Yeso ene amose hinama tohe, ai ene amosara‑ya kayafe, abematane. Ai ene amosara manakone‑ya nanahabemata, ati ai nofe‑ya Yeso ene amose hinama‑ya ai kayafaboneni. Deoso ai‑ya ati somawamatene.

Karatiya 4:4

Makobote yama nafi hawa tohiya, Deoso Bidi‑ya yosemarine ai tabaro‑ya. Bofe‑ya Yeso kobone, Yeso madi i‑di Mariya ai toha, Yeso ai tohahari ne. Ai‑nima Yeso ne, Mose ati‑ya tokadabebona Deoso ati nane.

Timoti daidi 2:6

Yama nafi hawa tohiya, Deoso ati ene Yeso kamemarine, ai nafi manakone‑ya nanahabebonaha. Fare tamine‑ya ai hiyarahi mai nafi‑ya.

Ebereo 1:9

Mai ihi amosa, mai ihi ya‑yaitina, mai ihi amosara, mai ihi tiyawa titeni. Tiwa ene Deoso tiwa‑ya kadike, tika mai one‑ka hidi tihawahani, tiwa ya‑yaini ba‑basi naboneni.

Ebereo 10:5

Bofe‑ya Kirisito koboni hawa tohe, ati yanane, “Abi Deoso, tika yama‑bone mai daahinaya, tiwati koboni awirani. Bani‑ya tiwati koboni awirihi, yama kaba‑ya tiwati koboni awirihi na, owa abano daatinamaroni, yama nafi manakone onahababonehe.

Ebereo 11:5

Deoso ati‑ya i‑di Enoki nofe, atibodi ati, “Deoso ati okadabi ohareboneni.” Atibodi ati nemata, hini atibodi ati‑nima ne. Abare, hiniya Deoso hiwakamematane, neme‑ya. Mai sibahine, mai hiwasire, neme‑ya Enoki toki awisareya, tamine mai hiyare, “Enoki ene Deoso ya‑yainane.” Mai ati nameteni.

Ebereo 12:2

Yeso‑ta ai nokotoni oharibisahi. Yeso ene Deoso ati ai nofa, Deoso tabaro‑ya ai winamakeboneni. Yeso Deoso ati‑ya tokadabe, fare‑nima ai nahi. “Deoso owa‑ya kasomebona, ene ya‑yai·onaboneni.” Yeso ati ne. Yeso mai baahikane, awa‑ya waane, abe, mai hahahikane, mai‑ya yawaremata, hibayata Deoso itari‑ka kanika‑ya itariwahane.

Ebereo 2:7

Hibati‑ya bofe‑ya ai‑ka Ayo wineya, Deoso ene ai‑ka Ayo kiti bi‑bidi, amosi bi‑bidi noko wehene bi‑bidi nematane. Makobote Deoso‑ka yo‑yose mai kiti‑ya kiti fiyakana, mai amosi‑ya amosi fiyakana, mai noki wahi‑ya noko wehene fiyakana nane.’ Ai owa ati ne, ati‑ya kanahanomatane.

Ebereo 7:25

Yeso ati ai nofa, Deoso‑ka ai tohawaha, Yeso ai‑ya kasomatene. Ai aba, Deoso tabaro‑ya ai‑ya towakamebonane. Yeso abamatere, ai tamine‑ya kaminatene Deoso‑ya. “Abi, owati‑ya mai no‑nofa mai tikasomahi. Mai ihi amosariya, mai manakone onahabamaroni. Mai‑ya tiwati yawariyahi.” Yeso ati tene.

Ebereo 8:3

Deoso‑ka yama‑bone‑ya mai da‑daa mai‑ka hidi Deoso‑ya bani‑ya mai daa, yama one‑ya mai daanamete, fare Deoso‑ya Yeso yama‑ya daanematane.

Bedoro daidi 1:21

Hini Bidi‑ya Deoso nakitame, neme‑ya towakame, wehene nafi‑ya daanematane. Bidi ati‑ya dai nofa ene badi‑ya dai watowaha, ati‑ya dai nofa, tabaro‑ya dai tokabone dai nimaneni.

Yowaho daidi 2:2

Yeso ai manakone‑ya nanahabemari, Yeso ati ene Deoso ai‑ya yawamaterebonane. Ai nafi manakone‑ya Yeso nanahabemarine.

Yeso Kirisito ene‑bona 19:12

Noko bodi yifo hirini‑nima ne, tati‑ya hidi‑ka sabewa dama sinare, hini mese‑ya oni kawane, hini oni‑ya wato, mai one‑ta oni mai hiwatorene.

Yeso Kirisito ene‑bona 5:9

Wayoma yati‑ya mai hirina, “Bebeo seetikanahi, yama barikani 7 kana‑ya wakatikanahi. Kitabote yokana amatini. Tiwa‑ya mai nanahabamaro, tabora nafi‑ka mai one tiwa emene‑ya mai tikanikamaro, Deoso‑ka mai tohabonehe. Tabora nafi‑nima mai‑ka mai one tikanikamaroni.