Ebereo 2:8 - Deoso-ka Yama Hani

⁸ Yama nafi‑ka hidi ai‑ka Ayo tohe.” Deoso‑ka yama hani ati nineni. Hibayata mai one‑ka hidi tohe‑ya ai awasara, makobote mai nafi‑ka hidi tohe‑ya ai nafi awawahaboneni.

Ebereo 2:8 ပူးပေါင်းရင်းမြစ်များ

Mateo 28:18

Makobote Yeso oda‑ya kobone, oda‑ya hiyare, “Neme, Bofe na‑ka hidi ohawahineni.

Yowaho 13:3

“Okobi ati ene yama nafi‑ka hidi ama·oni. Deoso‑ya yana·onamaro, okoma kanibote onaboneni.” Yeso atibodi ati nemarine.

Yowaho 3:35

Deoso Bidi‑ya nofi nafi, yama nafi‑ya Bidi‑ya daanane.

Korito daidi 15:27

Deoso ene ai nafi‑ka Hidi i‑di Yeso Kirisito tohe, Deoso‑ka Hidi‑ta wadaterene. Deoso ene Yeso Kirisito yama nafi‑ka Hidi tohene.

Ebereo 1:13

Haa‑nima hika yo‑yose mai‑ya hiyaraterene. Bidi ohari‑ya hiyarabisane, “Oka kanika‑ya tiwitariya, tiwa‑ya mai ka‑kako, owati ihi mai mese‑ya tiwa teme kaforiwahaboneni.” Deoso ati nematane, Bidi‑ya hiyareri.

Ebereo 1:2

Hibayata ai‑ya Deoso ati‑ya Bidi i‑di Yeso kaminawahene. Deoso ati ene yama nafi‑ya Bidi wamane, neme‑ya wama, bofe‑ya wama nematane. Makobote Deoso ati ene yama nafi‑ya Bidi kayafawahebonane.

Ebereo 2:5

Yama nafi‑ka hidi Deoso‑ka yo‑yose mai toharabone, Deoso Bidi yama nafi‑ka Hidi tohebona tamine oda hiyarawahaboneni.

Bedoro daidi 3:22

Yeso kitame, neme‑ya toke, Badi i‑di Deoso‑ka kanika‑ya itariwahe, Yeso kitabote tohe, neme‑ya mai wi‑wina, Deoso‑ka yo‑yose, mai na, mai‑ka hidi tohanane.

Yeso Kirisito ene‑bona 1:18

O·abamaro, okitamamaro, owa tiawahi. O·abamateraboneni. Mai aba mai tame‑ka safi dama·okana, mai korimari wiye‑ka safi dama·okana, oneni.

Yeso Kirisito ene‑bona 1:5

Yeso Kirisito yama‑ya watone, yama hiwata tamine‑ya kaminawahane. Yeso kitame, abamaterebona, kitami daidi amane. Bofe‑ka hidi mai‑ka hidi webote amane. Fare okahiyarineni. Ai‑ya nofi nafibisane. Hibati‑ya ai ene amosara, ai barikana‑nima ai namaroni. Makobote Yeso abe, ai‑ya seekawahemarine.