Ebereo 2:3 - Deoso-ka Yama Hani

³ Deoso Bidi Badi ati‑ya kamine, ati ai tokadabare, ai manakone amosara ba‑basi nibisaboneni. Deoso Ati Amosabote‑ya Bidi mai‑ya kamine, Yeso ati‑ya mai mita, ati mai hikaminamaki, ati oda mitane.

Ebereo 2:3 ပူးပေါင်းရင်းမြစ်များ

Mateo 23:33

Maka ihi‑nima dai ene na, maka yokana‑nima dai na, dai ene Deoso dai‑ya sarikanebonane.

Mateo 4:17

Yeso ai‑ya hiyare, “Dai ene towe‑ya dai nofamariyahi. Neme‑ke ai nafi‑ka hidi kitabote tohawahebonane.” Yeso ati ne, ati yanani damemarine.

Maroko 1:14

Yowaho Batita‑ya sodado mai wata, kadeya‑ya mai hinafoyemarine. Fare nowati‑ya Karireya‑kaya Yeso tokomatasemarine. Deoso ati amosabote‑ya Yeso kaminemarine.

Roka 1:2

Yeso ene‑ya mai awamaro Yeso ene‑ya mai nokotonihe, ai‑ya mai kanawatowahamaroni.

Roka 1:69

Deoso ati ene Dafi‑ka nodi kobone, kitabotebona, ai‑ya kasomebonane.

Roka 24:19

“Hini yamata tamine tohiti?” Yeso ati nematane. “Yeso Nasare‑ke tamine amane. Deoso ati‑ya mi‑mita amane. Ene kite, ati Deoso himite, ati oda nafi hinofemarine.

Yowaho 15:27

Owa hiyari yanakani‑ya owa dai dabamaro, owa tamine dai kaminahari, dai nahi.” Yeso ati nemarine.

Yeso‑ka yo‑yose mai tamine 1:22

I‑di Yowaho Yeso‑ya habanirisemari‑ya awa, neme‑ya Yeso tokome‑ya awahari ai haanaho, Yeso kitami tamine‑ya hiyarebonaha.” Bedoro ati ne.

Yeso‑ka yo‑yose mai tamine 2:22

Bedoro mai‑ya hiyaramatase, “Isara·eo‑ka nodi dai toha, owati dai mitahi. Deoso ene Yeso Nasare‑ke ene dai watoneni. Yeso ene kitabote tohe, ene‑ya mai awa, ‘Ka! Haa‑nima ai ene na ai awaterani.’ Mai ati namaroni.

Yeso‑ka yo‑yose mai tamine 4:12

Neme‑ya mai wi‑wina, bofe‑ya mai wi‑wina na, mai ihi tohara, Yeso ohari‑ta ati ai nofa, Deoso‑ka ai tohateni.” Bedoro ati nemarine.

Homa 11:14

Dai‑ya ohiyara, owa‑ya Yodeo mai awiya, mai yawaba awineni. Yeso ati‑ya dai nofa Deoso dai‑ya kasome‑ya mai awiya, Yeso ati‑ya mai one nofamakeba awineni.

Homa 2:3

“Bara mai ihi amosara, Deoso ene mai ababoneni. Yodeo oda toha, Deoso oda‑ya ati somawame, oda‑ya nofe, oda‑ya nanahabarebonane.” Yodeo dai toha, dai atibodi ati na awineni. Dai narabo hawihi. Yama nafi‑ya Deoso wato, mai ihi‑nima dai ene na, dai‑ya Deoso nanahabaharibonane. Dai manakone dai kayafa, kome fawateraboneni.

Korito daidi 1:21

Yama dama‑ya mai wa‑wato‑mone mai ati na, yama wato ihi Deoso hawine‑ya mai wasiterani. Deoso ene Yeso abe, ai manakone‑ya nanahabe tamine oda kamine, oda ati‑ya mai nofa, Deoso hawine‑ya mai wasiteni. Oda ati‑ya mai nofara, ka‑kana oda‑mone mai ati na, Deoso hawine‑ya mai wasirani.

Tesaronika daidi 5:3

“Yama sibarini. Hibayata Yeso kamarebonane. Yama‑ya ai nofa‑nima ai nahi.” Mai atibodi ati niya, Yeso kobonebonane. Mai fanawi naba toha, mai dori kome yanani‑bone‑ka yama mai watoraya, kome yanateni. Yeso koboneya, mai hawa tohara, mai fidotoni awirabone, mai manakone‑ya mai kayafaboneni. Mai ababoneni.

Timoti daidi 1:15

“Yeso Kirisito kame, ai manakone‑ya nanahabemarine.” Mai ati na. Keyehe‑ya mai hirini awirani. Towe ama·oni. Owa ene amosara, owa manakone nafibisamaro, ama·oni. Owa manakone‑ya Yeso nanahabemarine.

Tito 2:11

Hibati‑ya ai ene amosara, Deoso ai‑ya kasome, ai nafi manakone‑ya Yeso nanahabemarine. Yeso ati ai nofa, Deoso tabaro‑ya ai winabone, ai abateraboneni.

Ebereo 1:1

Hibati‑ya ai awiriya, ai‑ka idi mai‑ya Deoso hiyari dame, Deoso ati‑ya mai mi‑mita‑mete Deoso ati‑ya ai‑ka idi mai‑ya ati mai hikamine, Deoso ene wada‑ya mai one awa, ai‑ka idi mai‑ya wada‑ya mai kamina nameteni.

Ebereo 1:14

Hini yamata‑nima Deoso‑ka yo‑yose mai nihi? Deoso ati ai no‑nofa, Deoso tabaro‑ya ai winabone ai‑nima mai ra, ai‑ya mai kasomabone, Deoso mai‑ya wamanematane.

Ebereo 1:2

Hibayata ai‑ya Deoso ati‑ya Bidi i‑di Yeso kaminawahene. Deoso ati ene yama nafi‑ya Bidi wamane, neme‑ya wama, bofe‑ya wama nematane. Makobote Deoso ati ene yama nafi‑ya Bidi kayafawahebonane.

Ebereo 12:25

Deoso neme‑ya ati yananeya, dai narabo hawihi. Hibati‑ya adami tati‑ya ati yanane, ati mai hinofare, mai abameteni. Neme‑ya ati yananeya, ai narabo hawira, ai abahareboneni.

Ebereo 4:1

“Owati‑ya mai nofa mai atibodi tokitara owa tabaro‑ya mai maa tohi fawanaboneni.” Deoso ati nematane. Dai noko wadahi. Dai atibodi tokitara Deoso tabaro‑ya dai kobonaboneni.

Ebereo 4:11

Mose‑ka mai Deoso tabaro‑ya mai winabone mai ati na, Deoso ati‑ya mai tokadabara, Deoso tabaro‑ya mai winaramete, mai‑nima ai riyahi. Deoso ati ai kadika, Deoso ati ai tokadababisahi.

Ebereo 5:9

Deoso ati hinama‑ya tokadabi hawa tohe, ati ai tokadabeya, Deoso‑ka ai tohawaha, Deoso tabaro‑ya ai winamakeboneni.

Ebereo 9:28

Kirisito abe, ai manakone‑ya nanahabemata, kamatasebona, ai manakone‑ya nanahabami awirebona, ai nimane, neme‑ya ai‑ya towakamebonane.

Yowaho daidi 1:1

Hibati‑ya yama nafi Deoso wamahinamete awisari‑ya Yeso winemata kaki, ati oda mita, abano oda awa, oda boyonemarine. Yeso ai‑bone‑ya wamanemata tamine okanahanaboneni. Yeso awire‑mana, ai awira neni.

Yoda‑ka yama hani 1:17

Oka dai toha, Yeso Kirisito ai‑ka Hidi‑ka yo‑yose dai‑ya mai hiyaramaro, mai ati‑ya dai ati kadamowamariyahi.

Yeso Kirisito ene‑bona 7:10

Tabora dami‑ka mai ati kita yanana, “Hidi Webote Kaneiro Bidi dai fama oda‑ya dai ka‑kasoma dai amani. Oda‑ya dai kasomi‑nima mai one oda‑ya kasomaterani.” Mai ati nani.