Ebereo 2:17 - Deoso-ka Yama Hani

¹⁷ Abaraho‑ka nodi ai toha, ai‑ka Ayo ai‑ya kasomebona, ai‑nima ne. Deoso‑ka yama‑bone‑ya mai da‑daa mai‑ka hidi webote Yeso tohebona, ene amose hinama tohe, ai ene amosara manakone‑ya Deoso‑ya daanebonane.

Ebereo 2:17 ပူးပေါင်းရင်းမြစ်များ

Homa 15:17

Deoso ati‑nima ona, Yeso Kirisito ati dai‑ya okamina, owa ene ya‑yai·oneni.

Homa 5:10

Deoso ai nofasa riya, Deoso Bidi abe, ai manakone‑ya nanahabematane. Deoso Bidi abe ene ai‑ya ati somawame, Bidi kitame ene ai‑ya weenamarebona, hini tabaro‑ya ai winabone ai watoneni.

Efesiyo 2:16

Deoso‑ka ai tohabone, Yeso Kirisito awa‑ya abematane. Abe ene ai ibi kakomarani.

Koroso 1:21

Hibati‑ya Deoso‑ya dai ka‑kako, dai ene amosaramaroni. Dai ene Deoso yawemarine.

Ebereo 10:21

Deoso‑ka yama‑bone‑ya mai da‑daa, mai‑ka hidi webote i‑di Yeso tohe, Deoso‑ka yobe hidi tohene.

Ebereo 2:11

Yeso ene Deoso ai‑ya ati somawame, ai‑ya ewe nawahe, ai‑ka Abi i‑di Deoso ene‑nima ai ene nawahaboneni. Deoso Bidi Yeso tohe, Deoso bidi ai tohawaha, Yeso ai‑ya soho nawahene.

Ebereo 2:14

Deoso Bidi i‑di Yeso ai owa tohawahe, ai eme‑nima eme nihi, ai emene‑nima emene nihi ne Yeso ai owa tohe, abe, ai manakone‑ya nanahabe, i‑di Satanasi kiti‑ya nanahabematane.

Ebereo 2:16

Bofe‑ya koboneya, Deoso‑ka yo‑yose mai‑ya Yeso kasomare, Abaraho‑ka nodi ai toha, ai‑ya kasomabisatene.

Ebereo 3:1

Soho, owati dai mitahi. Hibati‑ya Deoso ai‑ya kadike, Yeso‑ya Deoso yosemari, Deoso‑ka yama‑bone‑ya mai da‑daa mai‑ka hidi webote tohe, tamine dai kadikahi.

Ebereo 3:2

Deoso ati nafi‑ya Yeso tokadabe, Deoso‑ka yobe‑ya Mose yama‑ya anine ene amosaharimatane.

Ebereo 3:5

Deoso‑ya na‑narifa i‑di Mose tohe, Deoso ati‑ya tokadabe, Deoso ati‑nima yama nabone tamine‑ya i‑di Mose kaminematane.

Ebereo 4:14

I‑di Yeso, Deoso‑ka yama‑bone‑ya mai da‑daa mai‑ka hidi webote neme‑ya tokome, Deoso Bidi yokana amane. Deoso ati ai tokadababone ai ati na, Deoso ati ai tokadabahi.

Ebereo 4:15

Ai‑ya Satanasi keyehe‑nima Deoso‑ka yama‑bone‑ya mai da‑daa mai‑ka hidi webote‑ya keyehemata, Satanasi ati‑ya nofare, ati hikadabarematane. Ai‑ta Satanasi ai‑ya keyeheya, ai kitara, Satanasi ati ai nofaba awineni. Satanasi ati ai nofa ai atibodi koma, Deoso‑ka yama‑bone‑ya mai da‑daa mai‑ka hidi webote ai‑ya kasomebona ati nane.

Ebereo 5:1

Hibati‑ya Deoso‑ka yama‑bone‑ya mai da‑daa mai‑ka hidi webote‑bona‑ya Deoso kadikematane, ai ene amosara manakone‑ya Deoso‑ya daanebonaha.

Ebereo 5:10

Deoso ati ene Deoso‑ka yama‑bone‑ya mai da‑daa mai‑ka hidi webote i‑di Yeso tohemata, hini tohe, tohasa ne, fawaterebonane. Meokisadeki‑nima Yeso nane.

Ebereo 5:2

Deoso‑ka yama‑bone‑ya da‑daa‑mata, ai‑nima kitare, ai ene‑nima ene ne. Yama ai watora, ai tosawariya, ai‑ya weeni nafirebonane.

Ebereo 5:5

Yeso Kirisito hini‑ya kadikaterene. Deoso hikadike, Deoso‑ka yama‑bone‑ya mai da‑daa‑bone mai‑ka hidi webote tohebonaha. “Oka Dao amatini. Tika Abi ama·oni.” Deoso ati nematane.

Ebereo 6:20

Deoso‑ya Yeso hini emene‑ya towakame, emene daahinaya, ai manakone abawahineni. Deoso‑ka yama‑bone‑ya mai da‑daa mai‑ka hidi webote Yeso tohawahe, Meokisadeki‑nima nane.

Ebereo 7:26

Deoso‑ya ai manakone‑ya Yeso daane ene ai manakone abawahani. Ati amose hinama tosawariterene. Ai‑ta ai tosawari, Yeso‑ta tosawari terene. Neme amosi‑ya Yeso amosi fiyakanane.

Ebereo 7:28

Deoso‑ka yama‑bone‑ya mai da‑daa mai‑ka hidi, ai one‑nima mai na, mai kitara, mai aba mai nabone, mai‑ya i‑di Mose kadikabisematane. Hai‑ta Deoso hini Bidi‑ya kadike, ai manakone‑ya nanahabebona, kitabote, amosabote, abaterebonane.

Ebereo 8:1

Owati dai mita yama‑ya dai watowahaboneni. Deoso‑ka yama‑bone‑ya mai da‑daa mai‑ka hidi webote i‑di Yeso tohe. Ai manakone‑ya Deoso‑ya daane, ai‑ka Abi neme‑ke‑ka kanika‑ya itariwahane.

Ebereo 8:3

Deoso‑ka yama‑bone‑ya mai da‑daa mai‑ka hidi Deoso‑ya bani‑ya mai daa, yama one‑ya mai daanamete, fare Deoso‑ya Yeso yama‑ya daanematane.

Ebereo 9:11

Makobote Kirisito kaki, Deoso‑ka yama‑bone‑ya mai da‑daa mai‑ka hidi webote tohe, neme‑ke Deoso‑ka yobe kote kayawi ba‑basi ne‑ya Kirisito tokiyome, Deoso‑ka yobe webote, amosabote, ai wamatere, Deoso‑ta wamahine‑ya tokiyomane.