Ebereo 2:14 - Deoso-ka Yama Hani

¹⁴ Deoso Bidi i‑di Yeso ai owa tohawahe, ai eme‑nima eme nihi, ai emene‑nima emene nihi ne Yeso ai owa tohe, abe, ai manakone‑ya nanahabe, i‑di Satanasi kiti‑ya nanahabematane.

Ebereo 2:14 ပူးပေါင်းရင်းမြစ်များ

Mateo 16:17

“Simaho, Yona bidi amatini. Ya‑yaitinahi. Owa tiwatobisineni. Bofe‑ka mai ihi tohi awira, Okobi neme‑ke ene yama tiwatowahani.

Mateo 25:41

Sayo‑kaya mai naha mai‑ya hiyaramakine, ‘Towe dai amani. Owa‑ya dai sawirabone, yama hirini fawaterabone‑kaya dai tokabisahi. Yama hirini fawaterabone‑ya Deoso wamane, Diaboro hika yo‑yose mai eyehe‑ya sarikanebonaha.

Yowaho 1:14

Deoso‑ya Yo‑yofikana ai owa tohawahane, bofe‑ya ai‑ya sawiwahemarine. Deoso Bidi yokana amane. Hini wehene oda awemarine. Ai nafi‑ya nofe, keyehe‑ya hiriremarine.

Yowaho 12:24

Owati amosabote dai mitahi. Ahosi‑nima na noki ai kamara, dodamaterani. Noki ohare wami‑ya ai kama, noki abiya, yana, noki dodamateni.

Homa 14:9

Hibati‑ya Yeso Kirisito abe, kitamematane, ai hasi, ai aba na, ai nafi‑ka hidi tohebonaha.

Homa 8:3

Ai atibodi bote‑ya Mose ati namosaterene. Ai tabaro‑ya Deoso hini Bidi‑ya yose, ai abano‑nima Yeso abano ne, ene amose hinama, ai ene towe manakone‑ya nanahabematane. Ai atibodi yati‑ya Mose ati daaterene. Deoso‑ta ai atibodi yati‑ya daane, ai ene amosawama, yama towe ai nokotonimaraboneni.

Korito daidi 1:28

Hibayata mai mai hinofara Deoso mai hikadika, mai amosawahaboneni. Hibayata mai mai hinofabisa mai fawanaboneni. Towe mai‑mone mai one ati na, Deoso mai hikadika, mai amosawahaboneni. Mai amosa‑mone mai one mai hina, mai amosi fawanaboneni.

Korito daidi 15:50

Soho, dai okanawatabone, owati dai mitahi. Bofe‑ke abano ai weyeniya, neme‑ya ai tokaraboneni. Bofe‑ke abano fawaneya, neme‑ke abano ai weyeniya, neme‑ya ai tokaboneni. Neme‑ke Hidi Deoso tohe, yama ababone neme‑ya koboteraboneni. Ai abano neme‑ke abaterebonane.

Karatiya 4:4

Makobote yama nafi hawa tohiya, Deoso Bidi‑ya yosemarine ai tabaro‑ya. Bofe‑ya Yeso kobone, Yeso madi i‑di Mariya ai toha, Yeso ai tohahari ne. Ai‑nima Yeso ne, Mose ati‑ya tokadabebona Deoso ati nane.

Koroso 2:15

Awa‑ya Kirisito abe, ai manakone‑ya nanahabemarine. Hibati‑ya Satanasi kite mai ati namaro, kitare ai watowaha, neme‑ya mai wi‑wina Satanasi kitare‑ya mai nafi watowahineni.

Timoti daidi 3:16

Hibati‑ya Deoso Ati Amosabote tamine‑ya mai watoramete, Ati Amosabote‑ya mai watowahineni. Deoso Bidi i‑di Yeso Kirisito bofe‑ya kame ai owa tohe, ai abano‑nima abano tohe, Deoso‑ka Doni hikasome, ene amose hinama tohemarine. Bofe‑ya wine, Deoso‑ka yo‑yose mai hiawemarine. Ai tabaro nafi‑nima tamine mai hikaminawahane. Yeso ati‑ya mai dami nofawaha, Neme‑ya Deoso hiwakamemarine.

Timoti yoto‑ke 1:10

I‑di Yeso kame, ai manakone‑ya nanahabane. Yeso ai manakone‑ya nanahabe ene Deoso ai‑ya nofe‑ya ai watowahineni. Yeso abe, kitame ene Deoso tabaro hawine seekane. Yeso ati ai nofiya, ai abiya, ai atibodi abi awiraboneni. Deoso tabaro‑ya ai atibodi winawahaboneni.

Ebereo 10:10

Yeso Kirisito hini‑ya daane ene Deoso ai‑ya kayafawahe, ai atibodi‑ya namosawahe, ai‑ya nofe, ai‑ya ati yawamaterebonane.

Ebereo 10:5

Bofe‑ya Kirisito koboni hawa tohe, ati yanane, “Abi Deoso, tika yama‑bone mai daahinaya, tiwati koboni awirani. Bani‑ya tiwati koboni awirihi, yama kaba‑ya tiwati koboni awirihi na, owa abano daatinamaroni, yama nafi manakone onahababonehe.

Ebereo 2:17

Abaraho‑ka nodi ai toha, ai‑ka Ayo ai‑ya kasomebona, ai‑nima ne. Deoso‑ka yama‑bone‑ya mai da‑daa mai‑ka hidi webote Yeso tohebona, ene amose hinama tohe, ai ene amosara manakone‑ya Deoso‑ya daanebonane.

Ebereo 2:18

Hibati‑ya ai fimi‑nima Yeso fimi, ai eme komene‑nima Yeso komene, Satanasi ai‑ya keyehe‑nima Yeso‑ya keyehematane. Fare hibayata Satanasi ai‑ya keyeheya, Yeso ai‑ya kasomane, Satanasi ati ai nofarabonehe.

Ebereo 4:15

Ai‑ya Satanasi keyehe‑nima Deoso‑ka yama‑bone‑ya mai da‑daa mai‑ka hidi webote‑ya keyehemata, Satanasi ati‑ya nofare, ati hikadabarematane. Ai‑ta Satanasi ai‑ya keyeheya, ai kitara, Satanasi ati ai nofaba awineni. Satanasi ati ai nofa ai atibodi koma, Deoso‑ka yama‑bone‑ya mai da‑daa mai‑ka hidi webote ai‑ya kasomebona ati nane.

Ebereo 9:15

Hibati‑ya ai ene amosara ai ene yama amosa‑ya ai kayafarabone, ai ababisabone Deoso ati nemata, Yeso abe ai manakone‑ya nanahabe ene Deoso ai‑ya ati somawame, yama amosa daahinabone ati ne, ai kayafaboneni.

Bedoro daidi 1:20

Yama‑ya Deoso wamani awisareya, Bidi hiyosebona‑ya watone, ai manakone‑ya Bidi nanahabebonaha. Hibayata Deoso Bidi kame, dai manakone‑ya nanahabawahane.

Yeso Kirisito ene‑bona 1:18

O·abamaro, okitamamaro, owa tiawahi. O·abamateraboneni. Mai aba mai tame‑ka safi dama·okana, mai korimari wiye‑ka safi dama·okana, oneni.

Yeso Kirisito ene‑bona 12:9

Dafi kite hika yo‑yose mai eyehe bofe‑ya mai korohinisane. Dafi Satanasi amane. Oni owa Diaboro amane. Satanasi maka‑nima ne, fare amane. Bofe‑ka mai nafi‑ya keyehene.

Yeso Kirisito ene‑bona 2:10

Dai habo siitoriyahi. Diaboro ati ene kadeya‑ya dai one‑ya mai nafoyabone, dai maaki‑bone‑ka mai ihi amani. Ai amoni ai yehe kafama‑ya dai‑ya mai weenaboneni. Deoso‑ka hawi bai‑ya dai maakani awiriya, dai‑ya mai nanahabiya, dai sibaraboneni. Dai kitamiya, owati ihi dai abaraboneni.

Yeso Kirisito ene‑bona 20:2

Dafi‑ya wate, koheti‑ya dafi‑ya sokine, faha fowe 1.000 kani‑ya dafi seekani awirebonane. Dafi Satanasi amane. Oni owa Diaboro amane. Satanasi maka‑nima nematamona, fare amane.