Ebereo 13:9 - Deoso-ka Yama Hani

⁹ Yamata bara dai kababone tamine‑ya mai kamina, mai ati‑nima dai na, dai‑ya kasomi nafebone mai ati na, mai ati dai nofariyahi, Yama ai kaba ai atibodi‑ya namosaterani. Deoso ati ai nofa, ai atibodi‑ya kasomabisatene. Yamata bara mai hikaba, mai atibodi‑ya kasomaterani.

Ebereo 13:9 ပူးပေါင်းရင်းမြစ်များ

Mateo 24:24

‘Deoso‑ka Ka‑kadika ama·oni.’ Mai one ati naboneni, keyehe‑ya mai hirinaro. ‘Deoso ati‑ya mi‑mita ama·oni.’ Mai one ati nihi naboneni. Mai ihi kiti nafeboneni, Deoso‑ka dai toha, mai‑ka keyehe‑ya dai nofabonehe.

Mateo 24:4

Yeso oda‑ya hiyare, “Dai noko wadahi. Dai‑ya mai keyeheriyahi.

Yeso‑ka yo‑yose mai tamine 20:30

Makobote dai owa hini‑ya kahiyarebona, Deoso‑ka‑mona hini‑ya ati tonihi, Yeso‑ka mai hikahiyarebonaha.

Yeso‑ka yo‑yose mai tamine 20:32

Deoso dai‑ya nawada, dai‑ya kasoma nebona owatibodi ati nineni. Deoso‑ka yama hani dai kadikiya, dai habo kitawahaboneni. Deoso tabaro‑ya, dai kobona, dai nafi‑ya Deoso hika yama‑ya daanebonane.

Homa 14:17

Deoso ai‑ka hidi tohe, yama ai kaba, yama ai fawa na ihi Deoso ya‑yaini awirihi, yawi awirihi nane. Deoso‑ka Doni ai‑ya sawi, ai ene amosa, ai ati soma, ai ya‑yai na ene Deoso ya‑yaitene.

Homa 14:2

Yama nafi‑ya ai one kaba, ai one bani‑ya kabarihi teni.

Homa 14:6

Mahi ohari‑ya dai yorotokaniya, Deoso‑ya dai kahiyara, sibarihi, mahi‑nima dai yorotokana Deoso‑ya dai kahiyara, sibarihi, bani‑ya dai kaba, Deoso‑ya dai kahiyara, dai sibarihi, bani‑ya dai kabara, Deoso‑ya dai kahiyara, dai sibarihi, dai nineni.

Korito daidi 6:13

Yamata‑ya Deoso nayanane, ai kababonehe. Yamata ai kababone, ai tefe weyene‑ya Deoso wama, ai nabadi‑ya wama nematane. Makobote Yeso kamataseya, ai fimimaraboneni. Hini yamata‑bone Deoso ai abano‑ya wamanamatati? Deoso‑ya ai kahiyarabone, ai‑ya kasomebona ai abano‑ya wamanematane. Ai ene amosarabone ai‑ya wamani awirematane.

Korito daidi 8:8

Bani ai kabe ene Deoso ai‑ya nofi na‑nafi ni awirihi, ai‑ya nofi bi‑bidi ni awirihi, bani ai kabare ai‑ya nofi na‑nafi ni awirihi, ai‑ya nofi bi‑bidi ni awirihi nane.

Korito yoto‑ke 1:21

Deoso ai‑ya haane, ai‑ya kadikemarine, Yeso Kirisito‑ka ai tohabonehe.

Karatiya 6:1

Dai narabo hawihi. Dai owa ene amosare, Yeso ati‑ya dai no‑nofa, dai owa‑ya dai hiyarahi. “Tiwa ene amosara tiwa oda awa, tiwa oda nofa, tiwa ene amosawamahi.” Dai ati nahi. Dai owa‑ya dai hiyarabone, dai noko wadahi, dai owa ene‑nima dai ene ni awiraboneni.

Efesiyo 4:14

Madehe‑ya keyehe‑ya mai hirikana, mai ati‑ya madehe nofateni. Madehe‑nima ai riyahi. Deoso ati ai wata, ai hawa toha‑nima ai nawahaboneni. Deoso ati‑mona mai one ati na, Deoso ati tohi awireya, mai ati ai nofaraboneni. Keyehe‑ya ai‑ya mai hirikana mai ati ai nofara, faha rike toka, kamatasa‑nima ai atibodi ni awiraboneni. Deoso ati‑ya ai nofi ohariyahi. Mai one ati bara toha, ai nofaraboneni.

Efesiyo 5:6

Dai‑ya keyehe‑ya mai hirikariyahi. Mai ati honita tohateni. Deoso ati‑ya mai tokadabara. Mai ihi towe toha, mai ihi Deoso yawebona, mai manakone‑ya daanebonane.

Koroso 2:4

Dai‑ya ohiyara onani, dai‑ya keyehe‑ya mai hirikarabonehe. Keyehe‑ya mai hirina, mai ati amosa‑mone mai ati na, mai ati dai nofaraboneni.

Tesaronika yoto‑ke 2:17

Deoso ene dai atibodi somahi. Dai ati amosahi. Dai ene amosahari nahi.

Tesaronika yoto‑ke 2:2

Ai‑ka Hidi koboni kemorebonane. “Yeso kobonane.” Mai one ati na, Mai ati dai nofariyahi. “‘Yeso kobonamane.’ Deoso‑ka Doni ati nane.” Mai ati na, mai ati dai nofariyahi. “‘Yeso kobonamane.’ I‑di Baoro‑ka yama hani ati nane.” Mai ati niya, mai ati dai nofariyahi. Dai habo siitoriyahi.

Timoti daidi 6:20

Timoti, Yeso ati nafi tinofa, Yeso ati‑nima tiyahi. Mai ati one tinofariyahi. Yama‑ya mai watora, mai ati tinofariyahi. Yama‑ya mai watamone mai ati na, yama‑ya mai watorani.

Yowaho daidi 4:1

Soho, owati dai mitahi. Deoso‑ka yo‑yose mai ati‑mone mai ati na, mai ati dai kadika, mai ati dai wataboneni. Deoso ati yokana tohe dai wato, Deoso ati tohare dai wato, dai naboneni. Deoso‑ka yo‑yose ati‑mone mai dami ati na, ati bare‑ya mai kaminabisineni.

Yoda‑ka yama hani 1:12

Dai eyehe mai marina, hini mai‑ya mai kasomabisa, dai‑ya mai kasomara, bora kabatata na‑nima mai na, neme sabi hokore‑nima mai na, dai‑ya mai kasomabone dai ati na, dai‑ya mai kasomara, hiniya mai toka kanibote na, awa bono ade aba, hobakana‑nima mai na, mai ihi amosabone mai ati na, mai ihi amosateraboneni.

Yoda‑ka yama hani 1:3

Hibati‑ya dai‑ka yama hani‑bone okanahanabone onamaroni. Deoso ai‑ya nofe, ai‑ya ati somawame tamine okanahanabone onamaroni. Deoso ati yokana‑ya ai‑ya mai kaminamaro mai ati dai fawani awiraboneni, yama bara‑ya mai kamina mai ati dai nofarabone tamine okanahanobisaboneni.