Ebereo 13:5 - Deoso-ka Yama Hani

⁵ Yinero dai nokotonira, Deoso ene yama dai kiha, dai ya‑yai nahi. “Dai‑ya osawebone, dai honita tohateraboneni.” Deoso ati nematane.

Ebereo 13:5 ပူးပေါင်းရင်းမြစ်များ

Mateo 6:19

“Bofe‑ya yama dama dai nokotoniriyahi. Dai‑ka yama one‑ya yama aboni kaba, one fehoso hikaba, one mai hiboti hiteboneni.

Mateo 6:25

“Yama kaba wadarihi, faha fa‑fawa wadarihi, dai‑ka bora one wadarihi niya, dai habo siitoriyahi. Mai tafe toha, mai‑ka bora toha na mai‑ya kasomi nafira, mai one ohi, mai one aba nineni.

Mateo 6:34

‘Mahi owa‑ya hini yamata oda kabibati? Oda‑ka bora abiya, hini yamata oda sakonibati?’ Dai atibodi ati riyahi. Dai habo siitoriyahi. Mahi owa‑ka yama dai kayawariyahi. Mahi owa‑ya yama kobonibisaboneni. Hibayata‑ka yama towe toha, mahi owa‑ka yama hini tohamatahi.” Yeso ati nemarine.

Maroko 7:22

mai one‑ka yama‑ya mai nokotonihi, yama towe‑ya mai nofa, keyehe‑ya mai hiri, mai siwa, Deoso ati‑ya mai tokadabara, ‘Towe dai amani, amosabotebisa ama·oni.’ Mai ati na, haa‑nima mai ihi na,

Roka 3:14

“Hini yamata‑nima oda nibati?” Sodado mai ati na, “Mai‑ka yinero honita dai haariyahi. Mai tamine keyehe‑ya dai hiririyahi. Dai‑ka yama anini manakone nafira, dai yawariyahi, dai ya‑yainibisahi.” Yowaho ati nematane.

Roka 8:14

Atiwa mete‑ya yamata noki sona, Deoso ati‑ya mai mita, makobote yinero‑ya mai nokotonihi, yama bara‑ya mai nokotonihi, mai siwa, yamata bonora‑nima mai na, mai ihi amosa‑ba wadarani.

Homa 1:29

Yama towe‑ya mai atibodi nokotonihe, hini mai atibodi ati koboni‑ka yama‑ya mai nokotoni teni. Mahi‑nima mai ihi amosara, mai one‑ka yama‑ya mai nokotonihe, mai one‑ka yama‑ya mai kayafara, mai yawateni. Mai one‑ya mai kako, mai one‑ya mai nanahaba, mai ibi wee, keyehe‑ya mai hiri na, hini mai‑ya mai kahiyara, mai one noki‑ya mai one‑ya mai kahiyara, mai one noki beheri‑kaya mai one‑ya mai towe tonihi teni. Mai one tamine‑mone‑ya mai ibi narabi basateni.

Korito daidi 5:11

Yeso ati‑ya mai nofa‑mone mai ati na, mai ihi amosara, dai yorotokana, Deoso dai hiyarabone, dai‑ya mai dabarihi. Mai fanawi one‑ya mai a‑aha, mai makidi one‑ka mai a‑aha, kawi ihi mai towe toha, mai one‑ka yama‑ya mai kayafa, mai one tamine‑mone‑ya keyehe‑ya mai hiri, deoso bare‑ya mai ka‑kahiyara, yama‑ya mai boti mai na, dai‑ya mai dabarihi, mai tabori‑ya dai tafarihi nahi.

Korito daidi 6:10

Yama‑ya mai bo‑boti mai toha, hini mai‑ka yama‑mone‑ya mai ibi to‑tokatowe mai toha, kawi‑ya mai no‑nokotoni mai toha, mai one tamine‑mone‑ya keyehe‑ya mai hi‑hiri mai toha, mai na, Deoso tabaro‑ya mai winateraboneni.

Korito yoto‑ke 4:9

Oda‑ya mai bisina, Deoso oda‑ya kakanare, mai ihi oda sona, oda waamisamatasanineni.

Efesiyo 5:3

Kirisito‑ka dai toha, dai ene amosahi. Dai tamine‑ya mai hiyariya, dai ene amosara tamine toharaboneni. Dai‑ka yibote ohare‑ta dai dakorabisa, yama dama dai kayawarihi, yama dama‑ya dai nokotonirihi, dai nahi. Kirisito‑ka dai toha, dai ene towe toha riyahi.

Efesiyo 5:5

Mai ihi amosara, mai fanawi one‑ya mai aha, mai makidi hini one‑ya mai aha, mai nana, yama dama‑ya mai kayawa, yama dama‑ya mai nokotonihi, mai nana, Deoso yokana‑ya mai kahiyari awira, deoso bare‑ya mai kahiyarabisa, Yeso Kirisito tabaro, Deoso tabaro ne‑ya mai winateraboneni.

Koroso 3:5

Dai atibodi bote dai‑ya keyehe, ati dai nanahabahi. Mai fanawi one‑ya dai aharihi, mai makidi one‑ya mai fanawi dakorarihi. Mai tamine‑ya dai atibodi kadikarihi. Mai one‑ka yama‑ya dai nokotonirihi. Mai‑ka yama‑ya dai nokotoniya, deoso bare‑ya dai kahiyara‑nima dai nineni.

Timoti daidi 3:3

Kawi ihi towe toharihi, Yinero‑ya nokotonirihi, mai one‑ya nofa, mai one‑ya weerihi, tene.

Bedoro yoto‑ke 2:14

Mai fanawi‑ya mai ahabone mai nokotonihe, mai ihi amosara, Deoso ati‑ya mai fanawi one wato bide toha, mai‑ya mai keyeheteni, mai‑ya mai ahabonehe. Mai one yahi hone‑ya mai yaba, madehe narabi hawira‑nima mai na, hini mai ihi Deoso mai‑ya bisinebonane.

Bedoro yoto‑ke 2:3

Keyehe‑ya dai‑ya mai ka‑kanawato, hini mai ati‑ya dai‑ya mai kamineni, Deoso ati monaha. Yinero‑ya mai nokotonihe, keyehe‑ya mai hiriteni, dai‑ka yinero‑ya mai kayafabone, mai ihi‑ya Deoso watomata, mai manakone‑ya daaneya, mai ababoneni. Mai manakone daani‑ya Deoso fawaterebonane.

Yoda‑ka yama hani 1:11

I‑di Kaina ene‑mata‑nima mai ihi nihi, i‑di Baraho ene‑mata‑nima mai ihi nihi na, yinero‑ya mai nokotoniteni. I‑di Kore‑nima mai ihi na mai aba naboneni.