Ebereo 13:4 - Deoso-ka Yama Hani

⁴ Dai‑ka yibote‑ya dai fami ohare, mai one‑ya dai dakorariyahi. Mai one‑ya dai dakoriya, dai ene‑ya Deoso aweya, dai manakone wadaboneni. Dai manakone amosara, dai nofaraboneni.

Ebereo 13:4 ပူးပေါင်းရင်းမြစ်များ

Korito daidi 5:13

Yeso ati‑ya mai nofara mai ihi‑ya Deoso kadikebonane. Mai ihi‑ya kadikeya, mai ihi amosara manakone‑ya daanebonane. Dai yorotokana, Deoso‑ya dai hiyarabone, Deoso ati‑ya mai nofa‑mone mai ati na, mai ihi ati kasira, dai‑ya mai dabariyahi.

Korito daidi 6:18

Fana one‑ya tiwati aha, kanatibisahi, tiaharabonehe. Ai ene amosara ai‑ya nakoma, fana one ai aha, ai kobobona mai tohawaha, mai ihi towe ai kayafateni.

Korito daidi 6:9

Mai ihi amosara dai‑ya keyehe‑ya mai hirikariyahi. Mai fanawi one‑ya mai aha, mai one‑ka yibote mai‑ya mai aha, maki hini hinama mai ibi aha, mai fanawi hini hinama ibi nokotonihi na, deoso bare‑ya mai kahiyara, Deoso tabaro‑ya mai winateraboneni.

Korito daidi 7:38

Ai ati fana, ai ati amosa, ai ati fanara, ai ati amosi ba‑basi nibisineni.

Korito daidi 9:5

Yeso‑ka yo‑yose mai toha, Yeso sohori yokana mai toha, i‑di Bedoro mai na, tabora one‑kaya mai‑ka yibote mai eyehe mai tokiya, yama sibaramone dai ati namoneni. Fara mai‑nima i‑di Banabe oda fama oda na, oda fana‑mani, oda‑ka yibote mai oda dabiya, yama sibari awirineni? Hehe, sibarineni.

Korito yoto‑ke 5:10

Yeso Kirisito noko‑kaya ai waa, ai ene‑ya kadikebonane. Ai ene amosa‑ya kadika, ai ene amosara‑ya kadika nebonane. Ai ene‑nima ai manakone naboneni.

Karatiya 5:19

Mai atibodi bote ati‑ya mai tokadaba, eya mai ihi teni. Mai ihi amosara, mai one‑ka yibote mai‑ya mai kayafa, mai makidi one‑ya mai aha teni.

Karatiya 5:21

Mai one‑ka yama‑ya mai ati kobo, kawi ihi mai towe toha, mai dami ibi aha na, mai tamine owati dai mitahi. Hibati‑ya dai‑ya okaminamaro, okaminamatasaboneni. Haa‑nima mai ihi na, Deoso tabaro‑ya mai winateraboneni.

Efesiyo 5:5

Mai ihi amosara, mai fanawi one‑ya mai aha, mai makidi hini one‑ya mai aha, mai nana, yama dama‑ya mai kayawa, yama dama‑ya mai nokotonihi, mai nana, Deoso yokana‑ya mai kahiyari awira, deoso bare‑ya mai kahiyarabisa, Yeso Kirisito tabaro, Deoso tabaro ne‑ya mai winateraboneni.

Tesaronika daidi 4:6

Ai owa‑ka yibote dai idiriyahi. Ai owa‑ka yibote dai ahaniya, haa‑nima dai ene niya, Deoso yaweya, dai manakone amosara‑ya daanebonane. Dai manakone dai nofaraboneni. Hibati‑ya oda ati dai mitamaroni, dai oda hiyararo.

Timoti daidi 3:12

Deoso‑ka mai‑ya mai kasomabone mai‑ka yobote oharibisa, mai fanawi one‑ya mai nokotonirihi. Ati fadi hinofa, ati hika madehe hinofa, hineya sibarebonane.

Timoti daidi 3:2

Deoso‑ka mai‑ya kanawatobona, eya ene nebonane. Hika yobote ohareboneni. Mai fanawi one‑ya nokotoni awirihi tebonane. Mai one kake, ati ene hika yobe‑ya mai winateni. Ati, atibodi ati, ene ne‑ya nawadatene. Deoso ati kanawato‑ya watone.

Timoti daidi 3:4

Ati hika madehe hinofa, ati fadi hinofa nahi.

Timoti daidi 4:3

“Dai fanarihi, bani dai kabarihi, dai nahi.” Madi mai ati ihi mai ati naboneni. Bani‑ya Deoso wamanematane, ai tefe bonehe. Deoso ati ai nofa, Deoso‑ya ai kahiyariya, bani ai kaba, ai sibarihi ai teni.

Timoti daidi 5:14

Owati timitamatasahi. Mai fanawi fanamaro, mai‑ka yibote mai abamaro, mai bote tohi awira, mai fanamiya, mai‑ka madehe‑ya mai nayaniya, mai‑ka madehe‑ya mai kanawatoyahi. Haa‑nima mai niya, mai ihi amosaboneni. Yeso ati‑ya mai nofara ai‑ya mai weeni awiraboneni.

Tito 1:6

Mai tikadika, eya mai ihi nahi. Mai ihi amosa‑ta mai tikadikiyahi. Fadi ohare toha, ati fadi hinofa, ati hika madehe hinofa, Yeso ati‑ya hika madehe nofa na, tikadikabisayaho. Hika madehe ati kasira‑ta tikadikarayaho.

Ebereo 12:16

Dai ene amosahi. Dai‑ka yibote ohare‑ya dai famabisahi. Fana one‑ya dai famamakiriyahi. I‑di Esa‑nima dai riyahi. Deoso‑ka ka‑kasoma‑ya i‑di Esa nokotonire, sohori tefe bidi‑ya kanikebona, Deoso‑ka ka‑kasoma‑ya daanematane.

Yeso Kirisito ene‑bona 22:15

Mai ihi towe mai toha, madi towe mai‑ya mai ha‑haa mai toha, mai si‑siwa mai toha, ai one‑ya mai na‑nanahaba mai toha, deoso bara mai‑ya mai ka‑kahiyara mai toha, keyehe‑ya mai no‑nofa mai toha, keyehe‑ya mai hi‑hiri mai toha, mai na, sidadi‑ya mai tokiyomateraboneni.