Ebereo 13:21 - Deoso-ka Yama Hani

²¹ Deoso dai‑ya kasomane, ati dai tokadabebonaha. Yeso ene ai ene amosa, Deoso ai ene‑ya aweya, ya‑yainebonane. Yeso‑ya ai kahiyari fawateriyahi. Feye amani.

Ebereo 13:21 ပူးပေါင်းရင်းမြစ်များ

Mateo 12:50

Okobi neme‑ke ati‑nima mai niya, okomi mai toha, oka soho mai toha, oka asima mai toha, mai nineni.” Yeso ati nemarine.

Mateo 21:31

Ebeni‑ke badi ati‑ya tokadababisati?” Yeso ati ne, “Bidi daidi badi ati‑ya tokadababisane.” Mai ati namaroni. “Owati amosa dai mitahi. Kofeno‑ka yinero‑bona‑ya mai ha‑haa mai toha, fana towe mai toha na, Neme‑ke ai nafi‑ka hidi kitabote tohawahe‑ya mai sawebone, dai‑ta dai sawiraboneni.

Mateo 28:20

Owati nafi‑ya dai kanawatohi, owati‑ya mai tokadababonehe. Dai tokiya, dai‑ya osawebone, dai honita tohateraboneni.” Yeso ati nemarine.

Mateo 6:13

Tiwa ene yama amosara oda nokotoniriyahi. Oda nafi‑ka hidi tihawahabone, kitabote amatini. Amosabote amatini. Yama maakani awirabone, fara amosineni.’ Dai atiyahi.

Mateo 7:21

‘Ayo, oka hidi amatini.’ Hiniya mai ati niya, Okobi ati‑ya mai tokadabariya, Neme‑ke ai nafi‑ka hidi kitabote tohawahe‑ya mai sawiraboneni. Okobi ati‑ya mai tokadabiya, mai sawibisaboneni.

Yowaho 17:23

Owa‑ya tisawi mai‑ya osawi ona, mai nafi ohariwamabonehe. Mai ihi‑ya mai one awiya, owa‑ya tiyosemaro, owa‑ya mai watowahaboneni. Owa tinofi‑nima oka mai tinofahare, mai‑ya mai watowahaboneni.

Yowaho 7:17

Deoso ati dai tokadabiya, hini owati ihi owati yanara, Deoso ati ene owati yananibisa dai wataboneni.

Homa 11:36

Yama ai kiha‑ya Deoso daanemari, yama nafi‑ka hidi amane. Ai kahiyare, ai kahiyari fawarayaho. Feye amani.

Homa 16:27

Deoso yama nafi‑ya wato, Yeso Kirisito ene Deoso‑ya dai kahiyaranadiya, dai kahiyari fawarayaho. Feye amani.

Korito yoto‑ke 9:8

Deoso kitabote tohe, dai kasomi‑ya fawaterebona, dai‑ka yama tosiyoteraboneni, mai dami‑ya dai kasomabonehe.

Karatiya 1:5

Deoso‑ya ai kahiyarahi. Makobote Deoso tabaro‑ya ai winiya, Deoso‑ya ai kahiyara. Deoso‑ya ai kahiyari fawariyahi.

Efesiyo 2:10

Yeso Kirisito‑ka ai toha, ai atibodi yati‑bone‑ya Deoso wamane, ai‑ya daahina, ai ene amosawamabonehe. Ai ene amosa‑ya Deoso ati kobonemata, fara ai ene amosahi.

Efesiyo 2:18

Kirisito ene Deoso‑ka Doni ai‑ya sawi, Deoso ai nafi‑ka Abi tohawahe, ai‑ka Abi‑ya ai hiyara, ai ati‑ya mitatene.

Firibo 1:11

Hibayata Yeso dai‑ya sawi, mahi‑nima dai ene amosi ba‑basi, mahi‑nima dai ene amosi ba‑basi niya, dai ene‑ya mai awiya, Deoso‑ya mai kahiyara, “Deoso amosabote amane.” Mai ati nawahaboneni.

Firibo 2:11

“Yeso Kirisito ai‑ka Hidi amatini.” Mai dami ati naboneni. Ai‑ka Abi i‑di Deoso‑ya mai kahiyaraboneni.

Firibo 2:13

Deoso dai‑ya sawi ene yama hinofa dai nofawaha, ati dai tokadabe, ya‑yainebonane.

Firibo 4:13

Yeso Kirisito kite ene owa kiti toha, Yeso ene yama anini dami owatowahineni.

Firibo 4:18

Oka yinero‑bona dai daaneya, i‑di Bafodito kakame ene oka yama damawahineni. Deoso‑ka yama‑bone‑ya ai daana, Deoso ya‑yaitene. Deoso‑ka yinero‑bona‑ya owa‑ya dai daana, dai ene Deoso ya‑yainebonane.

Koroso 3:17

Dai ati yanana, ai‑ka Ayo i‑di Yeso ati‑nima dai ati na, ene‑nima dai ene na, Yeso ene Deoso‑ya dai kahiyara, “Abi Deoso, amosabote amatini. Tiwa ene ya‑yai·oneni.” Dai ati nahi.

Koroso 3:20

Yetene, atona, madehe, mai na, dai‑ka abi, dai‑ka ami mai na, mai ati dai tokadabahi. Deoso ya‑yainebonane.

Koroso 4:12

Dai‑ka owa i‑di Ebafarasi tohe, Ebafarasi‑ya Yeso Kirisito kadikemari, Yeso ati‑ya kaminebonaha. Dai‑ya Ebafarasi ati foya, dai tamine‑ya hiyaratene, Deoso‑ya. “Deoso, Koroso‑ya mai wi‑wina mai tikasomahi, tiwati‑ya mai nofi nafebonehe. Tiwati mai nofiya, tiwati‑ya mai tokadababoneni.” Ebafarasi ati tene.

Tesaronika daidi 3:13

Mai‑ya dai nofiya, dai ene sibaraboneni. Yeso ati‑nima dai naboneni. Yeso hika mai eyehe kameya, Deoso noko‑kaya ai nahoya, “Dai ene sibarini.” Ai‑ka Abi i‑di Deoso ati nawahebonane.

Tesaronika daidi 4:3

Dai ene amosabone Deoso ati ne, dai ene amosiyahi. Tika yibote dai famabisahi. Fana mai one‑ya dai famawahariyahi. Mai‑ya dai siwakariyahi.

Tesaronika daidi 5:23

Deoso ati ene ai ati somateni. I‑di Deoso‑ya dai tamine ohiyarateni. “Abi Deoso, mai atibodi, mai aboni, mai korimari na tinamosahi.” Oteni. Yeso kameya, dai‑ya weeni awirebonane. Dai ene amosabisaboneni.

Tesaronika yoto‑ke 2:17

Deoso ene dai atibodi somahi. Dai ati amosahi. Dai ene amosahari nahi.

Timoti daidi 1:17

Deoso ai‑ka Hidi webote ohari, abaterebonane. Ai nafi‑ka Hidi i‑di Deoso tohe, Deoso noko ai awatere, neme‑ya wine, Deoso ai nofa, “Deoso amosabote amane.” Ai ati na. Ai ati fawariyahi. Owatibodi ati nineni.

Timoti daidi 5:10

Fana madehe‑ya na‑nayana, mai one kake mai‑ya natafa, mai wini‑bone‑ka mai‑ka yobe‑bona‑ya yofikana, mai kiyana mai‑ya kasoma namaroni. Timoti, haa‑nima mai na, mai‑ya tikasomanadiyahi.

Timoti daidi 6:16

Deoso abaterebonane. Hini wehene kite‑ya winane. Yama wahi kita ihi ahiyata‑ya ai tokaterani. Deoso noko ai awaterani. Deoso ai kahiyarahi. Deoso kitabote amane. Kiti fawaterebonane. Feye amani.

Timoti yoto‑ke 3:17

Deoso‑ka yama hani ai watoya, ai ene amosaboneni. Deoso ati‑nima ai nawahaboneni.

Timoti yoto‑ke 4:18

Ai‑ka Ayo i‑di Yeso ene yama sibaraboneni. Owa‑ya mai nanahabiya, Yeso owa‑ya nakitamebonane. Deoso tabaro‑ya owinawahaboneni. Deoso ai kahiyari fawateraboneni. Feye amani.

Ebereo 10:36

Deoso ati‑nima dai nabone dai ati na, ati‑nima dai na, dai maakara, yama amosa‑ya Deoso daanebona ati ne, yama dai kayafaboneni.

Ebereo 12:23

Deoso‑ka dai tohawaha, dai oni‑ya Deoso kanahanone. Neme‑ya mai one Deoso ati‑ya mai no‑nofa mai oni‑ya kanahano dai oni‑ya kanahanone. Hibati‑ka mai oni‑ya kanahanomata mai aboni aba, mai atibodi neme‑ya tohawaha, mai ihi amosa hinama toha, mai‑ya dai oni sawe, Deoso ai ene‑ya kadikebona‑ya dai sawi dai nineni.

Ebereo 12:28

Deoso‑ka yama wawawakani kiterabone, ai kayafabone ai ya‑yaina, Deoso ai kahiyara, Deoso ene ai nofa, “Abi Deoso, tiwa ene amosabote tohani.” Ai ati nahi.

Ebereo 13:16

Mai dai kasoma, mai kasomi dai fawariyahi. Dai‑ka yama mai‑ya dai ebekana, yama‑ya Deoso‑ya dai daana‑nima dai na, dai ene Deoso ya‑yainebonane.

Bedoro daidi 2:5

Deoso‑ka yobe kote Yeso Kirisito tohane. Yati hasikana‑nima Yeso tohe, dai tohaharineni. Yeso ene yama amosa‑ya dai daanaboneni, Deoso‑ya.

Bedoro daidi 4:2

Ai‑ya mai bisina, ai ene amosaramaro ai nofamarabone, Deoso yama‑ya nofe‑nima ai nofabisaboneni.

Bedoro yoto‑ke 3:18

Ai‑ka Hidi i‑di Yeso Kirisito ati dai wato ba‑basi niya, ati‑nima dai ene na ba‑basi naboneni. Ai manakone‑ya nanahabemari, hibayata ai kahiyare ai kahiyari fawaterayaho. Feye amani.

Yowaho daidi 2:17

Mai‑ka no‑nokotoni abawahaboneni. Deoso‑ta ai nokotonihe, ai abateraboneni.

Yowaho daidi 3:22

Deoso‑ya ai hiyara, ai ati‑ya mitatene. Deoso ati ai tokadaba, yama hinofa‑nima yama na ai haana, yama‑ya daatene.

Yoda‑ka yama hani 1:25

Deoso ohari tohe, amosabote tohe, kitabote tohe, ai dami‑ka Hidi tohe, Yeso Kirisito oda‑ka Hidi dai fama, hibati‑ka dai toha, hibayata‑ka dai toha na, makobote yama nafi abiya, hini dai toha, dai tohasa naboneni. Feye amani.

Yeso Kirisito ene‑bona 4:6

Kadera kawi‑ka wara webote‑nima na, kahafa amosabote awi‑nima awinani. Kadera yowi‑ya Deoso‑ka bara mai 4 kana mai sawinani. Mai noki bodi dama, mai noki kabaka, mai noki one hini mai noki‑kaya toha, mai noki one mai bari‑kaya toha nani.

Yeso Kirisito ene‑bona 5:13

Hibati‑ya yama nafi Yeso wamahinamete‑ya mai ati yananani. Neme‑ya mai toha, wami‑ya mai toha, wami bodi‑ya mai toha, faha webote mese‑ya mai toha, faha webote bodi‑kaya mai toha na, fara mai nafi ati yanana, “Hidi Webote Kaneiro Bidi eyehe amosabote dai amani. Oda nafi dai‑ya nofa, oda nafi dai‑ya kahiyara, oda nafi‑ka hidi dai toha, yama maakani awiraboneni.” Mai ati nani.

Yeso Kirisito ene‑bona 5:9

Wayoma yati‑ya mai hirina, “Bebeo seetikanahi, yama barikani 7 kana‑ya wakatikanahi. Kitabote yokana amatini. Tiwa‑ya mai nanahabamaro, tabora nafi‑ka mai one tiwa emene‑ya mai tikanikamaro, Deoso‑ka mai tohabonehe. Tabora nafi‑nima mai‑ka mai one tikanikamaroni.