Ebereo 13:20 - Deoso-ka Yama Hani

²⁰ Dai tamine Deoso‑ya ohiyarineni, Deoso ene dai atibodi dai‑ya weerabonehe. Ai‑ka Hidi i‑di Yeso ai‑ya na‑nawada webote abe, emene tokafodo, ai manakone‑ya nanahabi hawa tone, Deoso hinakitamene.

Ebereo 13:20 ပူးပေါင်းရင်းမြစ်များ

Mateo 26:28

Owa emene tamine‑bone amani. Owa emene tokabone, o·ababone, mai dama mai ihi manakone onahababoneni.” Yeso ati nemarine.

Maroko 14:24

Fino‑ya mai fawiya, Yeso ati yanane, “Owa emene tamine‑bone amani. Owa emene tokabone, o·ababone, mai dama mai ihi manakone onahababoneni.

Roka 22:20

Mai tafi hawa toha, fino‑ya mai‑ya Yeso daakanamatasane. “Owa emene tamine‑bone amani. Owa emene tokabone, o·ababone, dai ene manakone onahababoneni.

Yowaho 10:11

Kaneiro mai‑ka hidi amosabote ama·oni. Oka kaneiro mai abarabone, o·ababisiya, yama sibaraboneni.” Yeso ati nemarine.

Yowaho 10:14

Kaneiro mai‑ka hidi amosabote ama·oni. Oka kaneiro mai owato, owa‑ya mai watohari nineni.

Yeso‑ka yo‑yose mai tamine 13:30

abe Deoso hinakitamemonane.

Yeso‑ka yo‑yose mai tamine 17:31

Yeso ai ene‑ya kadikebona‑ke mahi‑ya Deoso wato, hibati‑ya Yeso‑ya kadikemata, Deoso ati‑mata‑nima yama nabone ai wato, Yeso‑ya nakitamebona ati nemata, Yeso‑ya nakitamane.” Baoro ati nemonane.

Yeso‑ka yo‑yose mai tamine 2:24

Yeso abano‑ya temene barikiterene. Deoso ene kitame, hini temene‑ke abano wadamare, abe komene wadamare, abamaterebonane.

Yeso‑ka yo‑yose mai tamine 2:32

Deoso ene Yeso kitame, kitami oda nafi awemari, tamine oda hiyarawahineni.

Yeso‑ka yo‑yose mai tamine 3:15

Yeso ai‑ya wamanemata, dai ati ene mai hinahabe, Deoso hinakitame, kitami oda awemarine.

Yeso‑ka yo‑yose mai tamine 4:10

Owati dai mita, Isara·eo‑ka nodi mai nafi owati‑ya mai mitahari na, yama dai watowahaboneni. Yeso Kirisito Nasare‑ke dai ene baakane, Deoso hinakitamemari, fare oni ene maki kitamawahene.

Yeso‑ka yo‑yose mai tamine 5:30

Awa‑ya Yeso dai baakane, abe, ai‑ka idi mai‑ka Deoso hinakitamemarine.

Homa 1:4

Hibati‑ya bofe‑ya kobone, mai hinahabe, Deoso hinakitame, “Yeso Kirisito i‑di Deoso Bidi kitabote tohane.” Deoso‑ka Doni amosabote ati nematane.

Homa 10:7

“Kirisito abemata, fara mai aba mai wi‑wina‑ya ai dodimakiho.” Ai atibodi ati rihi teni.

Homa 15:33

Deoso ai atibodi ati‑ya na‑nasoma dai‑ya sawiyaho. Feye amani.

Homa 16:20

Hibayata Satanasi ene ai‑ya mai bisi, ai‑ya mai wee, teni. Hasini bideya, Satanasi‑ya Deoso barikanebonane, ai‑ya mai bisinamarabonehe. “Ai‑ka Ayo i‑di Yeso dai‑ya sawi, dai‑ya kasomebona.” Oteni.

Homa 8:11

Deoso‑ka Doni dai atibodi yati‑ya sawi, Yeso Kirisito‑ya Deoso nakitamemata, fare dai‑ya nakitamaharibonane. Deoso‑ka Doni dai‑ya sawi ene dai abano kitamaboneni.

Korito daidi 14:33

Deoso yama amosa‑ya nofatene. Dai dami ati yananiya, dai ati amosi awirini. Deoso‑ya mai kahiyarabone, mai ati ohaririteni.

Korito daidi 15:15

Ai kitamatera‑mani, Deoso tamine‑ya keyehe oda hirina neni. Yeso‑ya Deoso nakitame oda ati na, ai kitamara‑mani, Yeso kitamare nane.

Korito daidi 6:14

Yeso ai‑ka Hidi abe, Deoso hinakitamemata, ati ai nofiya, ai abiya, Deoso ai‑ya nakitamaharibonane.

Korito yoto‑ke 13:11

Feye amani. Deoso ati‑ya dai tokadabi ohare, oka yama hani dai kadika, ati‑nima dai nahi. Dai one ati dai mita, fara dai atibodi ati kafamiya, dai ibi weeraboneni. I‑di Deoso dai‑ya sawi, dai‑ya nofe, dai atibodi ati‑ya nasomebonane.

Korito yoto‑ke 4:14

Ai‑ka Hidi Yeso Kirisito abeya, Deoso nakitamemata, ai abiya, ai‑ya nakitameya, Deoso tabaro‑ya ai‑ya towakamebonane.

Karatiya 1:1

Baoro ama·oni. Dai‑ka yama hani‑bone okanahanowahaboneni. Yeso Kirisito‑ka yo‑yose ama·oni. Owa‑ya mai one yoseramaroni. Yeso Kirisito‑ta owa‑ya yosemarine. Yeso Kirisito abemari, Deoso hinakitamemari, makobote Yeso Kirisito Badi i‑di Deoso eyehe owa‑ya yosemarine.

Efesiyo 1:20

Hibati‑ya Kirisito abe, Deoso hinakitame, neme‑ya hiwakame, hini hika kanika‑ya hiwatariwahematane, ai nafi‑ka hidi tohebonaha.

Firibo 4:9

Dai‑ya okanawatamaro, owa ene dai awa, Owati dai mita namaro, fara owa ene‑nima dai ene nahi. Deoso dai‑ya sawibona, dai atibodi ati somabone, dai‑ya weeraboneni.

Koroso 2:12

Dai‑ya mai habanirisa, dai atibodi amosaramaro, dai atibodi bote aba, dai aba‑nima dai namaroni. Deoso ati ene Kirisito ati dai no‑nofa dai atibodi yati tohawaha, dai kitama‑nima dai nawahani. Yeso Kirisito abemari, Deoso hinakitamemarine. Ai atibodi bote amosara, Deoso ene ai atibodi yati tohawahineni.

Tesaronika daidi 1:10

Yeso kamebona‑ya dai nimanineni. Hibati‑ya Deoso hinakitame, neme‑ya tokome, ai‑ya idimebonane. Neme‑ya ai eyehe tokomeya, bofe‑ya mai winasa na, Deoso ene yama kome mai‑ya kitaboneni.

Tesaronika daidi 5:23

Deoso ati ene ai ati somateni. I‑di Deoso‑ya dai tamine ohiyarateni. “Abi Deoso, mai atibodi, mai aboni, mai korimari na tinamosahi.” Oteni. Yeso kameya, dai‑ya weeni awirebonane. Dai ene amosabisaboneni.

Tesaronika yoto‑ke 3:16

Ai‑ka Ayo ene dai habo siitora, dai atibodi ati dai‑ya somaboneni. Dai‑ya mai kaka, dai‑ka Ayo kitabote ene dai habo siitoteraboneni. Ai‑ka Ayo dai‑ya sawibonane.

Ebereo 10:22

Deoso‑ya ai hiyarabone, ai atibodi amosahi. Deoso ai ati‑ya mitebona ai atibodi ati nahi. Hibati‑ya ai atibodi‑ya Deoso‑ka Doni namose, ai atibodi ai‑ya weenamara, hibati‑ka mai‑ya mai wisana, mai‑nima ai nawaha, ai ene amosara manakone aba ihi faha amosa‑ya ai afina‑nima ai nawahani.

Ebereo 10:29

Mose ati‑ya mai tokadabara mai abameteni. Hini yamata‑nima Deoso neba, Bidi ati‑ya ai nofarihi? Deoso Bidi abe, ai manakone‑ya nanahabemata, Deoso Bidi ati‑ya ai nofara, Deoso‑ka Doni ai nayawa, hini yamata‑nima Deoso ai‑ya nibona, dai ati niti?

Ebereo 9:20

“Ama ihi Deoso ati‑nima yama nabone, Deoso ati dai tokadabahi.” Mose ati nematane.

Bedoro daidi 1:21

Hini Bidi‑ya Deoso nakitame, neme‑ya towakame, wehene nafi‑ya daanematane. Bidi ati‑ya dai nofa ene badi‑ya dai watowaha, ati‑ya dai nofa, tabaro‑ya dai tokabone dai nimaneni.

Bedoro daidi 2:25

Kaneiro mai‑nima dai nineni. Kaneiro tabora hawi‑ya mai fawaniteni. Deoso tabaro hawine‑ya dai sawiramaro, Yeso ene Deoso hawine‑ya dai sawiwaha, dai‑ya Na‑nawada‑ya dai dabawahani.

Bedoro daidi 5:4

Ai‑ya Na‑nawada i‑di Yeso Kirisito kameya, dai‑ya yama amosabote‑ya daanebonane. Ai tati borone oro wamani‑nima yama na‑ya dai‑ya daanebonane.