Ebereo 13:17 - Deoso-ka Yama Hani

¹⁷ Dai ene tamine‑ya dai‑ka webote‑ya Deoso hiyaratene. Dai ene amosa dai‑ka webote‑ya Deoso kahiyara, dai ene amosara dai‑ka webote‑ya Deoso weenebonane. Dai‑ka webote‑ya Deoso weerebona, ati dai nofaho. Dai ene dai‑ka webote‑ya Deoso kahiyare, dai‑ya dai‑ka webote kasome, dai ene amosara, dai‑ka webote‑ya Deoso weene, dai‑ya dai‑ka webote weenamakiya, yama amosaraboneni.

Ebereo 13:17 ပူးပေါင်းရင်းမြစ်များ

Roka 16:2

Fai‑ka yinero‑ya na‑nawada‑ya haane, ‘Oka yinero nawadi tina amosara, oka yinero tinawadamateraboneni. Yinero hano tiwawamiya, yinero hano owa‑ya daanama kanibote tinahi.’ Ati nane.

Yeso‑ka yo‑yose mai tamine 20:28

Dai narabo hawihi. Yeso‑ka mai dai nawadahi. Deoso‑ka Doni ati ene mai‑ka hidi‑nima dai na, mai dai nawadabonehe. Hibati‑ya Yeso abe, mai manakone hinahabamaro, dai atibodi yama‑ya watoyahi. Hika mai toha mai dai nawadabone ati nane.

Homa 14:12

Ai nafi ai ene‑ya ai kaminaboneni, Deoso‑ya.

Korito daidi 16:16

I‑di Tefanasi mai ati dai nofiyahi. Oda ene‑nima i‑di Tefanasi mai ihi na, mai ihi‑nima ai owa ene ne, mai ati dai nofa nahi.

Efesiyo 5:21

Kirisito ati dai nofa, dai one ati dai mita, mai ati dai kasawaririyahi. Hini dai ati ohare dai nofariyahi.

Firibo 1:4

Deoso‑ya dai tamine ohiyari dama, Deoso dai‑ya kasomebona ona, ya‑yai·oneni.

Firibo 2:12

Hibati‑ya dai‑ya osawe, owati‑ya dai nofamaroni. Hibayata dai‑ya osawira, owati‑ya dai nofasa nahi. Owati abariyahi. Yama‑ya Deoso nofare‑ya yama dai nofahaririyahi. Dai habo siitoniya, ai‑ka Abi i‑di Deoso ati dai tokadabahi, yawarebonaha.

Firibo 2:16

Deoso ati dai nofa, mai ihi amosara mai dai hiyarahi. “Yeso dai‑ya nofe, dai manakone‑ya nanahabemata, ati dai nofeya, dai abaraboneni.” Dai ati nahi. Haa‑nima dai ene niya, Kirisito kamataseya, dai ene ya‑yai·ona, oka yama anini honita tohara owatowahaboneni.

Firibo 2:29

Bafodito dai tabaro‑ya koboneya, dai ya‑yainahi. Bafodito ene‑nima mai ihi na, mai dai nofi ba‑basi nahi.

Firibo 3:18

Hibati‑ya mai tamine dai‑ya ohiyaramaro, mai tamine ohiyaramatasa, mai tabiyo ohi·onani. Yeso ati‑ya mai ati nofa, ati mai hikadabarene. Yeso abe, mai manakone‑ya nanahabe‑ya mai nofara, mai ihi mai one Yeso ati‑ya mai nofaraboneni.

Firibo 4:1

Oka soho dai toha dai onofa, dai‑ya owati foya, dai ene ya‑yai·oneni. Dai tamine ohiyarateni. Owati dai kadika, Yeso dai‑ya sawi, Deoso ati dai tokadabiyahi.

Tesaronika yoto‑ke 3:14

Oda‑ka yama hani ati‑ya mai nofara, mai‑ya dai kadikiya, mai‑ya dai sawimarihi. Mai‑ya dai dabamarihi niya, mai atibodi hini mai‑ya weeniya, yama‑ya aninawahaba awineni.

Timoti daidi 5:17

Dai‑ya mai ka‑kanawato mai ihi amosa mai dai kasomahi. Deoso ati‑ya dai‑ya mai ka‑kanawato, mai dai kasoma, mai dai nofa, mai ati dai tokadaba, dai nahi.

Ebereo 13:24

Dai‑ka webote mai toha, Deoso‑ka mai one toha na, mai‑ya oda tamine dai hiyarahi. Itariya‑ya mai wi‑wina dai tamine‑ya mai hiyarateni.

Ebereo 13:7

Hibati‑ya Deoso tamine‑ya dai‑ya mai kaminamaro, mai tamine dai kadika, mai ihi amosa, mai ihi‑nima dai ene namakiyahi.

Tiyako 4:7

Hini dai‑ya dai nokotonira. Deoso‑ta dai nokotonibisa, Satanasi ati dai nofare, kananebonane.

Bedoro daidi 5:5

Yetene dai toha, owati dai mitahi. Bote mai toha mai ati dai nofa, “Owa‑ta amosabote ama·oni.” Dai ati riyahi. Hiniya dai ibi kasomahi. “Hini mai‑ya mai kahiyara, mai‑ya Deoso kakotene. Hini mai‑ya mai kahiyarara, mai‑ya Deoso kasomatene.” Deoso‑ka yama hani ati teni.