Ebereo 13:16 - Deoso-ka Yama Hani

¹⁶ Mai dai kasoma, mai kasomi dai fawariyahi. Dai‑ka yama mai‑ya dai ebekana, yama‑ya Deoso‑ya dai daana‑nima dai na, dai ene Deoso ya‑yainebonane.

Ebereo 13:16 ပူးပေါင်းရင်းမြစ်များ

Roka 18:22

Ati‑ya Yeso mite, ati yanane, “Tika yama ohare hasinineni. Tiwa yehe honene nafi daatinahi, manakone waratiniya, mai yahi hone wadara mai‑ya daatinahi. Deoso tabaro‑ya tika yama dama tohaboneni. Eya tiwa ene niya, makobote owa‑ya tisawiyahi.” Yeso ati nematane.

Yeso‑ka yo‑yose mai tamine 10:38

Yeso Nasare‑ke tamine dai mite awane. Deoso ene Deoso‑ka Doni Yeso‑ya sawi, mai tabori dami‑ya toke, ene amose, kite, madi mai‑ya mai foya, Yeso ene madi mai kanana, mai kiyanamaro, mai kitamawahani.

Yeso‑ka yo‑yose mai tamine 9:36

Yabe‑ya Tabita wina, oni one i‑di Doka toha, Yeso ati‑ya nofa, yama‑ya mai kihara, mai dami‑ya kasomateni.

Homa 12:13

Yeso ati‑ya mai no‑nofa yama‑ya mai one kihara, mai dai kasoma, mai‑ka yama‑ba dai daanahi. Mai a‑amo‑ke mai‑ka yobe awire, tika yobe‑ya mai amonahi.

Karatiya 6:10

Yama‑ya mai kihara mai dai kasomahi. Dai‑ka yama dama, dai one‑ka yama‑ba dai daanahi. Yeso ati‑ya mai nofara mai dai kasomi bi‑bidi, Yeso ati‑ya mai no‑nofa mai dai kasomi ba‑basi nahi.

Karatiya 6:6

Deoso Ati Amosabote‑ya dai‑ya mai kanawata, yama dai kiha‑ya mai‑ya dai kasomahi.

Efesiyo 4:28

Yama‑ya dai one botemete, yama‑ya mai botimariyahi. Hiniya yama‑ya mai aninawaha, mai one yama‑ya kihara‑ya mai kasomabisaboneni.

Firibo 4:14

Owa‑ya dai kasoma, yinero‑ya dai daana, dai ene amosini.

Firibo 4:18

Oka yinero‑bona dai daaneya, i‑di Bafodito kakame ene oka yama damawahineni. Deoso‑ka yama‑bone‑ya ai daana, Deoso ya‑yaitene. Deoso‑ka yinero‑bona‑ya owa‑ya dai daana, dai ene Deoso ya‑yainebonane.

Tesaronika daidi 5:15

Dai‑ya mai nofara, mai‑ya dai nofaba nahi. Mai ihi amosara, dai ene‑ta amosabisiyahi. Dai ibi kasomiyahi.

Tesaronika yoto‑ke 3:13

Soho, dai‑ta, dai ene amosa, dai ene amosi fawariyahi.

Timoti daidi 6:18

“Dai ene amosa damahi. Mai‑ka yamata wadara, mai‑ka yamata dai daa, mai‑ka bora wadara bora dai daa dai nahi.” Tinahi.

Firimo 1:6

“Ayo Kirisito, tiwati‑ya Firimo kaminayaho. Tikasomeya, tiwa‑ya wato ba‑basi nebonane. Tiwa ene‑ya mai one awiya, tiwa‑ya mai kahiyaraboneni.” Oteni.

Ebereo 6:10

Deoso‑ka mai dai kasomamaro, mai‑ya dai kasomanasa nineni. Dai ene‑ya Deoso ati fawaterebonane. Dai ene‑ya kadikebona, dai manakone amosa‑ya daanebonane.

Yowaho faina 1:11

Mai ihi amosara, mai‑nima tiriyahi. Mai ihi amosa, mai ihi‑nima tiwa ene nibisahi. Mai ihi amosa, Deoso‑ka mai tohateni. Mai ihi amosara, Deoso‑ya mai watoterani.