Ebereo 13:1 - Deoso-ka Yama Hani

¹ Ai‑ka ayo ai‑ya nofi‑nima ai ibi nofiyahi.

Ebereo 13:1 ပူးပေါင်းရင်းမြစ်များ

Yowaho 15:17

Dai ibi nofiyahi, onani.

Yeso‑ka yo‑yose mai tamine 2:1

Yeso abe nowati‑ya mai amoni 50 kanamaki‑ya mai marina, mai marini‑ke mahi oni Benekosi tohe‑ya, Yeso‑ka mai nafi yorotokawamamoneni.

Yeso‑ka yo‑yose mai tamine 4:32

Yeso ati‑ya mai no‑nofa mai atibodi fara hinama toha, “Owa hare oka yama tohi awirini. Ai nafi‑ka yama amani.” Mai nafi ati teni.

Karatiya 5:13

Deoso dai‑ya kadikemari, dai ene towe dai‑ya yaditonamaraboneni. Yeso ati‑ya dai nofa, dai atibodi bote ati‑nima dai namariyahi. “Owa‑ta ya‑yai·obisaboneni. Owatibodi bote ati‑nima onaboneni.” Dai ati riyahi. Deoso dai‑ya seekane, dai atibodi yati ati‑nima dai naboneni. Dai ibi nofiya, dai ibi kasoma niya, dai nafi ya‑yainaboneni.

Karatiya 5:22

Deoso‑ka Doni ai‑ya sawi, ai atibodi yati toha, Deoso‑ka Doni ene eya ai teni. Ai ibi nofa, ai ya‑yai, ai atibodi ai‑ya weerihi, ai atibodi ati somabisateni. Ai ati yawa kanibote rihi, ai ibi kasoma, Deoso ati ai tokadaba ai na, yama amosa teni, ai ati‑nima ai teboneni.

Karatiya 5:6

Yeso Kirisito‑ka ai toha ai sowiri tati ataro‑ya mai wisinakosa, ai‑ya kasomarihi, mai wisinakosara, ai‑ya kasomarihi, Yeso ati ai nofa, mai one ai kasoma na ai‑ya kasomabisateni.

Efesiyo 4:3

Deoso‑ka Doni dai‑ya sawi, fara dai hinama toha, dai ibi nofa, dai atibodi ati somahi.

Efesiyo 5:2

Kirisito ai‑ya nofe, ai manakone‑ya nanahabane, Deoso ai‑ya ati somawamebonaha. Kirisito ene yama mahi amosa‑nima nemona Deoso ati nematane. Kirisito ai‑ya nofi nafi, Kirisito ai‑ya nofi‑nima mai dai nofahi.

Tesaronika yoto‑ke 1:3

Yeso ati‑ya dai no‑nofa, dai ene oda ya‑yaineni. Deoso‑ya oda hiyara, dai tamine oda hiyara, oda ya‑yaineni. Yeso ati‑ya dai nofamaro, ati dai nofi nafiwahane. Dai ibi nofamaro, dai ibi nofi nafiwahineni.

Ebereo 10:24

Ai one ai kasomahi. Mai one‑ya mai nofawaha, mai‑ya mai kasomamakeboneni.

Bedoro daidi 1:22

Deoso ati dai tokadabe, dai atibodi amosa, dai ene amosawamateni. Deoso‑ka dai toha, Deoso‑ka mai dai nofaboneni. Dai ibi nofi nafiyahi.

Bedoro daidi 2:17

Deoso ati‑ya dai no‑nofa dai ene‑ya mai awiya, mai yawaraboneni. Deoso ati‑ya mai no‑nofa mai dai nofa, Deoso ati‑ya dai tokadaba, kofeno‑ka hidi mai ati‑ya dai tokadaba, dai nahi.

Bedoro daidi 3:8

Owati hawa tohi yanatoneni. Owati dai nafi mitahi. Dai nafi atibodi ati fara hinama tohahi. Ai‑ka ayo ai nofi‑nima dai ibi nofiyahi. Mai atibodi koma mai dai kasomahi. “Yama dai watora, owa‑ta yama owatobisineni.” Dai ati riyahi.

Bedoro daidi 4:8

Dai ibi nofi nafihi. Ai ibi nofa, ai ene Deoso ya‑yainebonane. Mai ihi amosara mai dai nofa, mai ihi dai kadikara, mai dai nofaboneni.

Bedoro yoto‑ke 1:7

Deoso yama hinofa‑nima yama na dai nofa, dai ibi nofiyahi. Dai ibi nofa, dai ibi nofi na‑nafi nahi.

Yowaho daidi 3:23

Deoso ati dai mitahi. “Oka dao i‑di Yeso Kirisito ati dai nofiya, owati‑maro‑nima dai ibi nofahi.” Deoso ati nemarine.

Yowaho daidi 4:20

Deoso‑ya nofe‑mona ati ne, mai one‑ya nofare, keyehe‑ya hirine. Mai one ai nofara, Deoso ai nofahariterani. Mai ai awabisa, Deoso ai awaterani. Mai ai nofara, Deoso ai nofaterani.

Yeso Kirisito ene‑bona 2:4

Dai ene amosa hinama tohi awirani. Hibati‑ya Deoso‑ya dai nofi nafemaroni. Hibayata Deoso‑ya dai nofi bi‑bidi nineni.