Ebereo 12:4 - Deoso-ka Yama Hani

⁴ Dai ene amosabone, dai ene dai‑ya mai nanahabi awisarani.

Ebereo 12:4 ပူးပေါင်းရင်းမြစ်များ

Mateo 24:9

Oka dai toha dai‑ya mai bisina, dai one‑ya mai nanahababoneni. Mai dama owa‑ya mai nofarabone, oka dai toha dai‑ya mai kakaboneni.

Korito daidi 10:13

Ai nafi‑ya Satanasi keyehetene. Tiwa‑ya keyehe‑nima mai‑ya keyehetene. Deoso hini ati‑nima ai‑ya kasomatene. Deoso ene ai kiti‑ya Satanasi ati fiyakiterene. Ati tikadabarebona, Deoso tiwa‑ya yofikane, Deoso ati tikadabiya, tiwa ene amosaboneni.

Firibo 2:8

Ai noko‑nima Kirisito nokone. Deoso ati‑ya Kirisito tokadabe, Deoso ati ene abane, awa‑ya waaneri.

Ebereo 12:2

Yeso‑ta ai nokotoni oharibisahi. Yeso ene Deoso ati ai nofa, Deoso tabaro‑ya ai winamakeboneni. Yeso Deoso ati‑ya tokadabe, fare‑nima ai nahi. “Deoso owa‑ya kasomebona, ene ya‑yai·onaboneni.” Yeso ati ne. Yeso mai baahikane, awa‑ya waane, abe, mai hahahikane, mai‑ya yawaremata, hibayata Deoso itari‑ka kanika‑ya itariwahane.

Ebereo 13:13

Yeso‑ka hawi‑ya ai sawe, ai‑ya mai kakaboneni. Ai‑ya mai kakoya, sibaraboneni.

Yeso Kirisito ene‑bona 12:11

‘Yeso ati‑ya dai nofa dai hiyari fawani awiriya, dai‑ya oda nanahababoneni.’ Satanasi‑ka mai one ati nineni. ‘Oda aba, oda sibaraboneni.’ Mai ati namaroni. Kaneiro Bidi emene ene mai kita, Deoso oni‑ya mai saatonakosi awira ihi Satanasi kiti wadami awirane.

Yeso Kirisito ene‑bona 17:6

Fana fino nafi‑ya fawa, towe toha. Fara Deoso‑ka mai toha, Yeso tamine‑ya mai ka‑kamina mai toha, mai na, mai ame tamine amani. Fana ihi mai‑ya mai nanahababone tamine amani. Fana oawa, owatibodi yama‑ya kadiki kitani.

Yeso Kirisito ene‑bona 18:24

Deoso‑ka mai toha, Deoso ati‑ya mai ka‑kamina mai toha, mai na, mai one‑ya mai nanahabamaro, wami dami‑ya mai one sawi, mai‑ya mai nanahaba namaro, mai manakone‑ya Deoso daanane, Babironi‑ka mai‑ya.” Ati nene.

Yeso Kirisito ene‑bona 2:13

Dai ene nafi owatoneni. Dai wini‑kaya Satanasi ati‑ya mai dami tokadabineni. Anitibasi dai‑ya sawimari, owa oni‑ya saatonakosi awiremari ene Anitibasi‑ya mai one nanahabani. Anitibasi‑ya mai nanahabiya, owa oni‑ya dai saatonakosi awirani.