Ebereo 12:3 - Deoso-ka Yama Hani

³ Yeso mai hikako, mai hinahabemata tamine ai kadika, ai‑ya mai kaka, ai yawaraboneni.

Ebereo 12:3 ပူးပေါင်းရင်းမြစ်များ

Mateo 11:19

Dai‑ka Ayo neme‑ke tafi ba‑basi ne, fino‑ya fawane, ‘Yeso towe amane. Tafi nafi, fino‑ya fawa, kofeno‑ka yinero‑bona‑ya mai ha‑haa mai toha, mai ihi amosara mai toha, mai na, mai‑ya Yeso nofatene.’ Dai ati teni. Yama‑ya mai wa‑wato mai ihi ai awa, mai ai watoteni.” Yeso ati nemarine.

Mateo 12:24

Mai ati‑ya fariseo mai mita, mai yawa, “Deoso ene tohi awirane. Madi towe mai‑ka hidi i‑di Beosibo ati ene madi mai one‑ya Yeso kananine.” Mai atibodi ati namaroni.

Mateo 15:2

“Hini yamata‑bone tiwa‑ya mai da‑daba ai‑ka idi mai ati‑ya mai nofariti? ‘Ai tafabone, ai yehe‑ya ai sorokariteni.’ Ai‑ka idi mai ati teni. Tiwa‑ya mai da‑daba mai yahi towe tafateni.” Fariseo mai ati namaroni.

Mateo 21:23

Deoso‑ka yobe‑ya Yeso tokiyome, mai‑ya kanawatomarine. Deoso‑ka yama‑bone‑ya mai da‑daa mai‑ka hidi mai toha, Yodeo mai‑ka hidi mai bi‑bidi na mai toha na, mai kamake, Yeso‑ya mai weenabone, Yeso‑ya mai hiyara, “Ebeni‑ke ati ene mai‑ya kanatiniti? Ebeni‑ke ati ene mesa‑ya fatatikawiti tiniti?” Mai ati namaroni.

Mateo 21:46

Yeso‑ya mai watabone mai atibodi ati na, mai hiwati awiremarine. Mai dama mai sawe mai ihi yama yofina, Yeso Deoso ati‑ya mi‑mita amane, mai dama mai ati teni.

Mateo 22:15

Fariseo mai toka, mai ibi hiyara, “Ai ati ene Yeso ati tosawariba awane.” Mai ati namaroni.

Roka 14:1

Sabado‑ya fariseo mai‑ka hidi owa tabaro‑ya Yeso tafebona tokiyomeya, mai kakatomameteni.

Roka 15:2

Fariseo mai toha, Mose‑ka yama hani ati‑ya mai ka‑kamina mai toha, mai na, mai yawa, “Mai ihi amosara mai toha na mai‑ya Yeso sawi, mai eyehe tafane. Yeso towe amane.” Mai ati nameteni.

Roka 16:14

Fariseo yinero‑ya mai nokotoniteni. Yeso ati‑ya mai mita, “Yeso yama‑ya watorane.” Mai ati nameteni.

Roka 2:34

I‑di Simiyaho mai‑ya kasomebona mai tamine‑ya Deoso‑ya hiyare, “Deoso, mai kasomi tinafihi.” Simiyaho ati ne, Mariya‑ya hiyare, “Owati timitahi. Deoso‑ka hawi‑ya mai sawira, tika dao ene Deoso hawine‑ya mai sawiwahabone, mai one amosamone tika dao ene mai atibodi towe mai dami watowahaboneni. Tika dao‑ya mai weenaboneni.

Roka 5:21

Mose‑ka yama hani ati‑ya mai ka‑kamina mai toha, fariseo mai toha, mai na, Yeso ati‑ya mai mita, mai yawawahameteni. “Bofe‑ka ai toha ai ati ene ai owa ene manakone fawaterene. Deoso hini ati ene ai ene manakone fawateni. Maki ene towe manakone wadamaremona Yeso ati ne, ‘Deoso‑nima ona ama·oni.’ Yeso ati ne awane, hini ati ene abaho.” Mai atibodi ati nameteni.

Yowaho 10:20

“Yeso ka‑kana amane. Madi towe foye ene ati amane. Ati dai nofarayaho.” Mai one ati nihi,

Yowaho 18:22

Yeso ati‑ya mai‑ka sekorasa owa mite, Yeso noko‑ya batanari, “Deoso‑ka yama‑bone‑ya mai da‑daa mai‑ka hidi webote ai hiyara, haa‑nima ai hiyariterani.” Ati nemarine.

Yowaho 5:16

Sabado‑ya mai‑ya Yeso nakitame, Yeso‑ya mai weenamaroni.

Yowaho 7:12

Yeso tamine‑ya mai dama mai ibi basana, “Yeso ati amosane.” Mai one ati na, “Yeso ati kasiro, ati ene mai dami tosawariteni.” Mai one ati namaroni.

Yowaho 8:13

“Hini tiwa tamine tihiyarineni. Hini mai tamine‑ya mai hiyara, mai ati oda nofaterani.” Fariseo mai ati namaroni.

Yowaho 8:52

“Madi towe tiwa‑ya sawibisane. Abaraho abe, Deoso ati‑ya mai mi‑mita‑mete mai abamakemetemoneni. Tiwati‑ya mai tokadaba mai abaterabone tineni.

Yowaho 8:59

Ati‑ya mai mita, mai yawa, yati‑ya mai yabamaroni, Yeso‑ya mai baanabonehe. Yeso hini‑ya kemo, tokemarine.

Yowaho 9:40

Fariseo mai one Yeso ati‑ya mai mita, mai ati yanana, “Yama oda awaramone tineni?” Mai ati namaroni.

Korito daidi 15:58

Oka dai amani, owati dai mitahi. Dai eme kitahi. Ai‑ka Hidi ati‑nima dai nabone, dai‑ya mai we‑wee, mai ati dai nokotoniriyahi. Ai‑ka Hidi ati‑nima dai niya, dai manakone amosa wadaboneni.

Korito yoto‑ke 4:1

Deoso ati oda kaminebona ati ne. Ati oda kamine, oda habo siitora, oda ati fawaterani.

Korito yoto‑ke 4:16

Oda abano kiti fawani yanatona, kiti fawanaba awineni. Oda atibodi kiti fawarabone, mahi‑nima oda atibodi‑ya Deoso nakitamatene. Oda atibodi kita ene oda ya‑yaiteni.

Karatiya 6:9

Deoso ene mai ai kasoma, mai kasomi ai fawani awiriya, ai manakone wadaboneni. Ai‑ka yama amosabote‑bone‑ya Deoso daanebonane.

Tesaronika yoto‑ke 3:13

Soho, dai‑ta, dai ene amosa, dai ene amosi fawariyahi.

Ebereo 12:2

Yeso‑ta ai nokotoni oharibisahi. Yeso ene Deoso ati ai nofa, Deoso tabaro‑ya ai winamakeboneni. Yeso Deoso ati‑ya tokadabe, fare‑nima ai nahi. “Deoso owa‑ya kasomebona, ene ya‑yai·onaboneni.” Yeso ati ne. Yeso mai baahikane, awa‑ya waane, abe, mai hahahikane, mai‑ya yawaremata, hibayata Deoso itari‑ka kanika‑ya itariwahane.

Ebereo 12:5

Deoso ati dai fawanihe awineni. Deoso bidi dai toha, dai‑ya hiyare, “Oka dao dai amani. Dai kosi·oniya, dai yawarihi. Dai wee·oniya, dai habo siitorihi, dai nahi. Dai okasomabone owati amani.” Deoso ati nematane.

Ebereo 3:1

Soho, owati dai mitahi. Hibati‑ya Deoso ai‑ya kadike, Yeso‑ya Deoso yosemari, Deoso‑ka yama‑bone‑ya mai da‑daa mai‑ka hidi webote tohe, tamine dai kadikahi.

Bedoro daidi 2:23

Yeso mai weeni kofihine, mai‑ya weerihi, mai bisihine, mai‑ya ati bisirihi ne, “Deoso owa ene‑ya wato, owa ene‑ya kadikabisebonane.” Yeso ati nemarine.

Yeso Kirisito ene‑bona 2:3

Deoso‑ya mai nofara dai‑ya mai weeniya, dai winitonami awirani. Owa dai nofa ihi Deoso hawine bai‑ya dai maakani awirani.