Ebereo 12:23 - Deoso-ka Yama Hani

²³ Deoso‑ka dai tohawaha, dai oni‑ya Deoso kanahanone. Neme‑ya mai one Deoso ati‑ya mai no‑nofa mai oni‑ya kanahano dai oni‑ya kanahanone. Hibati‑ka mai oni‑ya kanahanomata mai aboni aba, mai atibodi neme‑ya tohawaha, mai ihi amosa hinama toha, mai‑ya dai oni sawe, Deoso ai ene‑ya kadikebona‑ya dai sawi dai nineni.

Ebereo 12:23 ပူးပေါင်းရင်းမြစ်များ

Roka 10:20

Dai ati ene madi towe mai kananamone, dai ya‑yaini nafiriyahi. Neme‑ya dai oni‑ya Deoso kanahano ene dai ya‑yaini nafibisahi.” Yeso ati nematane.

Yowaho 5:27

Deoso ati ene dai‑ka Ayo neme‑ke dai ene‑ya kadikebonane. Hini dai ene‑nima dai manakone na daa·onaboneni.

Yeso‑ka yo‑yose mai tamine 20:28

Dai narabo hawihi. Yeso‑ka mai dai nawadahi. Deoso‑ka Doni ati ene mai‑ka hidi‑nima dai na, mai dai nawadabonehe. Hibati‑ya Yeso abe, mai manakone hinahabamaro, dai atibodi yama‑ya watoyahi. Hika mai toha mai dai nawadabone ati nane.

Korito daidi 13:12

Hibayata isibiyo towe‑ya ai awi‑nima Deoso‑ya ai awi re‑refona, makobote Deoso noko ai awawahaboneni. Hibayata owato bide oha, makobote Deoso owa‑ya wato‑nima yama owatowahaboneni.

Korito daidi 15:49

Hibayata i‑di Adaho abano‑nima ai abano na, makobote i‑di Yeso Kirisito abano‑nima ai abano nawahaboneni.

Korito daidi 15:54

Ai abano bote fawaniya, ai abano yati ai sakonawaha, Deoso ati‑mata‑nima yama nawahaboneni. “Ai abamaterabone, Deoso tabaro‑ya ai wini ohareboneni.

Korito yoto‑ke 5:8

Ai‑ya mai nanahabiya, sibaraboneni. Ai habo siitora, ai abano atabo‑ya wamani toha‑ya ai sawimara, Yeso‑ya ai sawiya, yama amosabisaboneni.

Efesiyo 1:22

Deoso ati ene yama nafi‑ka Hidi Kirisito amane. Yeso ati‑ya ai no‑nofa Yeso‑ka ai toha, Yeso ai‑ka Webote amane.

Firibo 4:3

Oka owa amatini. Mai fanawi tikasomahi, mai ibi nofabonehe. Yeso ati okamina, owa‑ya mai daba, yama‑ya mai anini kitamaroni. I‑di Keremete mai nafi owa‑ya mai daba, neme‑ka yama hani‑ya mai oni‑ya Deoso kanahanomatane. Mai abaterabone, Deoso tabaro‑ya mai winabisaboneni.

Koroso 1:12

Deoso‑ka dai toha, Deoso ene Deoso‑ka yama‑ya dai kayafabone, Deoso tabaro‑ya yama wahi nafiteni. “Abi Deoso, amosabote amatini. Tika madehe oda amani. Oda ya‑yainineni.” Dai ati nahi.

Koroso 1:24

Deoso Ati Amosabote okamina, owa‑ya mai bisina, owa abano komamaroni. Owa‑ya mai bisina, oyawara, ya‑yai·obisamaroni. Kirisito‑ya mai bisinamaro‑nima ai‑ya mai bisinawaha, Kirisito‑ka ai amani. Kirisito abano‑nima ai nawahaboneni. Kirisito‑ka mai okasoma, Kirisito ati‑ya mai nofara owa‑ya mai bisinamaroni.

Timoti daidi 3:5

Ati fadi hinofarihi, ati bidi mai hinofarihi hineya, Deoso‑ka mai‑ya kanawatoya, ati mai hinofaterebonane.

Ebereo 11:4

Hibati‑ya Deoso ati‑ya i‑di Abeo nofe, Deoso ati‑nima bani‑ya daane, i‑di Abeo ene‑ya Deoso nofe, “I‑di Abeo ene amosane.” Deoso ati nematane. I‑di Kaina Deoso ati‑nima yama‑ya daani awire, ene‑ya Deoso nofarematane. I‑di Abeo abemata ene tamine ai hiyaranasa nineni.

Ebereo 11:40

Deoso yama nafi‑ya wato, mai‑ya kasome, ai‑ya kasomahari, neme‑ya ai koboniya, mai eyehe ai winiya, yama amosa hinama tohaboneni.

Ebereo 2:12

Deoso‑ya Yeso hiyare, “Oka soho mai‑ya ohiyaraboneni. Oka soho mai yorotokani‑ya tiwa tamine okaminiya, tiwa okahiyarahareboneni.” Yeso ati nematane.

Ebereo 9:27

Bofe‑ya ai abano ababoneni ai nafi. Makobote neme‑ya ai ene‑ya Deoso kadikebonane.

Tiyako 1:18

Deoso ati ai nofi awisariya, ai‑ya kadike, Ati Amosabote ai nofawahe, hika ewe ai tohawaha, hika yama wamani‑ka hidi ai tohawahaboneni.

Bedoro daidi 2:23

Yeso mai weeni kofihine, mai‑ya weerihi, mai bisihine, mai‑ya ati bisirihi ne, “Deoso owa ene‑ya wato, owa ene‑ya kadikabisebonane.” Yeso ati nemarine.

Yeso Kirisito ene‑bona 13:8

Bofe‑ya mai wi‑wina Bani Hame‑ya mai nafi kahiyarabone, fare Kaneiro Bidi‑ka yama hani‑ya mai oni sawi awiriya, Bani Hame‑ya mai nafi kahiyaraboneni. Hibati‑ya wami awisari‑ya Kaneiro Bidi ati‑ya mai to‑tokadababone mai oni‑ya Deoso wato, mai oni‑ya kanahanomatamonane. Kaneiro Bidi abemari, kitamemarine.

Yeso Kirisito ene‑bona 14:4

144.000 mai kana fana bara‑ya mai famarani. Kaneiro Bidi‑ya mai sawiteboneni. Hibati‑ya bofe‑ka mai toha, Kaneiro Bidi hini emene‑ya mai hikanika, Deoso Kaneiro Bidi mai fama mai‑ka mai bonehe. Mai‑ya kayafe, Deoso Kaneiro Bidi eyehe ya‑yainane.

Yeso Kirisito ene‑bona 20:15

Ai abarabone‑ka yama hani‑ya mai oni sawira, wara hirini‑kaya mai‑ya weretoniwahene.

Yeso Kirisito ene‑bona 6:11

Deoso ati ene bora sawa‑ya mai‑ya daane, mai‑ya hiyare, “Yama dai nimani bide tohamakimatahi. Dai‑ya mai nanahabamaro‑nima dai one owati‑ya mai tokadaba mai‑ya mai nanahabamakeboneni. Fara dai one‑ta hawa tohi awisarini.” Ati nene.

Yeso Kirisito ene‑bona 6:9

Kaneiro Bidi yama barikani 5 kani‑ka‑ya wakakanamakitaseya, Deoso ati‑ya mai no‑nofa, Deoso tamine‑ya mai one‑ya mai ka‑kamina mai mai hinahabamaro, mai atibodi‑ta oawani. Deoso‑ka yobe‑ka yama mahi amosa a‑amimi‑ka yama bofe‑ya mai oawani.