Ebereo 12:22 - Deoso-ka Yama Hani

²² Dai‑ta adami tati‑ya dai kobona‑nima Deoso tabaro yokana‑ya dai kobona, Yerosare neme‑kaya dai kobona, Deoso‑ka yo‑yose mai dama mai yorotokana mai ya‑yaina mai ai kadikaterani.

Ebereo 12:22 ပူးပေါင်းရင်းမြစ်များ

Mateo 16:16

“Deoso‑ka Ka‑kadika amatini. Deoso yokana Bidi amatini.” Simaho Bedoro ati nemarine.

Mateo 5:35

Wami oni dai hiririyahi, wami‑ya Deoso teme kawatene. Yerosare oni dai hiririyahi, Yerosare‑ya Deoso kayawatene.

Homa 11:26

Fara yama hawa tohiya, Isara·eo‑ka mai nafi Yeso ati‑ya mai nofawahabone, mai nafi Deoso‑ka mai tohawahaboneni. “Ai nafi‑ya ka‑kasoma Siyaho‑ya yananebonane. I‑di Yako‑ka nodi yokana mai ihi amosara, mai ihi amosawahaboneni.” Deoso‑ka yama hani ati nineni.

Homa 9:26

Hibati‑ya Bara mai tamine‑ya mai hiyara, “Deoso‑ka mai tohi awirini.” Mai ati nameteni. Makobote mai tamine‑ya i‑di Oseya kanahano, “Deoso kitabote bidi mai tohawahineni.” Oseya ati nematane, Deoso‑ka yama hani‑ya.

Karatiya 4:26

Sara yaditona‑nima ni awirini. Yerosare neme‑kaya mai wi‑wina Sara‑nima mai nineni. Ai yaditora‑nima mai nineni. Sara bidi ai toha, ai yaditorani. Abaraho‑nima ai na, Deoso ati ai nofineni.

Efesiyo 2:19

Yeso ene Bara dai tohamara, Deoso‑ka dai tohawaha, Deoso‑ka oda tohi‑nima dai tohahare, Deoso bidi ai tohani.

Firibo 3:20

Ai‑ta Deoso tabaro‑ya ai tabaro yokana toha, ai‑ka Ayo i‑di Yeso Kirisito ai manakone‑ya nanahabemata, ai nimane, neme‑ya kamebonane.

Tesaronika daidi 1:9

Mai ati ihi oda ya‑yainineni. Hibati‑ya dai tabaro‑ya oda kobona, oda ati dai nofa, madi mai‑ya dai hiyaramaro, madi mai‑ya dai hiyarami awirabone dai ati na, “Deoso yokana ohari‑ta oda kahiyarabisaboneni.” Dai ati namaro, Dai ati‑nima dai nineni.

Timoti yoto‑ke 4:18

Ai‑ka Ayo i‑di Yeso ene yama sibaraboneni. Owa‑ya mai nanahabiya, Yeso owa‑ya nakitamebonane. Deoso tabaro‑ya owinawahaboneni. Deoso ai kahiyari fawateraboneni. Feye amani.

Ebereo 10:31

Deoso ati‑ya mai tokadabi nofara, Deoso ene mai habi siitonaboneni.

Ebereo 11:10

“Deoso tabaro‑ya kobo·oniya, oka yobe‑bona‑ya Deoso wamaneya, owa‑ya yobe‑ya daanebonane.” Abaraho atibodi ati nematane.

Ebereo 11:16

Neme‑ka tabora‑ya mai nokotonihe. “Neme‑ya oda tabaro amosabisaboneni.” Mai atibodi ati na. Fara mai tabori‑bone‑ya Deoso neme‑ya wamane. “Oka mai amani.” Ati tene.

Ebereo 13:14

Ahi‑ya ai tabaro awira, neme‑ya ai tabaro yokana‑bone toha‑ya ai koboni awisarani.

Ebereo 3:12

Dai noko wadahi. Dai atibodi amosa, Satanasi dai‑ya keyeheya, ati dai nofarayaho. Deoso ati dai tokadababisabonehe.

Ebereo 9:14

Fare Kirisito emene ai‑ya namosi nafibona, Kirisito ene amose hinama tohe, Deoso‑ka Doni hikasome ene ai manakone aba, hini emene‑ya Deoso‑ya daane ene ai ene amosaramaro, ai‑ya ai atibodi weenamaraboneni. Ai ene amosaramaro tamine‑ya Deoso kadikamaterebonane. Ai ene amosa, ai abamateraboneni. Deoso‑ya ai narifabisaboneni.

Yoda‑ka yama hani 1:14

I‑di Adaho‑ka nodi‑ka nodi‑tasa i‑di Enoki tohe, fare mai tamine‑ya hiyarematane. Ai‑ka hidi kameya, hika mai dama mai eyehe kamebonane.

Yeso Kirisito ene‑bona 14:1

Owa noko tokomatasa, adami webote Siyaho‑ya Kaneiro Bidi waane, ai one dama, 144.000 mai kana Kaneiro Bidi‑ya mai dabineni. Kaneiro Bidi oni toha, Badi oni toha ne, mai noki ate‑ya kobobokanene.

Yeso Kirisito ene‑bona 21:10

Ai wadame‑ka yama‑nima yama na‑ya adami tati webote‑kaya Deoso‑ka Doni owa‑ya towakame, Kaneiro Bidi fadi‑bone tamine‑ya yofikanene. Deoso‑ka sidadi Yerosare toha, Deoso wine‑kaya yanana, kisa‑ya owa‑ya yofikanene.

Yeso Kirisito ene‑bona 21:2

Deoso‑ka sidadi oawani. Fara Yerosare yati amani. Neme‑ya Deoso tabaro‑ya yanana, kisani. Fadi‑bone bora amosa‑ya sakoteni, maki‑bona ya‑yainebonaha. Fara‑nima sidadi na, amosi nafeni.

Yeso Kirisito ene‑bona 22:19

Dai one keyehe‑ya hiriniya, “Yama hani ati kote tosaware, yama owatobisineni.” Mai ati na, Deoso ati ene ai abarabone‑ka awa bono‑ya mai kabaraboneni. Deoso‑ka sidadi‑ya mai sawiraboneni. Ai abarabone‑ka awa bono toha, Deoso‑ka sidadi toha na, tamine okanahanoneni.

Yeso Kirisito ene‑bona 3:12

Dai maakani awiriya, Deoso‑ka yobe fowari ewene‑nima dai nabone, Deoso‑ya dai sawiteboneni. Oka Deoso oni‑ya dai‑ya okanahanowahaboneni. Owa oni yati‑ya dai‑ya okanahanowahaboneni. Oka Deoso tabaro oni‑ya dai‑ya okanahanowahaboneni. Deoso tabaro oni Yerosare yati tohineni. Fara oka Deoso tabora‑ya yanana, bofe‑ya kisaboneni.

Yeso Kirisito ene‑bona 7:2

Deoso‑ka yo‑yose mai 4 kana wami‑ka yama nafi‑ya mai weenabone, faha webote‑ka yama nafi‑ya mai weenaboneni. Deoso‑ka yo‑yose owa mahi ka‑kaki‑kaya yanane, tokomisane. Deoso yokana oni korimari wa‑wama‑ya damakane. Ati kita yanane, Deoso‑ka yo‑yose mai 4 kana mai‑ya hiyare,