Ebereo 12:2 - Deoso-ka Yama Hani

² Yeso‑ta ai nokotoni oharibisahi. Yeso ene Deoso ati ai nofa, Deoso tabaro‑ya ai winamakeboneni. Yeso Deoso ati‑ya tokadabe, fare‑nima ai nahi. “Deoso owa‑ya kasomebona, ene ya‑yai·onaboneni.” Yeso ati ne. Yeso mai baahikane, awa‑ya waane, abe, mai hahahikane, mai‑ya yawaremata, hibayata Deoso itari‑ka kanika‑ya itariwahane.

Ebereo 12:2 ပူးပေါင်းရင်းမြစ်များ

Mateo 16:21

Yeso abebona, hini tamine‑ya hiyare, “Yerosare‑ya ai tokaboneni. Yodeo mai‑ka hidi mai bi‑bidi na mai toha, Mose‑ka yama hani ati‑ya mai ka‑kamina mai toha, Deoso‑ka yama‑bone‑ya mai da‑daa mai‑ka hidi mai toha, mai na, dai‑ka Ayo neme‑ke ati‑ya mai nofarabone, mai weeni hikitebona, mai hinahabeya, mahi 3 tohe‑ya okitamaboneni.” Yeso ati nemarine.

Mateo 20:28

Dai‑ka Ayo neme‑ke‑nima dai nahi. Owa dai narifara, dai‑ya onarifabisateni. Mai dama mai ihi manakone‑ya onahababone, o·ababoneni.” Ati nemarine.

Maroko 14:36

“Abi Deoso, kitabote amatini. Yama kobonabone onofarini. Owati‑nima yama riyahi. Hini tiwati‑nima yama nibisiyahi.” Yeso ati nematane.

Maroko 15:28

(Deoso‑ka yama hani ati‑nima yamana yananamaroni. “‘Towe mai‑ka owa amane.’ Mai ati naboneni.” Deoso‑ka yama hani ati na, ati‑nima towe mai eyehe Yeso abemarine.)

Maroko 16:19

Ai‑ka Ayo Yeso hiyari hawa toheya, Deoso ene neme‑ya tokome, Deoso mano kanika‑ya itariwahematane.

Maroko 9:12

Mai ati‑ya Yeso mite, ati yanane, “Fara amani. Eriya koboni dai tohebona, yama‑ya namosebonane. Deoso‑ka yama hani ati one dai mitahi. ‘Dai‑ka Ayo neme‑ke‑ya mai nofi awirabone, mai weehinebonane.’ Yama hani ati nani.” Yeso ati nematane.

Maroko 9:24

Yetene badi ati yananamatase, ati kite, “Tiwati onofani! Owatibodi tikasomahi. Tiwati onofi ba‑basi onabonehe!” Ati nemarine.

Roka 17:5

Yeso‑ka yo‑yose Yeso‑ya mai hiyara, “Oda tikasomahi, Deoso ati oda nofi nafiwahabonehe.” Mai ati nameteni.

Roka 23:11

I‑di Erodi, hika sodado mai eyehe Yeso‑ya hahakane, hidi webote‑ka bora‑ya Yeso‑ya weyenihematane. Birato‑ya mai hiwakamatasematane.

Roka 24:26

Deoso‑ka yama hani ati‑nima Deoso‑ka Ka‑kadika abe, kitame, amosabote tohawahane.” Yeso ati nematane.

Yowaho 1:29

Mahi owa‑ya Yowaho Yeso‑ya awe, mai dami‑ya hiyare, “Kamaki dai awaho. Deoso‑ka Kaneiro Bidi amane. Deoso hiyose, bofe‑ya ai wi‑wina ai manakone‑ya nanahabebonane.

Yowaho 12:24

Owati amosabote dai mitahi. Ahosi‑nima na noki ai kamara, dodamaterani. Noki ohare wami‑ya ai kama, noki abiya, yana, noki dodamateni.

Yowaho 12:32

Owa‑ya mai nawaaniya, mai nafi haa·onabone, oka mai tohawahabonehe.” Yeso ati nemarine.

Yowaho 13:3

“Okobi ati ene yama nafi‑ka hidi ama·oni. Deoso‑ya yana·onamaro, okoma kanibote onaboneni.” Yeso atibodi ati nemarine.

Yowaho 6:40

Haa‑nima yama na‑ya Okobi nofane, Bidi mai hiawa, Bidi ati mai hinofa hine mai abateraboneni. Yama faina‑bone‑ya mai onakitamaboneni.” Yeso ati nemarine.

Yowaho 8:56

Bofe‑ya owinabone, owa tamine‑ya dai‑ka idi i‑di Abaraho mite, ya‑yainemarine. Makobote owa‑ya awe, ya‑yainamatasemarine.” Yeso ati nemarine.

Yeso‑ka yo‑yose mai tamine 2:36

Isara·eo‑ka nodi dai toha, yama dai watohi! Yeso dai baakanemari, Deoso ene ai nafi‑ka Hidi tohe, Kirisito amane. Dai ati kadamowamariyahi.” Bedoro ati nane.

Yeso‑ka yo‑yose mai tamine 3:15

Yeso ai‑ya wamanemata, dai ati ene mai hinahabe, Deoso hinakitame, kitami oda awemarine.

Yeso‑ka yo‑yose mai tamine 5:31

Deoso ene Deoso‑ka kanika‑ya hina·itari, itarine, ai nafi‑ka hidi toha, ai manakone‑ya nanahaba toha nane. Isara·eo‑ka hini mai tamine‑ya mai kamina, mai‑ya Deoso ati somawamebonane.

Yeso‑ka yo‑yose mai tamine 5:41

Yeso‑ka yo‑yose mai toka, mai ya‑yaina, “Yeso‑nima oda nawaha, oda‑ya mai bisinamakineni.” Mai atibodi ati na. Mai ya‑yainamoneni.

Korito daidi 1:18

“Awa‑ya Yeso mai baahikane, ai manakone‑ya nanahabemarine.” Ai ati na, Deoso ati‑ya mai nofara ai ati‑ya mai hahakana, mai ababoneni. Deoso ati‑ya ai no‑nofa Yeso abe tamine‑ya ai mita, ai ya‑yaina, Deoso ene kitabote tohe‑ya ai wato, Deoso tabaro‑ya ai winaboneni.

Korito daidi 1:23

“Yeso Kirisito awa‑ya mai baahikane, ai manakone‑ya nanahabematane. Ati dai nofeya, Yeso hawine‑ya dai sawi‑bone, Deoso tabaro‑ya dai kobonaboneni.” Oda ati na, Oda ati‑ya Yodeo mai mita, mai atibodi yama‑ya kadika, “Yeso oda manakone‑ya nanahabare, oda manakone oda nanahababisineni.” Mai atibodi ati na, Ai taratokana‑nima mai na, Deoso tabaro‑ya mai koboraboneni. Oda ati‑ya Kereko mai mita, oda‑ya mai hahakana, “Yeso hawine‑mona‑ya oda sawiraboneni.” Kereko mai ati teni.

Efesiyo 2:16

Deoso‑ka ai tohabone, Yeso Kirisito awa‑ya abematane. Abe ene ai ibi kakomarani.

Efesiyo 5:2

Kirisito ai‑ya nofe, ai manakone‑ya nanahabane, Deoso ai‑ya ati somawamebonaha. Kirisito ene yama mahi amosa‑nima nemona Deoso ati nematane. Kirisito ai‑ya nofi nafi, Kirisito ai‑ya nofi‑nima mai dai nofahi.

Firibo 1:6

Deoso ene Yeso ati dai nofawahamaro, Deoso ene dai ene amosateboneni. Yeso Kirisito kameya, Deoso ene neme‑ya dai sawiwahabone, dai‑ya owatibodi watoneni.

Firibo 3:20

Ai‑ta Deoso tabaro‑ya ai tabaro yokana toha, ai‑ka Ayo i‑di Yeso Kirisito ai manakone‑ya nanahabemata, ai nimane, neme‑ya kamebonane.

Timoti yoto‑ke 4:8

Owa manakone wadaboneni. Ai tati borone oro wamani‑ya tohaboneni. Ai ene amosa ai tati borone oro wamani‑ya tohabone, ai‑ka hidi i‑di Yeso ati nane. Ai ene‑ya kadikeya, ai manakone‑ya daanebonane. Yeso kamebona ai nimaniya, ai manakone wadaboneni.

Ebereo 1:13

Haa‑nima hika yo‑yose mai‑ya hiyaraterene. Bidi ohari‑ya hiyarabisane, “Oka kanika‑ya tiwitariya, tiwa‑ya mai ka‑kako, owati ihi mai mese‑ya tiwa teme kaforiwahaboneni.” Deoso ati nematane, Bidi‑ya hiyareri.

Ebereo 1:3

Deoso amosabote noko wehene nafi, noko wehene‑nima Bidi noko wehene ne Deoso‑nima Bidi ne. Ati kite ene neme toha, bofe tohasa nihi nineni. Ai ene amosara manakone wada, ai manakone‑ya nanahabe, Deoso kitabote‑ka kanika‑ya itariwahematane neme‑kaya.

Ebereo 10:14

Kirisito ai manakone‑ya nanahabi ohari, ai manakone‑ya Deoso haanamaterebona, ai amosa hinama ai tohawahaboneni.

Ebereo 10:33

Dai one‑ya mai wee, dai one‑ya mai kosi na, dai one‑ya dai kasomamaroni.

Ebereo 11:36

Ai one Deoso ati‑ya mai nofa mai‑ya mai kaka, mai‑ya mai wee, mai‑ya mai bisi, koheti‑ya mai‑ya mai soki, kadeya‑ya mai‑ya mai nafoya nameteni.

Ebereo 12:3

Yeso mai hikako, mai hinahabemata tamine ai kadika, ai‑ya mai kaka, ai yawaraboneni.

Ebereo 13:13

Yeso‑ka hawi‑ya ai sawe, ai‑ya mai kakaboneni. Ai‑ya mai kakoya, sibaraboneni.

Ebereo 5:9

Deoso ati hinama‑ya tokadabi hawa tohe, ati ai tokadabeya, Deoso‑ka ai tohawaha, Deoso tabaro‑ya ai winamakeboneni.

Ebereo 7:19

Mose ati kote‑ta ai tokadaba Deoso tabaro‑ya ai winaraboneni. Yeso ati ai nofa, Deoso bidi ai tohawaha, Deoso tabaro‑ya ai winabisaboneni.

Ebereo 8:1

Owati dai mita yama‑ya dai watowahaboneni. Deoso‑ka yama‑bone‑ya mai da‑daa mai‑ka hidi webote i‑di Yeso tohe. Ai manakone‑ya Deoso‑ya daane, ai‑ka Abi neme‑ke‑ka kanika‑ya itariwahane.

Ebereo 9:28

Kirisito abe, ai manakone‑ya nanahabemata, kamatasebona, ai manakone‑ya nanahabami awirebona, ai nimane, neme‑ya ai‑ya towakamebonane.

Tiyako 2:1

Oka soho dai toha, ai‑ka Hidi i‑di Yeso Kirisito amosabote ati‑ya dai no‑nofa, owati dai mitahi. Mai mese dai kadikariyahi. Yeso mai nafi‑ya nofi‑nima mai dai nofaharihi.

Bedoro daidi 1:11

Kirisito‑ka Doni mai‑ya sawi, Deoso ati‑ya mai kanahano, “Kirisito abebona‑ya makobote kitameya, amosabote tohebonane.” Kirisito‑ka Doni ati ene mai kanahanameteni. “Ka! Hini yamata ihi Kirisito ababonati? Eme amoni ne‑ya ababonati?” Mai atibodi ati nineni. Yama‑ya mai watora, mai atibodi yama‑ya kadikineni.

Bedoro daidi 3:18

I‑di Yeso Kirisito ene amose hinama tohe, abe, dai manakone‑ya nanahabe, dai‑ya Deoso ati somawamebonaha. Hibati‑ya ai ene amosara, Kirisito amosabote abe, ai abarabonehe. Deoso‑ka Doni ene Yeso kitamemarine.

Bedoro daidi 3:22

Yeso kitame, neme‑ya toke, Badi i‑di Deoso‑ka kanika‑ya itariwahe, Yeso kitabote tohe, neme‑ya mai wi‑wina, Deoso‑ka yo‑yose, mai na, mai‑ka hidi tohanane.

Yoda‑ka yama hani 1:21

Deoso dai‑ya nofe, ati dai tokadabahi. Ati dai tokadabeya, dai‑ya kasomebonane. Makobote Deoso tabaro‑ya Yeso Kirisito ai‑ka Hidi dai‑ya towakamebona, dai abamateraboneni.

Yeso Kirisito ene‑bona 1:11

“Yama tiawa tamine tikanahanohi. Sidadi 7 kana‑ya Deoso‑ya mai hi‑hiyara‑ke yobe 7 kane wade, fara sidadi 7 kana oni Efesiyo toha, Esimina toha, Bekamo toha, Tiyatira toha, Sadisi toha, Firadefia toha, Raodiseya toha na, fare yobe nafi‑ka mai‑ka yama hani‑ba daatinahi.” Ati ne, torobeta ati‑nima ati nene.

Yeso Kirisito ene‑bona 1:17

Fare oawe, o·abakosani. Yehe kanika‑ya owa‑ya boyone, ati yanane, “Tiwa habo siitoriyahi. Yama yanakani‑ke ama·oni. Faina ama·oni.

Yeso Kirisito ene‑bona 1:8

“Yama yanakani‑ke ama·oni. Faina ama·oni. Hini hini ama·oni. Oyanaterani. O·abateraboneni. Kitabote ama·oni.” Deoso ati nane.

Yeso Kirisito ene‑bona 2:8

“Yama hani tikanahanohi. Deoso‑ya mai hi‑hiyara‑ke yobe Esimina‑ya wai, yobe hidi‑ya daatinahi. Yama yanakani‑ke ama·oni. Faina ama·oni. O·abamaro, okitamamaro, fara owati amani.