Ebereo 12:16 - Deoso-ka Yama Hani

¹⁶ Dai ene amosahi. Dai‑ka yibote ohare‑ya dai famabisahi. Fana one‑ya dai famamakiriyahi. I‑di Esa‑nima dai riyahi. Deoso‑ka ka‑kasoma‑ya i‑di Esa nokotonire, sohori tefe bidi‑ya kanikebona, Deoso‑ka ka‑kasoma‑ya daanematane.

Ebereo 12:16 ပူးပေါင်းရင်းမြစ်များ

Maroko 7:21

Mai atibodi ati towe ihi yama towe‑ya mai nokotonihe, fana mai dama mai‑ya mai nokotonihi, yama‑ya mai boti, mai one‑ya mai nanahaba, fana one‑ya mai idiwaha, mai teni,

Yeso‑ka yo‑yose mai tamine 15:20

Mai‑ka yama hani‑ba ai kanahanohi. ‘Mai‑ka deoso bare‑ka bani‑bona mai daahine‑ya dai kabarihi, mai fanawi one‑ya dai aharihi, bani emene abare eme dai kabarihi nahi.’ Ai‑ka yama hani ati naboneni.

Yeso‑ka yo‑yose mai tamine 15:29

Mai‑ka deoso bare‑ka bani‑ya dai kabarihi, ama dai kabarihi, bani emene abare eme dai kabarihi, mai fanawi one dai aharihi nahi. Oda ati‑nima dai niya, dai sibaraboneni. Feye amani.” Yama hani ati nineni.

Korito daidi 10:8

Mai fanawi one‑ya mai a‑aha mai ihi Deoso yawe, mahi ohari‑ya mai dama 23,000 mai toha, mai abawahameteni. Mai‑nima ai riyahi.

Korito yoto‑ke 12:21

Dai tabaro‑ya kobo·oniya, dai ene amosara, dai tamine‑ya Deoso‑ya dai kaminara, dai ene oyawa, ohi·ona, Deoso owa‑ya weeneba awane. Dai owa‑ka yobote‑ya dai owa aha, mai fanawi one‑ka yibote‑ya mai one dakora namone, dai ene owatibodi komene kitaboneni.

Efesiyo 5:3

Kirisito‑ka dai toha, dai ene amosahi. Dai tamine‑ya mai hiyariya, dai ene amosara tamine toharaboneni. Dai‑ka yibote ohare‑ta dai dakorabisa, yama dama dai kayawarihi, yama dama‑ya dai nokotonirihi, dai nahi. Kirisito‑ka dai toha, dai ene towe toha riyahi.

Efesiyo 5:5

Mai ihi amosara, mai fanawi one‑ya mai aha, mai makidi hini one‑ya mai aha, mai nana, yama dama‑ya mai kayawa, yama dama‑ya mai nokotonihi, mai nana, Deoso yokana‑ya mai kahiyari awira, deoso bare‑ya mai kahiyarabisa, Yeso Kirisito tabaro, Deoso tabaro ne‑ya mai winateraboneni.

Koroso 3:5

Dai atibodi bote dai‑ya keyehe, ati dai nanahabahi. Mai fanawi one‑ya dai aharihi, mai makidi one‑ya mai fanawi dakorarihi. Mai tamine‑ya dai atibodi kadikarihi. Mai one‑ka yama‑ya dai nokotonirihi. Mai‑ka yama‑ya dai nokotoniya, deoso bare‑ya dai kahiyara‑nima dai nineni.

Timoti daidi 1:9

Yeso ati‑ya ai no‑nofa ai ene amosa, Mose‑ka yama hani ihi ai‑ya mai bisiterani. Mai ihi amosara, Mose‑ka yama hani ati ihi mai‑ya mai bisinaboneni. Deoso ati‑ya mai nofara, mai ihi amosaterani. Deoso ati‑ya owati nofara mai ati na, Deoso tamine‑ya keyehe‑ya mai hirina, mai‑ka abi, mai‑ka ami, mai na, mai‑ya mai bi‑bisi, mai one‑ya mai wakateni.

Ebereo 13:4

Dai‑ka yibote‑ya dai fami ohare, mai one‑ya dai dakorariyahi. Mai one‑ya dai dakoriya, dai ene‑ya Deoso aweya, dai manakone wadaboneni. Dai manakone amosara, dai nofaraboneni.

Yeso Kirisito ene‑bona 21:8

Mai habi siitona ihi oka hawi‑ya mai sawira mai toha, owati‑ya mai tokadabara mai toha, mai ihi towe mai toha, mai one‑ya mai nanahaba mai toha, mai si‑siwa mai toha, madi mai‑ya mai ha‑haa mai toha, deoso bara mai‑ya mai ka‑kahiyara mai toha, keyehe‑ya mai hi‑hiri mai toha, mai na, wara hirini yati hirini sawi‑kaya mai sawibisaboneni. Mai abi oharimatasa‑nima mai na, mai kome fawaraboneni.” Hidi Webote ati nene.

Yeso Kirisito ene‑bona 22:15

Mai ihi towe mai toha, madi towe mai‑ya mai ha‑haa mai toha, mai si‑siwa mai toha, ai one‑ya mai na‑nanahaba mai toha, deoso bara mai‑ya mai ka‑kahiyara mai toha, keyehe‑ya mai no‑nofa mai toha, keyehe‑ya mai hi‑hiri mai toha, mai na, sidadi‑ya mai tokiyomateraboneni.