Ebereo 12:13 - Deoso-ka Yama Hani

¹³ Deoso hawine‑ya dai yakana, dai ene amosa, mai bakatona‑nima dai rabone, mai kitabisa mai‑nima dai yakanahi.

Ebereo 12:13 ပူးပေါင်းရင်းမြစ်များ

Roka 3:5

Faha hawi‑ya wami kayanawahaboneni. Adami tati abiya, wami kariwahaboneni. Hawi ke‑keona hawi daatowiteboneni. Hawi‑ka wami botoroma amosawamaboneni.

Karatiya 2:14

I‑di Bedoro, Banabe mai fama mai ihi amosara, Deoso Ati Amosabote ati‑nima mai namara, i‑di Bedoro wee·owahani, mai dama owati‑ya mai mita, “Bedoro, Yodeo amatini. Yeso tinofawahamaro, Yodeo mai‑nima tini awira. Bara Yeso ati‑ya mai nofawaha, hini yama‑bone Yodeo mai‑nima mai nabone mai mai hina? Yodeo mai‑nima mai ni awiraboneni.

Karatiya 6:1

Dai narabo hawihi. Dai owa ene amosare, Yeso ati‑ya dai no‑nofa, dai owa‑ya dai hiyarahi. “Tiwa ene amosara tiwa oda awa, tiwa oda nofa, tiwa ene amosawamahi.” Dai ati nahi. Dai owa‑ya dai hiyarabone, dai noko wadahi, dai owa ene‑nima dai ene ni awiraboneni.

Tiyako 5:16

Dai one‑ya dai ene amosara dai tamine dai kaminahi. Dai ibi tamine Deoso‑ya hiyarahi. Dai‑ya Deoso nakitamebona, dai hiyaraho. Mai ihi amosa, Deoso‑ya mai hiyariya, mai ati ihi kita, mai ati ihi dama teni.

Bedoro daidi 2:24

Ai ene amosara, ai ene Yeso Kirisito awa‑ya abemarine, ai manakone‑ya nanahabebonaha. Yeso abe ene ai atibodi bote ati ai tokadabamaraboneni, ai ene amosabisabonehe. Yeso abe ene ai kitamawahani.