Ebereo 12:1 - Deoso-ka Yama Hani

¹ Deoso ati‑ya mai no‑nofa‑mete mai ihi ai awa, mai‑nima ai nahi. Deoso ati ai tokadaba, yama one ai nokotonira. Ai‑ya mai one awaboneni. Ai kananabone, yama kanaha‑ya ai weyeterani. Yama kanaha ai korotowitiya, ai honita kanateni. Ai ene amosara yama kanaha‑ya ai weyena‑nima teni, Satanasi‑ka keyehe ai tokadabamaro, ati ai nofami awireya, Deoso hawine‑ya ai yakaniya, ai kiti fawaraboneni.

Ebereo 12:1 ပူးပေါင်းရင်းမြစ်များ

Mateo 10:22

Owa dai nofa dai‑ya mai nafi kakaboneni. Owa oni dai saatonakosi awiriya, dai sibaraboneni.

Mateo 24:13

Owa oni dai saatonakosi awiriya, dai sibaraboneni.

Maroko 10:50

Yoranimise, hika bora one mese‑ka‑ya sotatonemarine, Yeso‑ya tokomakibonaha.

Roka 12:15

Mai nafi‑ya hiyare, “Dai noko wadahi. Bofe‑ka yama dai nokotoniriyahi. Mai‑ka yama dama toha, mai‑ka yama dama mai‑ya kasomi nafira, mai one ohi, mai one aba nineni.” Yeso ati nematane.

Roka 16:28

Yama kome kita‑kaya osawineni. Oka soho mai 5 kana mai‑ya i‑di Rasaro hiyaraho, owa‑kaya mai kamakirabonehe.’ Ati nane.

Roka 21:34

“Dai noko wadahi. Dai siwariyahi. Kawi dai fawariyahi. Yinero dai nokotoniriyahi. Yama dama dai nokoniya, yama yanani kanibote na ihi yama we‑wee‑kaya dai saweboneni.

Yowaho 3:32

Yama himitamaro‑ya kamina, yama hiawamaro tamine‑ya kaminane, ati‑ya mai dama mai nofarani.

Yowaho 4:39

Sidadi‑ka mai‑ya fana hiyara, “Owa ene nafi‑ya maki kaminene.” Fana ati nameteni. Yeso ene tamine‑ya mai mita, “Kirisito tohe awane.” Mai atibodi ati namaroni.

Yowaho 4:44

“Deoso ati‑ya mai mi‑mita hini mai tabori‑ya mai ati mai hinofaterani.” Yeso ati nemarine.

Homa 12:12

Deoso‑ka yama dai kayafabone ati ne, yama‑ya dai nimana, dai ya‑yainahi. Dai‑ya mai bisina, dai yawarihi. Deoso‑ya dai hiyaranadihi.

Homa 2:7

Deoso ati‑ya mai no‑nofa, Deoso ati‑ya mai tokadaba, mai ihi amosa, Deoso tabaro‑ya mai nokotoni fawara, mai manakone amosa‑ya Deoso daanebonane. Deoso tabaro amosabote‑ya mai winiya, mai ya‑yainaboneni. Deoso ene mai abamateraboneni.

Korito yoto‑ke 7:1

Dai onofa, owati dai mitahi. Deoso ai‑ya kasome ene ai atibodi amosa, ai abano ene amosa nahi. Deoso ai nayawarabone, Deoso ai ya‑yainihebone, ai ene amosahi.

Karatiya 2:2

Yerosare‑ya kobo·ona, Yeso ati‑ya mai no‑nofa mai webote‑ta mai‑ya ohiyarineni. Bara mai‑ya Deoso Ati Amosabote okamina, tamine mai‑ya ohiyarineni. Owatibodi yama‑ya dika, “Owati‑ya mai mitiya, owati‑ya mai nofaba awineni. Owa‑ya mai weenaba awineni. Owa‑ya mai one ati barinaba awineni.” Owatibodi ati namaroni. Webote mai‑ya ohiyara, “Bara mai‑ya Deoso Ati Amosabote okaminateni.” Onamaroni. “Sibarini, tiwa ene amosini. Bara mai‑ya Yeso tamine tikaminiyahi.” Mai ati namaroni.

Karatiya 5:7

Hibati‑ya Yeso ati dai nofamaro, ebeni‑ke ati ene ati dai tokadabamarati?

Efesiyo 4:25

Dai one‑ya dai hiyara, dai ati amosahi. Dai‑nima dai one na, mai‑ya keyehe‑ya dai hirikariyahi.

Firibo 1:30

Owa‑nima dai nawahani. Kirisito ati ai hiyara, ai‑ya mai kakoteni. Owa‑ya mai kakomaro, owa‑ya mai kakonasa nineni. Owa‑ya mai kaka, mai dai awamaro, owa‑ya mai kakonasa na, mai tamine dai mitineni.

Firibo 2:16

Deoso ati dai nofa, mai ihi amosara mai dai hiyarahi. “Yeso dai‑ya nofe, dai manakone‑ya nanahabemata, ati dai nofeya, dai abaraboneni.” Dai ati nahi. Haa‑nima dai ene niya, Kirisito kamataseya, dai ene ya‑yai·ona, oka yama anini honita tohara owatowahaboneni.

Timoti yoto‑ke 2:4

Sodado mai toha kofeno‑ka yama‑ya mai anina, mai‑ka yama anini ohariteni. Fara mai‑nima Yeso‑ka yama‑ya ai aninabone, yama one ai nokotoniriyahi, ai‑ka Hidi i‑di Yeso Kirisito ya‑yainebonaha.

Timoti yoto‑ke 4:7

Owa ene sibarani. Sodado‑ka yama anini kiti‑nima oka yama anini kitani. Owa kanani hawa tohi yanatoni. Deoso ati‑nima onani.

Ebereo 6:15

Abaraho amoni dameya, Deoso ati‑mata‑nima bidi wadawahematane. Hibati‑ya Abaraho Deoso ati‑ya mite, “Oka dao‑bona‑ya Deoso daanebona ati ne, daahinebonane.” Abaraho atibodi ati ne. Deoso ati‑nima yama nabone‑ya Abaraho nimane, ati‑nima nawahematane.

Tiyako 1:3

Deoso tabaro hawine‑ya ai yakana, yama nafi ai watora, yama ai‑ya kobona, ai‑ya kasomabone ai watowaha, ai habo siitora, Deoso ati ai nofi ba‑basi naboneni.

Bedoro daidi 2:1

Deoso ati‑nima dai na, dai ene‑maro‑nima dai ene namariyahi. Keyehe‑ya dai ibi hirikariyahi. Hini dai atibodi ati yokana‑nima dai ati nahi. Mai‑ka yama‑ya dai atibodi kayafarihi, dai ibi tairihi nahi.

Bedoro daidi 4:2

Ai‑ya mai bisina, ai ene amosaramaro ai nofamarabone, Deoso yama‑ya nofe‑nima ai nofabisaboneni.

Bedoro daidi 5:1

Deoso‑ka mai‑ka webote dai toha, owati dai mitahi. Deoso‑ka mai‑ka webote ohaharineni. Hibati‑ya Kirisito‑ya mai bisina, mai hinahabe, neme‑ya tokome, oawamaroni. Makobote Kirisito amosabote kamataseya, Yeso‑nima ohawahaboneni.

Bedoro daidi 5:12

Oka soho, i‑di Sira owati‑ya kanahanone, dai kadikabonehe. I‑di Sira Deoso ati‑ya nofe, Deoso ati‑ya tokadabatene. Owati dami awirini. Owati fa‑famaraba nineni, dai okasomabonehe. Deoso ati‑ta dai‑ya okamine, Deoso ati‑nima yama teni. Ati dai tokadabayaho.

Bedoro yoto‑ke 1:6

Deoso ati‑ya dai wato ba‑basi na, dai atibodi yama hinofa dai nokotonihi, yama amosara dai nofarabonehe. Yama dai nofa‑ya Deoso dai‑ya daa kanibote ni awire, dai yawarihi, Deoso yama hinofa‑nima dai ene nahi.

Yeso Kirisito ene‑bona 1:9

Yowaho ama·oni. Dai‑ka owa ama·oni. Deoso‑ya mai nofara ai‑ya mai weena, Yeso‑ya ai na‑narifa Deoso‑ka hawi bai‑ya ai maakiterani. Deoso ati onofa, i‑di Yeso tamine okamina ihi owa‑ya mai wata, faha webote bai‑ya wami itakosa, oni Batomosi toha‑ya owa‑ya mai nawineni.

Yeso Kirisito ene‑bona 13:10

Deoso hawine bai‑ya dai maanamariyahi. Hawi‑ya dai yakani oharibisahi. Ai one‑ya mai wata, fara mai‑ya mai watahareboneni. Yima‑ya ai one‑ya mai nanahaba, fara yima‑ya mai‑ya mai nanahabahareboneni.

Yeso Kirisito ene‑bona 22:16

Yeso ama·oni. Deoso‑ka yo‑yose oyose, tiwa‑ya yofikane, yama tamine‑ya Deoso‑ya mai hi‑hiyara‑ke yobe‑ka mai himitabonehe. Dai‑ka hidi i‑di Dafi tohemari, fare‑ka nodi ama·oni. Yama wahabisari‑ke amowa webote‑nima ona ama·oni.” Yeso ati nene.

Yeso Kirisito ene‑bona 3:10

Yama towe yananabone, bofe‑ya mai wi‑wina mai nafi saweboneni. ‘Deoso‑ka hawi bai‑ya dai maakariyahi.’ Onamaroni. Owati dai dami tokadaba ene dai hasinasa niya, yama towe yanani awiraboneni.