Ebereo 11:8 - Deoso-ka Yama Hani

⁸ Abaraho‑ya Deoso hiyare, ati‑ya i‑di Abaraho nofe, “Abaraho, tabora bara‑ya tikahi. Tabora tiwa‑ya daa·onabone, yofi·okanaboneni.” Deoso ati nematane. Deoso ati‑ya Abaraho atibodi nofe, toke, “Deoso ati okadababoneni. Tabora iti oawara‑ya Deoso owa‑ya yofikanebona, owa‑ya daahinaboneni.” Abaraho atibodi ati nematane.

Ebereo 11:8 ပူးပေါင်းရင်းမြစ်များ

Mateo 2:21

Ati ene Yeso madi‑ya fame‑ya i‑di Yose towakamematane, Isara·eo‑kaya.

Homa 1:5

Kirisito ene Deoso owa‑ya kadikemarine, Yeso‑ka yo‑yose ohawahabonehe. Deoso owa‑ya kasomemarine, Bara mai‑ya Deoso Ati Amosabote okaminabonehe. Yeso ati‑ya mai nofiya, ati mai hikadabeya, Yeso Kirisito‑ya mai kahiyaraboneni.

Homa 10:16

Deoso Ati Amosabote‑ya mai kamina, mai ati‑ya mai dami nofara. “Deoso, tiwati oda kamina, oda ati‑ya mai nofarani.” Isa·iya ati ne, Deoso‑ka yama hani‑ya.

Homa 6:17

Deoso ene ya‑yai·oneni. Hibati‑ya dai atibodi bote dai‑ka hidi toha, ati dai tokadabamaroni. Hibayata Deoso ati‑ya dai mita, ati dai nofe, ati dai tokadabawahatene.

Korito yoto‑ke 10:5

Keyehe‑ya mai nofamaro Deoso ati oda kamine, ati‑ya mai mita, keyehe‑ya mai nofami awira. Satanasi mai atibodi‑ya barikanemari, Deoso ati‑ya mai mita, mai atibodi seekawahani. Kirisito atibodi ati‑nima oda atibodi ati nabone oda nofateni.

Ebereo 11:33

Deoso ati‑ya mai no‑nofa Deoso mai‑ya kasome ene bara mai‑ka tabora‑ya mai kayafawaha, mai ihi amosa, mai‑ya mai kasoma, mai ihi amosara, mai‑ya mai bisi na, Deoso mai‑ya kasomebona ati ne, mai‑ya kasome, Deoso ati ene iriyaho mai hamarameteni.

Ebereo 5:9

Deoso ati hinama‑ya tokadabi hawa tohe, ati ai tokadabeya, Deoso‑ka ai tohawaha, Deoso tabaro‑ya ai winamakeboneni.

Bedoro daidi 1:22

Deoso ati dai tokadabe, dai atibodi amosa, dai ene amosawamateni. Deoso‑ka dai toha, Deoso‑ka mai dai nofaboneni. Dai ibi nofi nafiyahi.

Bedoro daidi 3:1

Mai fanawi, owati dai mitahi. Dai faniya, dai‑ka yibote mai ati dai tokadabahi. Deoso ati‑ya dai‑ka yibote nofare, Deoso ati dai tokadaba, Deoso ati‑ya mai nofaba awineni. Dai ati ene toharaboneni. Dai ene amosa‑ya mai awa, Deoso ati‑ya mai nofawahaba awineni.

Bedoro daidi 4:17

Hibayata Deoso ati ai no‑nofa ai ene‑ya Deoso kadikeya, ai manakone‑ya daanebonane. Deoso ati‑ya mai nofara, mai ihi Deoso kadikeya, hini yamata‑ya mai kayafiboneti?