Ebereo 11:7 - Deoso-ka Yama Hani

⁷ Hibati‑ya faha kaki awiriya, Nowe‑ya Deoso hiyare, “Nowe, faha kakeboneni. Kanawa wamatinahi.” Deoso ati ne, Deoso ati‑ya Nowe nofe, “Deoso ati okadababoneni. Kanawa wama·onaboneni, oka mai hasinabonehe.” Nowe atibodi ati ne. Nowe ene hika mai one hasi, mai one nafi aba na, “Nowe owati‑ya nofe, ene amose, atibodi onamosebonane.” Deoso ati nematane.

Ebereo 11:7 ပူးပေါင်းရင်းမြစ်များ

Mateo 2:12

Deoso‑ka yo‑yose ati wadarine‑ya mai awa, “I‑di Erodi‑ya dai tokomariyahi.” Deoso‑ka yo‑yose ati wadarine ati nematane. Wada ihi hawi one‑kaya mai tokoma, hini mai tabori‑kaya mai tokoma, i‑di Erodi‑ya mai hiyari awirameteni.

Mateo 24:15

Deoso‑ka yobe‑ya deoso bare‑ka yama waabone, fara ihi Deoso‑ka yobe towe tohawahebona tamine‑ya Daniyeo kanahanomatamonane. (Yama towe waa, dai awiya, dai atibodi yama‑ya kadikahi, dai watowahabonehe.)

Mateo 24:25

Yama tamine okamina, fara koboniya, yama‑ya dai watowahaboneni.

Mateo 24:38

Faha kimisi awisari‑ya Nowe ati‑ya mai tokadabara, hiniya mai tafa, kawi‑ya mai fawa, mai fana mai na, mai ihi towe tohanasa niya, kanawa dori‑ya Nowe tokiyomematamonane.

Mateo 3:7

Fariseo mai toha, sadoseo mai toha, mai na, mai‑ya i‑di Yowaho awe, “Maka ihi‑nima dai ene na, ebeni‑ke ati ene Deoso‑ya dai nayofiniti?

Roka 17:26

Dai‑ka Ayo neme‑ke kiti yananeya, Nowe sawimata‑ka yama‑nima yama namataboneni.

Homa 1:17

Deoso hawine‑ya Yeso Ati Amosabote ai‑ya yofikitine. Yeso ati‑ya ai nofa, ati ai nofi na‑nafi nawahebonane. Ai ene amosaramaro Deoso fawanihi. Ai ene amosara wadara‑nima ai ene nawahani. Yeso ati ai nofa, Deoso ai‑ya ati somawame, Deoso tabaro‑ya ai winaboneni. Hibati‑ya Deoso ati‑ya ai owa kanahanomata, “Kirisito ati‑ya mai nofa, mai ihi amosara mai ihi nafi‑ya Deoso fawanihi. Tabaro‑ya mai winawahateboneni.” Deoso‑ka yama hani ati nineni.

Homa 10:6

Yeso ati ai nofa, Deoso ai‑ya ati somawamane. “Kirisito ati ai watabone, neme‑ya ai dodimakiho.” Ai atibodi‑ya ai ati riyahi.

Homa 3:22

Yeso Kirisito Deoso tabaro hawine‑ya wamanemata, ati ai nofe, Deoso ai‑ya ati somawamatene. Yodeo oda toha, Bara dai toha, dai na, Deoso ai‑ya awe, fara hinama ai toha, Yeso ati‑ya ai nofiya, Deoso ai‑ya ati somawamebonane. Ai ene amosara‑ya Deoso fawanihi, ai ene amosara wadamara‑nima ai ene nawahani.

Homa 4:11

I‑di Abaraho‑ya Deoso ati somawami hawa tohe, Abaraho sowiri tati ataro‑ya wisinakose, “Abaraho, tiwa sowiri tati ataro wisitinakosa, tiwa tamine‑ya mai mitiya, oka tihawaha, tiwa‑ya mai watowahaboneni.” Deoso ati nematane. Abaraho tamine‑ya Bara mai mita, “Abaraho‑nima Deoso ati ai nofahi. Abaraho sowiri tati ataro wisinakosi awisareya, Deoso ati‑ya nofe, Deoso ati somawamematane. Deoso ati ai nofiya, ai‑ya ati somawamaharibonane.” Mai ati naboneni. Abaraho‑nima mai na, Deoso ati‑ya mai nofawahiya, mai‑ya ati somawamaharibonane. Mai sowiri tati atori abara, mai sibarini. Abaraho‑ka nodi mai tohawahaboneni.

Homa 4:13

Hibati‑ya Abaraho‑ya Deoso hiyare, “Abaraho, yama nafi tikayahaboneni. Makobote tika nodi tiwa tabaro‑ya mai kayafaboneni.” Deoso ati ne, “Ati‑nima yama naboneni.” Abaraho ati ne, Deoso ati‑ya nofe, Deoso ati somawame ene Deoso ati‑nima yama na‑ya Abaraho kayafebonane. Abaraho hini ene tohi awirihi, Mose ati ene tohi awirihi ne, Deoso ati‑ya Abaraho nofe ene Deoso ati‑nima yama na‑ya kayafebonane.

Homa 9:30

Hibati‑ya Deoso ati‑ya Bara mai watora, Deoso‑ya mai sibaramete, Yeso ati‑ya mai mitawaha, Yeso ati‑ya mai one nofawaha, Deoso mai‑ya ati somawame, Deoso‑ka mai tohawahani.

Karatiya 5:5

Ai‑ta Yeso ati ai nofa, Deoso‑ka Doni ai‑ya sawi, Yeso Kirisito kamebona ai nimana, Yeso kamataseya, Deoso ene ai ene amosa hinama tohaboneni.

Firibo 3:9

Yeso Kirisito ati onofe ene Kirisito owa‑ya sawi, Deoso owa‑ya aweya, Kirisito ene amose‑ya awebonane. Mose ati kote ai tokadababone ai ati na, Deoso ai‑ya aweya, ai ene amosara‑ya awatene. Yeso Kirisito ati ai nofa, ai ene‑ya Deoso aware, Yeso ene amose hinama‑ya awabisatene.

Ebereo 11:1

Deoso ati ai nofa, haa‑nima ai atibodi ati na, “Deoso ati‑nima yama nabone, hibayata yama oawara, sibarini. Ati‑nima yama naboneni.” Ai atibodi ati teni.

Ebereo 12:25

Deoso neme‑ya ati yananeya, dai narabo hawihi. Hibati‑ya adami tati‑ya ati yanane, ati mai hinofare, mai abameteni. Neme‑ya ati yananeya, ai narabo hawira, ai abahareboneni.

Ebereo 5:7

Yeso bofe‑ya wine, Deoso‑ya hiyare, hini mahi‑nima badi‑ya hiyare, hini ati koboni‑ka yama‑ya haane, ohinawahe, Yeso Badi ati‑ya tokadabi nafi, Badi ati‑ya nofi nafine. Badi‑ya weere, Deoso ati‑ya Yeso tokadabe, Yeso ati‑ya Deoso tokadabahari, Yeso‑ya nakitamemarine.

Ebereo 8:5

Deoso‑ka yobe neme‑ke korimari‑nima hika yobe bofe‑ke tohane. Neme‑ya Yeso ai manakone‑ya nanahabe korimari‑nima i‑di Refi‑ka nodi bofe‑ya ai manakone‑ya mai daanameteni. Deoso‑ka yobe bofe‑ke i‑di Mose wamanebonaya, Deoso hiyare, “Mose, adami tati‑ya yobe‑bona tiwa‑ya yofi·okane‑nima ne wamatinahi.” Deoso ati nematane.

Bedoro daidi 3:20

Hibati‑ya madi mai ihi amosara mai‑ya Deoso barikanematane. I‑di Nowe kanawa‑ya wamaneya, Deoso nimane. I‑di Nowe‑ka kanawa hawa tohiya, mai‑ya Deoso barikane. Makobote Yeso abe, mai‑ya hiyare, i‑di Nowe‑ka kanawa‑ka ai 8 kana mai hasina, mai one nafi abameteni, faha ihi. Mai 8 kana kanawa dori‑ya faha mese‑ya mai kawina, mai abarameteni.

Bedoro yoto‑ke 1:1

Simaho Bedoro Yeso Kirisito‑ka yo‑yose ama·oni. Owa‑ya yosemarine, ati okaminebonaha. Deoso, Bidi‑ya fame amosabote mai toha, Deoso ati dai nofa, Yeso Kirisito ati‑ya dai nofahari, dai na, oda‑nima dai na, dai‑ka yama hani‑bone okanahanowahaboneni.

Bedoro yoto‑ke 2:5

Hibati‑ya bofe‑ya i‑di Nowe wineya, mai ihi amosara, mai‑ya Deoso kasomare, faha fowe nafe ihi mai nafi abameteni. I‑di Nowe‑ya kasomabise, i‑di Nowe hika mai 7 kana mai eyehe Deoso hikasomematane, mai abarabonehe. Faha kimisi awisari‑ya i‑di Nowe mai‑ya hiyare, “Deoso ati dai nofiya, dai ene amosawamahi.” Ati nematane.

Bedoro yoto‑ke 3:6

Makobote faha nafe ihi bofe‑ya mai wi‑wina mai nafi abameteni.