Ebereo 11:6 - Deoso-ka Yama Hani

⁶ Deoso ati‑ya mai nofara Deoso‑ya mai ya‑yaini terani. Deoso‑ya ai hiyarabone ai atibodi ai‑ya hiyara, “Deoso tohe ati onofe, owa‑ya kasomebonane.” Ai atibodi ati teni.

Ebereo 11:6 ပူးပေါင်းရင်းမြစ်များ

Mateo 11:26

Tiwati‑maro‑nima yama nineni.” Yeso ati nemarine.

Mateo 5:12

Deoso ati‑ya mai mi‑mita‑mete mai‑nima dai na, fara hibati‑ya mai‑ya mai bisinaharemeteni. Dai ya‑yainahi. Deoso dai‑ya kasomebona, neme‑ya dai ene manakone nafe dai kayafaboneni.” Yeso ati nemarine.

Mateo 6:16

“Owati amosa dai mitahi. Deoso‑ya mai kahiyarabone mai ati na, mai tafi maakana, mai noki ohina‑nima mai teni. ‘Owa noko ohina‑nima oniya, owa‑ya mai awiya, —Deoso‑ya nofi nafi ene tafi maakanane.— Mai ati niya, owa‑ya mai nofaboneni.’ Mai atibodi ati na, Mai manakone hawa tohani. Mai‑nima dai riyahi.

Mateo 6:33

Neme‑ke ai nafi‑ka hidi kitabote tohawahebona dai nokotoniya, Deoso ati dai tokadabiya, dai‑ka yama‑bone‑ya Deoso daanebonane.

Mateo 6:5

“‘Owa‑ya mai awiya, owa‑ya mai kahiyaraboneni.’ Dai one atibodi ati teni. Owati amosa dai mitahi. Haa‑nima mai atibodi ati na, hibati‑ya mai manakone hawa tohani. Mai one ihi‑nima dai ene riyahi. Deoso‑ya dai ati hiyariya, dai one noko beheri‑ya dai hiyarahi.

Maroko 16:17

Deoso ati amosabote ati‑ya mai nofa owati ihi mai ihi kitaboneni. Mai ihi‑ya mai one awiya, ‘Deoso‑ka mai amani.’ Mai ati naboneni. Fara mai ati ihi madi towe mai kana, mai one ati‑ya mai hiyara naboneni.

Roka 12:31

Deoso ai nafi‑ka hidi kitabote tohawahebona dai nokotoniya, dai‑ka yama‑bone‑ya Deoso daanebonane.

Roka 6:35

Dai‑ta dai‑ya mai kako‑ya mai dai nofahi. Mai‑ka yama‑bone dai daana, manakone dai haatonamakiriyahi. Makobote Deoso dai‑ka yama manakone‑ya daanibisebonane. Haa‑nima dai niya, Deoso kitabote ene‑nima dai ene naboneni. Deoso ati‑ya mai nofara mai toha, hini mai‑ya mai nokotonihe mai toha, mai na, mai‑ya Deoso kasomatene.

Yowaho 14:6

“Deoso tabaro hawine ama·oni. Deoso ati yokana ka‑kamina ama·oni. Ai abarabone‑ka yama da‑daa ama·oni. Owati‑ya mai tokadabara, Okobi‑ya mai koboteraboneni.

Yowaho 8:24

Dai ene amosara manakone hasini‑ya dai ababone, ona, owa‑ya dai nofariya, dai ene amosara manakone hasini‑ya dai ababisaboneni.” Yeso ati nemarine.

Homa 10:14

Yeso Kirisito ati‑ya mai nofara, Yeso‑ya mai haaterani. Yeso Kirisito tamine‑ya mai mitara, ati mai hinofaterebonane. Yeso Kirisito ati mai hikaminare, ati‑ya mai mitateraboneni.

Karatiya 5:6

Yeso Kirisito‑ka ai toha ai sowiri tati ataro‑ya mai wisinakosa, ai‑ya kasomarihi, mai wisinakosara, ai‑ya kasomarihi, Yeso ati ai nofa, mai one ai kasoma na ai‑ya kasomabisateni.

Ebereo 11:26

Kirisito ati okadaba, owa manakone ba‑basi, Fara·o ati okadabiya, owa manakone bi‑bidi nibisaboneni. Kirisito ati okadababoneni.” Mose atibodi ati nematane.

Ebereo 3:12

Dai noko wadahi. Dai atibodi amosa, Satanasi dai‑ya keyeheya, ati dai nofarayaho. Deoso ati dai tokadababisabonehe.

Ebereo 4:2

Deoso tabaro‑ya ai maa tohi fawanabone tamine‑ya mai mita, tamine oda mitahari nemarine. Deoso ati Amosabote‑ya mai mita, ati mai hinofare, mai‑ya kasomare, tabaro‑ya mai koborameteni.

Ebereo 4:6

Mai one Deoso tabaro‑ya winaboneni. Mai one Deoso Ati Amosabote‑ya mai mita, Deoso ati‑ya mai nofara, Deoso tabaro‑ya mai winateraboneni.

Ebereo 7:19

Mose ati kote‑ta ai tokadaba Deoso tabaro‑ya ai winaraboneni. Yeso ati ai nofa, Deoso bidi ai tohawaha, Deoso tabaro‑ya ai winabisaboneni.

Ebereo 7:25

Yeso ati ai nofa, Deoso‑ka ai tohawaha, Yeso ai‑ya kasomatene. Ai aba, Deoso tabaro‑ya ai‑ya towakamebonane. Yeso abamatere, ai tamine‑ya kaminatene Deoso‑ya. “Abi, owati‑ya mai no‑nofa mai tikasomahi. Mai ihi amosariya, mai manakone onahabamaroni. Mai‑ya tiwati yawariyahi.” Yeso ati tene.

Bedoro yoto‑ke 1:10

Oka soho dai toha, Deoso dai‑ya kadike, dai‑ya haane. Tabaro‑ya dai winawahaboneni. Owati‑nima dai ene niya, Deoso tabaro hawine dai fawaniteraboneni.

Bedoro yoto‑ke 1:5

Deoso atibodi ati‑nima dai atibodi ati tohabone, Deoso ati‑ya dai nofi baha, dai ene amosawama, Deoso ati wato dai ba‑basi dai nahi.

Bedoro yoto‑ke 3:14

Soho, dai ene‑ya Yeso kadikebona, yama dai nimana, dai noko wadahi, dai atibodi yati kabatata rabonehe. Dai atibodi dai‑ya weera, dai ibi ati somiyahi.

Yeso Kirisito ene‑bona 21:8

Mai habi siitona ihi oka hawi‑ya mai sawira mai toha, owati‑ya mai tokadabara mai toha, mai ihi towe mai toha, mai one‑ya mai nanahaba mai toha, mai si‑siwa mai toha, madi mai‑ya mai ha‑haa mai toha, deoso bara mai‑ya mai ka‑kahiyara mai toha, keyehe‑ya mai hi‑hiri mai toha, mai na, wara hirini yati hirini sawi‑kaya mai sawibisaboneni. Mai abi oharimatasa‑nima mai na, mai kome fawaraboneni.” Hidi Webote ati nene.