Ebereo 11:3 - Deoso-ka Yama Hani

³ Hibati‑ya yama nafi‑ya Deoso wamanemata oda awara, Deoso ati oda mite, ati oda nofe, oda atibodi yama‑ya watowaha, “Deoso yama nafi‑ya wamane, yama ai awi awiriya, yama nafi‑ya wamanematane.” Ai atibodi ati teni.

Ebereo 11:3 ပူးပေါင်းရင်းမြစ်များ

Yowaho 1:3

Deoso‑ya Yo‑yofikana yama nafi‑ya wamane, yama‑ya mai one wamarametemoneni.

Yeso‑ka yo‑yose mai tamine 14:15

“Haa‑nima dai riyahi, deoso oda tohi awirini. Dai one oda amani. Deoso yokana Ati Amosabote oda kaminabone oda kakamani. Dai‑ka deoso bara hini mai tohiya, dai‑ya mai kasomara, mai‑ya dai kahiyarariyahi. Deoso yokana‑ta dai nofabisahi. Deoso yokana neme‑ya wama, bofe‑ya wama, faha webote‑ya wama, faha abe na, yama nafi‑ya Deoso yokana wama nibisane.

Yeso‑ka yo‑yose mai tamine 17:24

Hibati‑ya yama nafi‑ya Deoso wama, wami‑ya wama, neme‑ya wama nematane. Yama nafi‑ka hidi tohe, yobe‑ya ai wamana‑ya winaterene.

Homa 4:17

Abaraho‑ka nodi mai tamine‑bone‑ya Deoso wato, mai tamine‑ya Abaraho‑ya hiyarematane. “Abaraho, owa ene tika nodi mai damawahatebone, mai tabori damateboneni.” Deoso ati nematane. Abaraho bidi awisareya, Deoso ati‑ya nofe, atibodi yama‑ya kadike, “Deoso kitabote tohe, ai aba, ai‑ya nakitamatene.” Abaraho atibodi ati nematane.

Korito daidi 2:7

Hibati‑ya Deoso ati‑ya mai mitaramete, ati ohiyarawahene. Ai‑ka idi‑bona‑ya Deoso wamani awisareya, hini‑ya hiyare, “Oka dao oyoseboneni. Oka dao oyose, ati‑ya mai nofiya, owa tabaro‑ya mai winawahaboneni.” Deoso ati nematane.

Timoti daidi 4:5

Deoso ati ene yama amosateni. Deoso‑ya ai hiyara, yama ai kaba, ai sibarihi ai teni.

Ebereo 1:2

Hibayata ai‑ya Deoso ati‑ya Bidi i‑di Yeso kaminawahene. Deoso ati ene yama nafi‑ya Bidi wamane, neme‑ya wama, bofe‑ya wama nematane. Makobote Deoso ati ene yama nafi‑ya Bidi kayafawahebonane.

Ebereo 6:5

Deoso ati amosabote‑ya mai wa‑wato‑maro, Deoso ene kitabote‑ya mai awamaroni.

Bedoro yoto‑ke 3:5

Mai atibodi yama wato‑ya nofara, hibati‑ya Deoso yama‑ya wamane, neme, bofe na‑ya wamane, ati ene faha bai‑ya wami kimisameteni.

Yeso Kirisito ene‑bona 4:11

“Oda‑ka hidi amatini. Oda‑ka Deoso amatini. Amosabote amatini. Kitabote amatini. Fara ihi tiwa oda kahiyarateni. Yama nafi wamatinamaroni, ya‑yaitinabonehe.” Hidi bi‑bidi mai na mai ati nani.