Ebereo 11:25 - Deoso-ka Yama Hani

²⁵ Fara·o‑ka nodi ama·oni oniya, owa‑ya mai kasomi ba‑basi niya, owa ya‑yaini bide toha, makobote Deoso ene owa ya‑yaini fawanaboneni. Deoso‑ka ama·oni oniya, hibayata owa‑ya mai kakoya, makobote Deoso ene owa ya‑yaini fawaraboneni.

Ebereo 11:25 ပူးပေါင်းရင်းမြစ်များ

Mateo 13:21

Deoso ati‑ya mai nofara mai mai weehiniya, mai atibodi kitara, mai maakana kanibote na, Deoso ati‑ya mai tokadabamarani.

Roka 16:25

‘Ewe, i‑di Rasaro tokaterebonane. Tiwati kadamowamariyahi. Hibati‑ya ti·abi awisa tiriya, tika yama amosa damamaroni. Hibayata tiwa komene kitawahineni. I‑di Rasaro abi awisareya, hika yama wadara, hiniya komene‑ya awemari, hibayata owa‑ya sawi, hika yama amosawahineni.

Yeso‑ka yo‑yose mai tamine 7:34

‘Eyito‑ya oka mai wina, mai mai kosihina mai oawa, mai baki moni omita, mai see·okanabone, bofe‑ya okisama, Eyito‑ya tiwa oyoseboneni.’ Deoso ati nematane.

Homa 5:3

Hibayata Yeso ati‑ya ai no‑nofa, Yeso ati‑ya mai nofara ai‑ya mai kaka, ai‑ya mai bisi na, fara mai ihi ai yawara ai ya‑yainibisa, ai komene ene ai habo kiti ba‑basi nabone ai watoneni.

Korito yoto‑ke 5:17

Yeso Kirisito‑ka ai toha, ai yati tohawaha, hibati‑ka ai ene amosaramaro, ai ene amosa yanarabateni.

Koroso 1:24

Deoso Ati Amosabote okamina, owa‑ya mai bisina, owa abano komamaroni. Owa‑ya mai bisina, oyawara, ya‑yai·obisamaroni. Kirisito‑ya mai bisinamaro‑nima ai‑ya mai bisinawaha, Kirisito‑ka ai amani. Kirisito abano‑nima ai nawahaboneni. Kirisito‑ka mai okasoma, Kirisito ati‑ya mai nofara owa‑ya mai bisinamaroni.

Timoti yoto‑ke 1:8

Ai‑ka Ayo i‑di Yeso ati tihiyara, mai noki ihi tiwa habo siitoriyahi. Kadeya‑ya owaa, owa ene tiwa habo siitorihi na, Deoso Ati Amosabote tikaminiya, kadeya‑ya tiwa‑ya mai nawaaba awineni. Tiwa‑ya mai nawaa, sibaraboneni. Deoso tiwa‑ya kasomebonane.

Ebereo 10:32

Hibati‑ya Yeso ati dai nofi yanakani‑ya dai‑ya mai wee, dai‑ya mai ati kosi na, dai habo siitoramaroni.

Ebereo 11:37

Mai one Deoso ati‑ya mai nofa, yati‑ya mai baana, mai aba, mai one‑ya sehoti‑ya mai mai wisina, mai aba, mai one yima‑ya mai tiihina, mai aba nameteni. Mai one yakana bora amosa‑ya kihara, bani ataro‑ya mai sakonibisa, yama‑ya mai one kihara, mai‑ya mai bisina, mai abamakebone, mai‑ya mai siba nameteni.

Ebereo 4:9

Deoso‑ka ai toha, Deoso tabaro‑ya ai winawahiya, ai maa tohi fawanaboneni.

Tiyako 1:20

Ai yawa, ai ene amosarani. Ai ene amosabone Deoso ati nemata, ai yawa, Deoso ati‑nima ai ni awirani.

Tiyako 5:5

Dai‑ka yama‑ya mai anina, mai ihi yama dai anira, hiniya dai tafa, dai yehe‑ya dai sobina, bani watake‑nima dai nineni. Bani watake‑ya mai nanahabateni.

Bedoro daidi 2:10

Hibati‑ya Deoso‑ka dai toharamaro, hibayata Deoso‑ka dai tohawahi neni. Hibati‑ya Deoso dai‑ya kasomare ati ne, hibayata dai‑ya kasomawahatene.

Yeso Kirisito ene‑bona 18:7

Babironi‑ya hini mai‑ya mai kahiyara, ‘Hidi ai amani. Fana ohariwama‑nima ai ni awiraboneni. Ai ohiteraboneni.’ Mai atibodi ati nani. Hini mai‑ya mai kahiyara, hini mai ihi mai dai weeni kitahi. Mai‑ka yama dama toha, mai‑ka yama nafi abahi, mai ohinabonehe.