Ebereo 11:13 - Deoso-ka Yama Hani

¹³ Mai tamine okanahana, mai abiya, Deoso ati‑nima yama nabone, nafi‑ya mai awi awisara, mai aba, Deoso ati‑ya mai atibodi nofasa na, “Deoso ati‑nima yama naboneni. A‑ahi‑ya oda tabaro yokana awirani. Neme‑ya oda tabaro yokana‑bone tohabisani.” Mai atibodi ati nameteni.

Ebereo 11:13 ပူးပေါင်းရင်းမြစ်များ

Mateo 13:17

Owati amosa dai mitahi. Hibati‑ya Deoso ati‑ya mai mi‑mita‑mete mai toha, Deoso ati‑ya mai no‑nofa‑mete mai toha, mai na, owa‑ya mai awabone mai ati namete, owa‑ya mai awi awirameteni. Owati‑ya mai mitabone mai ati namete, owati‑ya mai miti awirameteni.

Yowaho 12:41

Hibati‑ya Yeso amosabote‑ya Isa·iya awe, Yeso tamine‑ya kanahanomatamonane.

Yowaho 8:56

Bofe‑ya owinabone, owa tamine‑ya dai‑ka idi i‑di Abaraho mite, ya‑yainemarine. Makobote owa‑ya awe, ya‑yainamatasemarine.” Yeso ati nemarine.

Homa 4:21

“Deoso kitabote ati‑nima yama naboneni.” Abaraho atibodi ati ne, habo kitematane.

Homa 8:24

Yeso ati ai nofawaha Yeso ati‑nima yama nabone ai nimateni. Yama ai kayafamaro‑mani, yama ai nimanamara neni.

Korito yoto‑ke 4:18

Yama ai awa ai nokotonira, aba kanibote naboneni. Yama ai awara ai nokotonihe abateraboneni.

Korito yoto‑ke 5:6

Bofe‑ya ai wina ai abano atabo‑ya wamani tohasa niya, makobote ai winabone neme‑ya, ai‑ka Hidi eyehe ai winabone ai wato, ai atibodi ya‑yaiteni.

Efesiyo 2:19

Yeso ene Bara dai tohamara, Deoso‑ka dai tohawaha, Deoso‑ka oda tohi‑nima dai tohahare, Deoso bidi ai tohani.

Ebereo 11:14

Mai atibodi ati‑mete‑nima mai one atibodi ati toha, mai tabori yokanabone‑ya mai sibanasa nineni.

Ebereo 11:17

I‑di Isaki yetene toheya, Abaraho‑ya Deoso haane, “Abaraho, tika dao yokana ohari owa‑ya daatiyaho.” Deoso ati ne, Deoso ati‑ya Abaraho atibodi nofi nafi, fare Deoso‑ya Isaki‑ya daani yanatonane.

Ebereo 11:27

Deoso ati‑ya i‑di Mose nofe, Eyito‑ya winemata, tabora bara‑ya tokawahe. Atibodi ati, “Eyito mai‑ka hidi owa‑ya kako, yama sibaraboneni. Owa habo siitoraboneni. Hibayata Kirisito oawara makobote oawebona, owa manakone amosa‑ya daanebonane.” Atibodi ati nematane.

Ebereo 11:39

Mai atibodi ati‑ya Deoso wato, mai‑ya kahiyare, Deoso ati nafi‑nima yama na‑ya mai kayafi awisarameteni.

Bedoro daidi 1:1

Bedoro ama·oni. Yeso Kirisito‑ka yo‑yose ama·oni. Deoso dai‑ya kadikematane, hika mai dai tohabonehe. Dai tabaro‑ya dai winamara, yama yaki‑ya dai winabisa, dai‑ka yama hani‑bone okanahanoneni. Boto‑ya dai wi‑wina, Karatiya‑ya dai wi‑wina, Kabadosiya‑ya dai wi‑wina, Asiya‑ya dai wi‑wina, Bitiniya‑ya dai wi‑wina, dai na, dai‑ka yama hani boneni.

Bedoro daidi 1:17

Deoso dai‑ka abi‑mona dai ati na, dai atibodi ati yokana‑ya Deoso kadikebona, dai ene‑nima dai manakone‑ya daanebonane. Hibayata bofe‑ya dai wi‑wina dai noko wadahi, dai atibodi ati amosabonehe.

Bedoro daidi 2:11

Oka dai amani, dai onofa, owati dai mitahi. Bofe‑ya dai wi‑wina, dai noko wadahi. Bofe‑ya dai tabaro yokana tohara, neme‑ya dai tabaro yokana tohateni. Deoso ati‑nima dai nahi. Yama amosara‑ya dai atibodi bote nokotonihe, dai atibodi yati‑ya weenaditeni, Deoso ati‑ya dai tokadabarabonehe.

Yowaho daidi 3:19

Mai ai nofa, mai ai kasoma, Deoso‑ka ai toha ai watoneni. Deoso‑ya ai awamakiya, ai habo siitoni awiraboneni.