Ebereo 10:32 - Deoso-ka Yama Hani

³² Hibati‑ya Yeso ati dai nofi yanakani‑ya dai‑ya mai wee, dai‑ya mai ati kosi na, dai habo siitoramaroni.

Ebereo 10:32 ပူးပေါင်းရင်းမြစ်များ

Yeso‑ka yo‑yose mai tamine 26:18

Owa tamine Bara mai‑ya tihiyariya, mai noki weetokana‑nima mai nabone, hibayata yama soki‑nima na‑ya mai wina, tiwati‑ya mai mitiya, yama tehe‑nima na‑ya mai winawahaboneni. Satanasi‑ka mai tohamarabone, Deoso‑ka mai tohaboneni. Mai‑ya owati somawamabone, owati‑ya mai one nofa‑nima yama amosa‑ya mai kayafaboneni.’ Yeso ati nemarine.

Homa 12:12

Deoso‑ka yama dai kayafabone ati ne, yama‑ya dai nimana, dai ya‑yainahi. Dai‑ya mai bisina, dai yawarihi. Deoso‑ya dai hiyaranadihi.

Korito yoto‑ke 4:6

Hibati‑ya yama soki hinama tohaya, Deoso ati yanane, “Yama wahi tohawahi.” Ati ne. Ati ene yama wahi tohawahameteni. Makobote Bidi i‑di Yeso Kirisito‑ya yose, ai atibodi noko‑ya Bidi noko wehene ai aweya, Deoso amosabote tohe ai watowahaboneni.

Firibo 3:16

Hibati‑ya Deoso ati ai tokadabamaro, Deoso ati ai tokadabasahi.

Koroso 2:1

Owati dai mitahi. Koroso‑ya dai wi‑wina, Raodiseya‑ya dai wi‑wina, owa noko dai awatera, dai tamine omita, dai tamine ohiyariteni, Deoso dai‑ya kasomebonaha.

Ebereo 12:4

Dai ene amosabone, dai ene dai‑ya mai nanahabi awisarani.

Ebereo 5:12

Hibati‑ya Deoso ati dai mita, mai one‑ya dai kanawatomakebone oda ati na, yama‑ya dai wato awisara, dai‑ya oda kanawatomatasabone dai nofabisineni. Madehe‑nima dai nasa na, yama kita kabi dai watora, yoha fahi‑ta dai ati fawabisineni,

Ebereo 6:10

Deoso‑ka mai dai kasomamaro, mai‑ya dai kasomanasa nineni. Dai ene‑ya Deoso ati fawaterebonane. Dai ene‑ya kadikebona, dai manakone amosa‑ya daanebonane.

Ebereo 6:4

Deoso ati‑ya mai wa‑wato, Deoso‑ka Doni mai‑ya sawi, yama amosabote‑ya Deoso mai‑ya daane, Deoso ati‑ya mai nofami awiriya, mai ihi Deoso‑ya hini mai tamine‑ya mai kaminamariya, Deoso mai‑ya ati somawamaterebonane.

Yowaho yoto‑ke 1:8

Tiwa noko wadahi. Tiwa ene amosa ene tiwa manakone amosa wadateni. Tiwa ene towe tohawaha, tiwa manakone amosa fawanaboneni. Tiwa ene amosanasa na, tiwa manakone amosa nafe, tikayahaboneni.

Yeso Kirisito ene‑bona 2:5

Hibati‑ya Deoso dai nofi bahe‑nima dai nofamatasaho. Hibati‑ya Deoso dai nofi bahe‑nima dai nofamatasi awireya, dai‑ka nabarina awe soba kanibote onaboneni.

Yeso Kirisito ene‑bona 3:3

Hibati‑ya Deoso ati dai mitamaro, ati dai nofemari, ati dai tokadabamatasaho, Deoso‑ka hawi‑ya dai nokotonimatasahi. Dai dodafi awiriya, Deoso‑ka hawi‑ya dai nokotoni awiriya, yama‑ya mai bo‑boti mai kaki‑nima owa koboni naboneni. Oka mahi dai wato awiraboneni. Hiniya kobo·onaboneni.