Ebereo 10:29 - Deoso-ka Yama Hani

²⁹ Mose ati‑ya mai tokadabara mai abameteni. Hini yamata‑nima Deoso neba, Bidi ati‑ya ai nofarihi? Deoso Bidi abe, ai manakone‑ya nanahabemata, Deoso Bidi ati‑ya ai nofara, Deoso‑ka Doni ai nayawa, hini yamata‑nima Deoso ai‑ya nibona, dai ati niti?

Ebereo 10:29 ပူးပေါင်းရင်းမြစ်များ

Mateo 26:28

Owa emene tamine‑bone amani. Owa emene tokabone, o·ababone, mai dama mai ihi manakone onahababoneni.” Yeso ati nemarine.

Mateo 7:6

Yome mai‑ya Deoso‑ka yama ai daaterani. Boroko mai‑ya kasaro ai daaterani. Boroko mai‑ya kasaro dai daaniya, kasaro‑ya mai tainiya, dai‑ya mai wainaboneni.” Yeso ati nemarine.

Maroko 7:2

Yeso‑ya mai da‑daba mai tafabone, mai yahi‑ya mai sorokarira, mai‑ya mai awa, mai ati yanana, “Mai yahi towe tafineni.” Mai ati namaroni.

Roka 12:10

Owa‑ya mai weena, makobote owa‑ya mai nofawahiya, mai ihi manakone wadamaraboneni. Deoso‑ka Doni‑ya mai weeniya, mai ihi manakone fawateraboneni.

Yowaho 10:36

Okobi owa‑ya kayawe, owa‑ya yosemarine, bofe‑ya okebonehe. ‘Deoso Bidi ama·oni.’ Ona. Owati kasiramone dai ati neni, dai yawaro. Hini yamata ihi dai yawiti?

Yowaho 17:19

Mai manakone onahababoneni, tika mai tohabonehe.

Yeso‑ka yo‑yose mai tamine 7:51

Dai eme kita, dai atibodi kita na, Deoso‑ka Doni ati dai nofateraba awineni. Dai‑ka idi mai‑nima dai nineni, dai narabo hawiraro.

Homa 16:20

Hibayata Satanasi ene ai‑ya mai bisi, ai‑ya mai wee, teni. Hasini bideya, Satanasi‑ya Deoso barikanebonane, ai‑ya mai bisinamarabonehe. “Ai‑ka Ayo i‑di Yeso dai‑ya sawi, dai‑ya kasomebona.” Oteni.

Korito daidi 11:27

Yeso ati‑ya mai nofara Yeso abano‑nima baho na‑ya mai kaba, Yeso emene‑nima awa bono fahi na‑ya mai fawa na, mai ihi amosara, Yeso‑ya mai nanahaba mai‑nima mai naboneni.

Korito daidi 11:29

Yeso ati dai nofara Yeso abano‑nima baho na dai kaba, Yeso emene‑nima awa bono fahi na dai fawa na, dai ene dai aba naba awineni.

Korito daidi 15:25

Hibayata Yeso Kirisito ai‑ka hidi tohe, mai dama Yeso Kirisito‑ya mai kakonasa nineni. Makobote Yeso Kirisito‑ya mai ka‑kako‑maro, Deoso ene Yeso noko‑kaya mai moikanisabone, “Yeso kitabote tohane.” Mai ati nawahaboneni.

Korito daidi 15:27

Deoso ene ai nafi‑ka Hidi i‑di Yeso Kirisito tohe, Deoso‑ka Hidi‑ta wadaterene. Deoso ene Yeso Kirisito yama nafi‑ka Hidi tohene.

Korito daidi 6:11

Hibati‑ya mai ihi‑nima dai ene namaro, ai‑ka Hidi i‑di Yeso Kirisito dai manakone‑ya nanahabe, dai manakone wadamara, Deoso‑ka Doni dai atibodi‑ya namosawahemarine.

Efesiyo 4:30

Deoso‑ka Doni dai‑ya sawi, dai ene Deoso‑ka Doni yawarayaho. Deoso‑ka Doni dai‑ya sawi, Deoso tabaro‑ya dai winabone dai watoneni.

Efesiyo 5:26

Yeso‑ka ai toha, ai atibodi‑ya Kirisito namosebona, abematane. Bora bisa toha, ai sokona, amosawamabone‑nima Yeso ati ai nofa ai‑ya namosane.

Ebereo 10:10

Yeso Kirisito hini‑ya daane ene Deoso ai‑ya kayafawahe, ai atibodi‑ya namosawahe, ai‑ya nofe, ai‑ya ati yawamaterebonane.

Ebereo 12:25

Deoso neme‑ya ati yananeya, dai narabo hawihi. Hibati‑ya adami tati‑ya ati yanane, ati mai hinofare, mai abameteni. Neme‑ya ati yananeya, ai narabo hawira, ai abahareboneni.

Ebereo 13:20

Dai tamine Deoso‑ya ohiyarineni, Deoso ene dai atibodi dai‑ya weerabonehe. Ai‑ka Hidi i‑di Yeso ai‑ya na‑nawada webote abe, emene tokafodo, ai manakone‑ya nanahabi hawa tone, Deoso hinakitamene.

Ebereo 2:11

Yeso ene Deoso ai‑ya ati somawame, ai‑ya ewe nawahe, ai‑ka Abi i‑di Deoso ene‑nima ai ene nawahaboneni. Deoso Bidi Yeso tohe, Deoso bidi ai tohawaha, Yeso ai‑ya soho nawahene.

Ebereo 2:3

Deoso Bidi Badi ati‑ya kamine, ati ai tokadabare, ai manakone amosara ba‑basi nibisaboneni. Deoso Ati Amosabote‑ya Bidi mai‑ya kamine, Yeso ati‑ya mai mita, ati mai hikaminamaki, ati oda mitane.

Ebereo 4:14

I‑di Yeso, Deoso‑ka yama‑bone‑ya mai da‑daa mai‑ka hidi webote neme‑ya tokome, Deoso Bidi yokana amane. Deoso ati ai tokadababone ai ati na, Deoso ati ai tokadabahi.

Ebereo 6:4

Deoso ati‑ya mai wa‑wato, Deoso‑ka Doni mai‑ya sawi, yama amosabote‑ya Deoso mai‑ya daane, Deoso ati‑ya mai nofami awiriya, mai ihi Deoso‑ya hini mai tamine‑ya mai kaminamariya, Deoso mai‑ya ati somawamaterebonane.

Ebereo 6:6

Deoso ati‑ya mai nofami awira, awa‑ya Yeso Kirisito‑ya mai baakanamatasa‑nima mai nineni. Fara ihi Kirisito‑ya mai one hahakanaboneni.

Ebereo 9:13

Hibati‑ya yama aba‑ya mai boyona, mai bisa toha‑nima mai na, bowi maki, bodi maki mai na, mai ame‑ya mai‑ya mai wisana, bowi bide‑ya mai sarikana, bowi nakasiri faha‑ya tabonawahaya, mai‑ya mai wisanamaki na, mai bise fawanani mai ati teni.

Ebereo 9:20

“Ama ihi Deoso ati‑nima yama nabone, Deoso ati dai tokadabahi.” Mose ati nematane.

Yeso Kirisito ene‑bona 1:5

Yeso Kirisito yama‑ya watone, yama hiwata tamine‑ya kaminawahane. Yeso kitame, abamaterebona, kitami daidi amane. Bofe‑ka hidi mai‑ka hidi webote amane. Fare okahiyarineni. Ai‑ya nofi nafibisane. Hibati‑ya ai ene amosara, ai barikana‑nima ai namaroni. Makobote Yeso abe, ai‑ya seekawahemarine.