Ebereo 10:25 - Deoso-ka Yama Hani

²⁵ Deoso tamine‑ya ai hiyarabone, mai yorotokana, mai‑ya ai daba, ai ibi kasoma, mai ai ya‑yainihe, mai one yama yorotokani‑ya mai nofara, mai‑nima dai riyahi. Yeso koboni nahore ai yorotokanahi.

Ebereo 10:25 ပူးပေါင်းရင်းမြစ်များ

Mateo 10:15

“Owati amosabote dai mitamatasahi. Ai nafi ene‑ya Deoso kadikeya, mai‑ya weeni kitebonane. Hibati‑ya Sodoma‑ya mai wi‑wina, Komora‑ya mai wi‑wina, mai na, Deoso mai‑ya nanahabematane. Ai nafi ene‑ya Deoso kadikeya, mai‑ya weenamatasebonane. Dai ati‑ya mai nofara mai‑ya Deoso bisini kitabisebonane.

Mateo 18:20

Owa dai nofa dai fa‑famaraba na, dai yorotokaniya, dai‑ya osaweboneni.” Yeso ati nemarine.

Yowaho 12:48

Owa‑ya mai nofara, owati‑ya mai nofaharira, mai ihi manakone wada, yama faina‑bone koboniya, hini mai ihi manakone‑ya mai kayafaboneni.

Yeso‑ka yo‑yose mai tamine 16:16

Deoso‑ya mai hi‑hiyara‑ya oda tokatasa, fana mai hikanikamete oda‑ya kobona, madi towe fana‑ya foyane. Madi towe ene yama nabone‑ya fana kamina ihi hika hidi yinero nafi‑ya mai kayafateni.

Yeso‑ka yo‑yose mai tamine 2:1

Yeso abe nowati‑ya mai amoni 50 kanamaki‑ya mai marina, mai marini‑ke mahi oni Benekosi tohe‑ya, Yeso‑ka mai nafi yorotokawamamoneni.

Yeso‑ka yo‑yose mai tamine 2:42

Mahi‑nima mai yorotokana, mai‑ya Bedoro mai kanawata, Deoso‑ya mai hiyara, mai tafateni.

Yeso‑ka yo‑yose mai tamine 20:7

Domiko yama soki bide‑ya oda tafabone, oda yorotokana, oda tafi hawa toha, oda‑ya Baoro hiyarane. Mahi owa‑ya oda tokabone, oda‑ya hiyarama, oda‑ya hiyarama, yama soki bai‑ya oda‑ya hiyaramatasa nane.

Homa 12:8

Dai one atibodi‑ya Deoso yofikane mai atibodi komi‑ya dai kasomabone, mai dai kasoma, mai atibodi kome fawanabonehe. Yama‑ya da‑daa dai one atibodi‑ya Deoso yofikane, fare dai‑ya yofikane‑nima yama dai daaniya, dai ya‑yainahi. Hidi dai tohabone, dai atibodi‑ya Deoso yofikane, dai noko wadahi, dai ene amosabonehe. Ai one mai‑ka yama wadara mai‑ya dai kasomahi. Dai one atibodi‑ya Deoso yofikane, fare dai‑ya yofikane‑nima mai‑ya dai kasomahi.

Korito daidi 11:20

Dai yorotokana, dai tafiya, ai‑ka Hidi i‑di Yeso Kirisito abe tamine‑ya dai kadikabone dai ati na, Kirisito ati‑nima dai ni awirini.

Korito daidi 14:23

Kirisito‑ka dai toha, dai yorotokana, Deoso‑ya dai kahiyarabone, mai one ati‑ya dai ati yananiya, Deoso ati‑ya mai nofara, dai ati‑ya mai mita, dai ati‑ya mai watora, “Ka‑kana mai amani.” Mai atibodi ati naboneni.

Korito daidi 14:3

Deoso ati dai kamina dai ati‑ya mai mita, mai dai kasomaboneni. Dai ati ene yama‑ya Deoso nofe‑ya mai wata, ati‑nima mai ihi nabone, mai nofaboneni. Mai atibodi koma Deoso ati‑ya mai mita, mai atibodi kome fawanaboneni.

Korito daidi 3:13

Yeso kamataseya, ai ene‑ya awebonane. Ai ene amosa, oro, barata, yati amosabote‑nima ai ene na, ai ene hasinaboneni. Ai ene amosara, awa, kada efe, kabi‑nima ai ene na, ai ene ababoneni. Yobe hati‑nima ai ene hateboneni.

Korito daidi 5:4

Dai yorotokana, ai‑ka Ayo Yeso tamine dai hiyarabone, dai‑ya owatibodi sawi, Yeso kiti sawitene.

Firibo 4:5

Dai‑ya mai weena, dai ati yawariyahi. Yeso kama kanibote nebonane.

Tesaronika daidi 4:18

Ai abiya, ai kitamabone tamine dai watoyahi. Ai kitamabone tamine mai‑ya dai kamina, mai yawi awirabone, mai ya‑yainaboneni.

Tesaronika daidi 5:11

Dai one abamaro, ai nafi kitamabone tamine dai wata, dai ibi hiyara, dai ya‑yainahi. “Ai one aba, mai ihi ai yawi kitariyahi. Ai one Deoso tabaro‑ya toha, ai ya‑yainahi.” Dai ati nahi. Hibayata dai ene hini toha, tohaboneni. Mai‑ya dai kasoma, mai‑ya dai kasomi na‑nafi niyahi.

Ebereo 10:24

Ai one ai kasomahi. Mai one‑ya mai nofawaha, mai‑ya mai kasomamakeboneni.

Ebereo 10:37

Yeso kamebona ati ne, dai nimanaho, kamebonane. Fawaterebonane.

Ebereo 13:22

Oka soho dai amani. Owati dai mitahi. Dai‑ka yama hani nafira okanahanoni.

Ebereo 3:13

Mahi‑nima dai ibi kasomahi. Deoso ati‑ya dai owa tokadabare dai hiyarahi, atibodi tokitarebonaha.

Tiyako 5:8

Fara‑nima yama dai nimana, dai‑ya mai kaka, dai habo siitoriyahi. Yeso kamebona kami nahorebona, dai nimanahi.

Bedoro daidi 4:7

Yama nafi tosiyo kanibote nabone, dai atibodi amosabone dai nokotonihi, dai ati‑ya Deoso mitebonaha.

Bedoro yoto‑ke 3:11

Yama nafi hirinabone, dai ene amosiyahi, dai hatirabonehe. Deoso ati‑ya dai tokadabiyahi.

Bedoro yoto‑ke 3:14

Soho, dai ene‑ya Yeso kadikebona, yama dai nimana, dai noko wadahi, dai atibodi yati kabatata rabonehe. Dai atibodi dai‑ya weera, dai ibi ati somiyahi.

Bedoro yoto‑ke 3:9

Deoso hini ati‑nima nebona dai atibodi kadamowamariyahi. Mai ihi amosara mai ababone ati nemata, ati‑nima nebonane. Mai ihi amosara, mai‑ya nanahaba kanibote ni awire, mai ihi amosawamaba awineni. Mai abiya, Deoso nofare mai ihi‑ya mai kaminabone‑ya nofabisane.

Yoda‑ka yama hani 1:19

Deoso ati‑ya mai nofara, Deoso‑ka Doni mai‑ya sawire, mai ihi Deoso‑ka ai toha, ai‑ya mai ebekanaboneni, ai ibi dabamarabonehe.