Ebereo 10:22 - Deoso-ka Yama Hani

²² Deoso‑ya ai hiyarabone, ai atibodi amosahi. Deoso ai ati‑ya mitebona ai atibodi ati nahi. Hibati‑ya ai atibodi‑ya Deoso‑ka Doni namose, ai atibodi ai‑ya weenamara, hibati‑ka mai‑ya mai wisana, mai‑nima ai nawaha, ai ene amosara manakone aba ihi faha amosa‑ya ai afina‑nima ai nawahani.

Ebereo 10:22 ပူးပေါင်းရင်းမြစ်များ

Mateo 3:11

Deoso‑ka Ka‑kadika ama·orani. Faha‑ya dai‑ya haba·onirisineni, dai ene amosawamabonehe. Kamaki‑bona kitabotebisa amane. Owa‑ta towebisa ama·oni. Amosabotebisa amane. Ati ene Deoso‑ka Doni dai one‑ya sawiwahebonane. Ai nafi‑ya kadikeya, ai one‑ya sarikanebonane.

Roka 1:1

Ai one sawi‑kaya yama yanana tamine mai dama mai kanahanamaroni.

Yowaho 3:5

“Owati amosabote timitahi. Ai‑ka ami‑ya ai wadi dai tohi bahiya, Deoso‑ka Doni ene ai wadamatasiya, Deoso ai nafi‑ka hidi kitabote tohawahebona‑ya ai sawiwahaboneni. Ai wadi fami awiriya, ai sawiraboneni.

Yowaho 8:9

Yeso ati‑ya mai mita mai yamatonama, mai bo‑botena mai toki dai tohama, mai nafi tokomakemaroni. Yeso fana‑ya fame mai yorotonakosamaroni.

Yeso‑ka yo‑yose mai tamine 22:16

Hibayata tiwa‑ya mai habanirisahi. Tiwa ene‑maro‑nima tiwa ene namarabone, ai‑ka Ayo haatiniya, Deoso tiwa‑ya ati somawamebonane.’ Ananiya ati nemarine.

Yeso‑ka yo‑yose mai tamine 8:21

Haa‑nima tiwa ene teraboneni. Deoso‑ya tiwatibodi amosi awisarani.

Korito daidi 6:11

Hibati‑ya mai ihi‑nima dai ene namaro, ai‑ka Hidi i‑di Yeso Kirisito dai manakone‑ya nanahabe, dai manakone wadamara, Deoso‑ka Doni dai atibodi‑ya namosawahemarine.

Korito yoto‑ke 7:1

Dai onofa, owati dai mitahi. Deoso ai‑ya kasome ene ai atibodi amosa, ai abano ene amosa nahi. Deoso ai nayawarabone, Deoso ai ya‑yainihebone, ai ene amosahi.

Efesiyo 3:12

Yeso ati‑ya ai no‑nofa Deoso‑ya ai ati hiyara, ai habo siitora, ai hiyara kanibote na, ai ati‑ya mitatene.

Efesiyo 5:26

Yeso‑ka ai toha, ai atibodi‑ya Kirisito namosebona, abematane. Bora bisa toha, ai sokona, amosawamabone‑nima Yeso ati ai nofa ai‑ya namosane.

Efesiyo 6:5

Dai‑ya mai kanikamaro, owati dai mitahi. Dai‑ka hidi mai ati dai tokadabahi. Mai‑ya dai ya‑yainihebone, yama anini dai kitahi. Yama dai aniniya, dai atibodi yawariyahi. Yeso Kirisito ati‑ya dai tokadabi‑nima dai‑ya mai kanikamaro, mai ati dai tokadabahari nahi.

Timoti daidi 4:2

Keyehe‑ya mai hirinawaha, mai atibodi ati‑ya mai watomara. Mai atibodi ati fawanaboneni.

Tito 3:5

Ai ene tohara. Deoso ai‑ya nofi nafi, ai‑ya kasome, ai ene amosaramaro, ai atibodi‑ya Deoso awe, ai bisa toha‑nima ai atibodi na, Deoso ene ai atibodi yati tohawaha, ai bisa toha, ai‑ya ai sokona‑nima ai atibodi yati tohawaha nineni. Deoso ene‑nima ai ene nawahabone, Deoso‑ka Doni ai‑ya sawi, yama amosa ai watoni.

Ebereo 10:1

Deoso ati‑ya i‑di Mose kanahano, neme‑ka yama korimari‑ya mai‑ya kanawato, neme‑ka yama aboni ai awiya, yama ai wataboneni. Faha fowe‑nima Deoso‑ya yama mai daahina, mai atibodi‑ya namosaterani.

Ebereo 10:19

Oka soho dai toha, owati dai mitahi. Yeso emene ene ai manakone aba, Deoso‑ka yobe kote neme‑ke kayawi ba‑basi hine‑ya ai tokiyoma, Deoso‑ya ai hiyarateni. Ai hiyariya, ai habo siitoriyahi.

Ebereo 11:28

Makobote Deoso mai‑ya kakariwahebona, Deoso ati‑ya i‑di Mose tokadabe, “Nokobi‑kaya bani emene dai nawaanahi. Dai‑ka madehe daidi abarabonehe.” Deoso ati nematane. Deoso‑ka yo‑yose i‑di Mose‑ka mai‑ya fiyakane, Eyito‑ka mai‑ka madehe daidi‑ya nanahabematane.

Ebereo 12:24

Hibati‑ya Deoso‑ya mai hiyarabone, Deoso‑ka bani emene‑bona‑ya mai towakama, Deoso‑ya mai hiyarameteni. Hibayata Yeso ene Deoso‑ya ai hiyarawahabone, hiniya Deoso‑ya ai hiyarateni. Hibati‑ya Abeo abe ene, i‑di Kaina‑ya Deoso yawe, i‑di Yeso abe ene Deoso ai‑ya ati somawamawahematane.

Ebereo 4:16

Deoso‑ya ai hiyarabone, ai habo siitoriyahi. Ai ya‑yainibisahi. Deoso ai hiyariya, ati somawamebonane, ai‑ya kasomebonane.

Ebereo 6:11

Yeso kamebona‑ya dai nimana, dai ene amosi fawariyahi. Dai ene amosa toha, dai manakone wadaboneni.

Ebereo 7:19

Mose ati kote‑ta ai tokadaba Deoso tabaro‑ya ai winaraboneni. Yeso ati ai nofa, Deoso bidi ai tohawaha, Deoso tabaro‑ya ai winabisaboneni.

Ebereo 9:10

Yama‑ya mai kaba, yama‑ya mai fawa, yama‑ya mai soko na, mai atibodi‑ya namosaterani. Mai atibodi namosabone tamine‑ya Deoso mai‑ya kaminamakimatane.

Ebereo 9:19

Deoso ati nafi‑ya Mose mai‑ya kamini hawa tohe, bowi bidi, bodi mai na, mai ame‑ya faha‑ya i‑di Mose rawikane, isobo afe mese‑ya kaneiro kone mawa yadineya, mai dami‑ya i‑di Mose wisa, yama hani‑ya wisa nematane.

Tiyako 1:6

Deoso dai haana, “Oka yama‑bone‑ya Deoso daanebonane.” Dai atibodi ati nahi. “Oka yama‑bone‑ya daaneba awane yama‑ya daareba awane.” Dai atibodi ati riyahi. Yama hakikini ihi faha rikana, rike‑nima dai atibodi ati riyahi,

Tiyako 4:8

Deoso ati‑ya dai atibodi ati tokadaba, Deoso dai‑ya kasomebonane, ati dai nofi nafibonaha. Dai ene amosara dai ene dai kamina kanibote nahi. Deoso ati kote‑ya dai atibodi ati tokadaba, Satanasi ati kote‑ya dai ati tokadabahari na, towe dai amani. Deoso ati‑ya dai tokadabi ohari kanibote nahi.

Bedoro daidi 1:2

Hibati‑ya yama nafi‑ya ai‑ka Abi i‑di Deoso wato, dai‑ya kadikemata, Hika Doni dai‑ya sawiwahebonane. Yeso Kirisito emene‑ya dai atibodi‑ya wisane, dai atibodi besene fawanani, Yeso Kirisito ati dai tokadababonehe. Deoso‑ya dai tamine‑ya ohiyara, “Abi Deoso, mai‑ya tikasoma, mai atibodi mai‑ya ati soma ba‑basi naboneni.” Oteni.

Bedoro daidi 3:21

Ai‑ya mai habanirisa ihi ai besene fawara, Deoso‑ya ai tamine ai kamina ai‑ya ati somawame, ai atibodi besene fawateni. Ai‑ya mai habanirisa, ai‑ya mai one awiya, Deoso ati ai nofa ai‑ya mai watowahaboneni. “Owati‑ya dai nofa, dai‑ya mai habanirisahi faha‑ya.” Deoso ati nematane. Dai atibodi dai‑ya weerabone, dai‑ya mai habanirisahi. Yeso Kirisito kitamemari‑nima ai kitamahareboneni.

Yeso Kirisito ene‑bona 1:5

Yeso Kirisito yama‑ya watone, yama hiwata tamine‑ya kaminawahane. Yeso kitame, abamaterebona, kitami daidi amane. Bofe‑ka hidi mai‑ka hidi webote amane. Fare okahiyarineni. Ai‑ya nofi nafibisane. Hibati‑ya ai ene amosara, ai barikana‑nima ai namaroni. Makobote Yeso abe, ai‑ya seekawahemarine.