Ebereo 10:19 - Deoso-ka Yama Hani

¹⁹ Oka soho dai toha, owati dai mitahi. Yeso emene ene ai manakone aba, Deoso‑ka yobe kote neme‑ke kayawi ba‑basi hine‑ya ai tokiyoma, Deoso‑ya ai hiyarateni. Ai hiyariya, ai habo siitoriyahi.

Ebereo 10:19 ပူးပေါင်းရင်းမြစ်များ

Homa 5:2

Deoso‑ya ai tamine‑ya Yeso Kirisito hiyare, “Abi, tika mai tiawahi. Mai manakone onahaba, owati‑ya mai nofawaha, tika dao mai tohawahani.” Ati tene. Deoso ai‑ya kasomi fawatere, tabaro‑ya ai winamakebone, ai ya‑yainineni.

Homa 8:15

Mai mai hikanikamaro mai‑ka hidi mai‑ya nofare awane. Mai‑ka hidi‑nima ai‑ka hidi re, Deoso ai‑ya nofe, hika Doni‑ya ai‑ya daane, ai‑ya ewe ne, ati ene ai kakomehera, ai ya‑yainibisa, “Abi Deoso” ai ati teni.

Efesiyo 2:18

Kirisito ene Deoso‑ka Doni ai‑ya sawi, Deoso ai nafi‑ka Abi tohawahe, ai‑ka Abi‑ya ai hiyara, ai ati‑ya mitatene.

Efesiyo 3:12

Yeso ati‑ya ai no‑nofa Deoso‑ya ai ati hiyara, ai habo siitora, ai hiyara kanibote na, ai ati‑ya mitatene.

Timoti yoto‑ke 1:7

Deoso‑ka Doni ai‑ya sawi, ai habo siitora, ai habo kitateni. Ai one‑ya ai nofa, ai ati, ai atibodi ati, ai ene na, ai nawada, ai teni.

Ebereo 10:18

Deoso ati somawame, manakone wadamarani.

Ebereo 10:35

Dai habo siitoriyahi. Deoso dai manakone amosabote‑ya daanebonane.

Ebereo 12:28

Deoso‑ka yama wawawakani kiterabone, ai kayafabone ai ya‑yaina, Deoso ai kahiyara, Deoso ene ai nofa, “Abi Deoso, tiwa ene amosabote tohani.” Ai ati nahi.

Ebereo 3:1

Soho, owati dai mitahi. Hibati‑ya Deoso ai‑ya kadike, Yeso‑ya Deoso yosemari, Deoso‑ka yama‑bone‑ya mai da‑daa mai‑ka hidi webote tohe, tamine dai kadikahi.

Ebereo 3:6

Yeso‑ta Deoso Bidi tohe, Deoso‑ka yobe hidi amane. Deoso ati ai no‑nofa, Deoso ene ai habo siitora, Deoso‑ka yobe ai tohateni. Mai ihi‑maro‑nima dai ene riyahi.

Ebereo 4:16

Deoso‑ya ai hiyarabone, ai habo siitoriyahi. Ai ya‑yainibisahi. Deoso ai hiyariya, ati somawamebonane, ai‑ya kasomebonane.

Ebereo 7:25

Yeso ati ai nofa, Deoso‑ka ai tohawaha, Yeso ai‑ya kasomatene. Ai aba, Deoso tabaro‑ya ai‑ya towakamebonane. Yeso abamatere, ai tamine‑ya kaminatene Deoso‑ya. “Abi, owati‑ya mai no‑nofa mai tikasomahi. Mai ihi amosariya, mai manakone onahabamaroni. Mai‑ya tiwati yawariyahi.” Yeso ati tene.

Ebereo 9:12

Ai manakone‑ya nanahabebona, bodi, bowi bidi mai na mai emene‑ya towakamare, hini emene‑ya towakamabise, yama manakone abi ohariwahabone, ai manakone‑ya wadamaterabonehe.

Ebereo 9:3

Deoso‑ka yobe kote barikane‑ya bora kita wina‑ya Deoso kayawi ba‑basi nematane.

Yowaho daidi 4:17

Deoso ai atibodi‑ya sawi, mai ai nofa na, ai ene‑ya Deoso kadikeya, ai korikasaraboneni. Bofe‑ya ai wi‑wina Deoso ene‑nima ai ene na ai korikasaterani.