Ebereo 10:12 - Deoso-ka Yama Hani

¹² Kirisito‑ta Deoso‑ya yama‑ya daani ohari hawa tohe, Deoso‑ka kanika‑ya itariwahane. Ai manakone abi ohare, ai manakone‑ya Deoso haanamaterebonane.

Ebereo 10:12 ပူးပေါင်းရင်းမြစ်များ

Maroko 16:19

Ai‑ka Ayo Yeso hiyari hawa toheya, Deoso ene neme‑ya tokome, Deoso mano kanika‑ya itariwahematane.

Homa 8:34

Deoso‑ya ai tamine‑ya mai hiyariya, “Mai ihi amosaramaro, mai abahi.” Mai ati naba awineni. Deoso‑ka kanika‑ya Yeso itari, ai tamine‑ya kaminamakiya, “Mai abarabone, mai manakone onahaba, o·aba, okitamamaro, mai manakone amosara wadami awirani.” Ati nebonane.

Efesiyo 5:2

Kirisito ai‑ya nofe, ai manakone‑ya nanahabane, Deoso ai‑ya ati somawamebonaha. Kirisito ene yama mahi amosa‑nima nemona Deoso ati nematane. Kirisito ai‑ya nofi nafi, Kirisito ai‑ya nofi‑nima mai dai nofahi.

Koroso 3:1

Kirisito abe, kitame, Deoso‑ka kanika neme‑ya itarine. Kirisito eyehe dai atibodi bote aba‑nima nawaha, Kirisito kitame‑nima dai atibodi yati tohawaha, neme‑ka yama tamine dai kadikiyahi.

Ebereo 1:3

Deoso amosabote noko wehene nafi, noko wehene‑nima Bidi noko wehene ne Deoso‑nima Bidi ne. Ati kite ene neme toha, bofe tohasa nihi nineni. Ai ene amosara manakone wada, ai manakone‑ya nanahabe, Deoso kitabote‑ka kanika‑ya itariwahematane neme‑kaya.

Ebereo 10:10

Yeso Kirisito hini‑ya daane ene Deoso ai‑ya kayafawahe, ai atibodi‑ya namosawahe, ai‑ya nofe, ai‑ya ati yawamaterebonane.

Ebereo 10:14

Kirisito ai manakone‑ya nanahabi ohari, ai manakone‑ya Deoso haanamaterebona, ai amosa hinama ai tohawahaboneni.

Ebereo 5:1

Hibati‑ya Deoso‑ka yama‑bone‑ya mai da‑daa mai‑ka hidi webote‑bona‑ya Deoso kadikematane, ai ene amosara manakone‑ya Deoso‑ya daanebonaha.

Ebereo 5:3

Yama amosara manakone‑ya daanebona, hini hika yama‑ya daani dai tohe, makobote mai‑ka yama‑ya daanamaki ene Deoso mai nafi‑ya ati somawamematane.

Ebereo 7:27

Deoso‑ya ai manakone‑ya i‑di Refi‑ka nodi mai daana, mahi‑nima bani‑ya mai daa, mai manakone‑bone‑ya mai daani baha, makobote ai manakone‑bone‑ya mai daanamakitasa nameteni. Haa‑nima i‑di Yeso terene, Yeso hini emene‑ya ai manakone‑ya nanahabi oharibisane.

Ebereo 8:1

Owati dai mita yama‑ya dai watowahaboneni. Deoso‑ka yama‑bone‑ya mai da‑daa mai‑ka hidi webote i‑di Yeso tohe. Ai manakone‑ya Deoso‑ya daane, ai‑ka Abi neme‑ke‑ka kanika‑ya itariwahane.

Ebereo 9:12

Ai manakone‑ya nanahabebona, bodi, bowi bidi mai na mai emene‑ya towakamare, hini emene‑ya towakamabise, yama manakone abi ohariwahabone, ai manakone‑ya wadamaterabonehe.

Ebereo 9:14

Fare Kirisito emene ai‑ya namosi nafibona, Kirisito ene amose hinama tohe, Deoso‑ka Doni hikasome ene ai manakone aba, hini emene‑ya Deoso‑ya daane ene ai ene amosaramaro, ai‑ya ai atibodi weenamaraboneni. Ai ene amosaramaro tamine‑ya Deoso kadikamaterebonane. Ai ene amosa, ai abamateraboneni. Deoso‑ya ai narifabisaboneni.