Ebereo 10:10 - Deoso-ka Yama Hani

¹⁰ Yeso Kirisito hini‑ya daane ene Deoso ai‑ya kayafawahe, ai atibodi‑ya namosawahe, ai‑ya nofe, ai‑ya ati yawamaterebonane.

Ebereo 10:10 ပူးပေါင်းရင်းမြစ်များ

Yowaho 17:19

Mai manakone onahababoneni, tika mai tohabonehe.

Yowaho 19:34

Yeso abo fowari bodi‑ya sodado idemarine, wabise‑ya, ama faha‑ya fama tokafodamaroni.

Yowaho 6:51

Neme‑ya okisamaroni. Baho‑nima ona ama·oni. Oka baho‑ya mai kaba, mai abateraboneni. Bofe‑ya dai wi‑wina dai‑ya okasomabone, oka baho daa·onaboneni. Oka baho owa eme tamine amani.” Yeso ati nemarine.

Korito daidi 1:30

Deoso ene Yeso Kirisito ai‑ya sawiwahene, ai abarabonehe. Kirisito ene yama‑ya ai watowaha, Deoso‑ka ai toha, Deoso ai‑ya kayawe, Kirisito ene ai ene amosawamaboneni. Ai manakone abawaha, ai abiya, ai kitamateboneni.

Korito daidi 6:11

Hibati‑ya mai ihi‑nima dai ene namaro, ai‑ka Hidi i‑di Yeso Kirisito dai manakone‑ya nanahabe, dai manakone wadamara, Deoso‑ka Doni dai atibodi‑ya namosawahemarine.

Efesiyo 5:2

Kirisito ai‑ya nofe, ai manakone‑ya nanahabane, Deoso ai‑ya ati somawamebonaha. Kirisito ene yama mahi amosa‑nima nemona Deoso ati nematane. Kirisito ai‑ya nofi nafi, Kirisito ai‑ya nofi‑nima mai dai nofahi.

Efesiyo 5:26

Yeso‑ka ai toha, ai atibodi‑ya Kirisito namosebona, abematane. Bora bisa toha, ai sokona, amosawamabone‑nima Yeso ati ai nofa ai‑ya namosane.

Ebereo 10:12

Kirisito‑ta Deoso‑ya yama‑ya daani ohari hawa tohe, Deoso‑ka kanika‑ya itariwahane. Ai manakone abi ohare, ai manakone‑ya Deoso haanamaterebonane.

Ebereo 10:14

Kirisito ai manakone‑ya nanahabi ohari, ai manakone‑ya Deoso haanamaterebona, ai amosa hinama ai tohawahaboneni.

Ebereo 10:20

Yeso abi awisareya, Deoso‑ka hawi barikanameteni. Yeso abe, hawi‑ya seekawahe, Deoso‑ya ai kobonaboneni.

Ebereo 10:29

Mose ati‑ya mai tokadabara mai abameteni. Hini yamata‑nima Deoso neba, Bidi ati‑ya ai nofarihi? Deoso Bidi abe, ai manakone‑ya nanahabemata, Deoso Bidi ati‑ya ai nofara, Deoso‑ka Doni ai nayawa, hini yamata‑nima Deoso ai‑ya nibona, dai ati niti?

Ebereo 10:5

Bofe‑ya Kirisito koboni hawa tohe, ati yanane, “Abi Deoso, tika yama‑bone mai daahinaya, tiwati koboni awirani. Bani‑ya tiwati koboni awirihi, yama kaba‑ya tiwati koboni awirihi na, owa abano daatinamaroni, yama nafi manakone onahababonehe.

Ebereo 13:12

Fara‑nima tabora tokiya Yeso abematane. Ai manakone‑ya nanahabe, hini emene‑ya ai atibodi‑ya namosebonaha.

Ebereo 2:11

Yeso ene Deoso ai‑ya ati somawame, ai‑ya ewe nawahe, ai‑ka Abi i‑di Deoso ene‑nima ai ene nawahaboneni. Deoso Bidi Yeso tohe, Deoso bidi ai tohawaha, Yeso ai‑ya soho nawahene.

Ebereo 2:14

Deoso Bidi i‑di Yeso ai owa tohawahe, ai eme‑nima eme nihi, ai emene‑nima emene nihi ne Yeso ai owa tohe, abe, ai manakone‑ya nanahabe, i‑di Satanasi kiti‑ya nanahabematane.

Ebereo 5:7

Yeso bofe‑ya wine, Deoso‑ya hiyare, hini mahi‑nima badi‑ya hiyare, hini ati koboni‑ka yama‑ya haane, ohinawahe, Yeso Badi ati‑ya tokadabi nafi, Badi ati‑ya nofi nafine. Badi‑ya weere, Deoso ati‑ya Yeso tokadabe, Yeso ati‑ya Deoso tokadabahari, Yeso‑ya nakitamemarine.

Ebereo 7:27

Deoso‑ya ai manakone‑ya i‑di Refi‑ka nodi mai daana, mahi‑nima bani‑ya mai daa, mai manakone‑bone‑ya mai daani baha, makobote ai manakone‑bone‑ya mai daanamakitasa nameteni. Haa‑nima i‑di Yeso terene, Yeso hini emene‑ya ai manakone‑ya nanahabi oharibisane.

Ebereo 9:12

Ai manakone‑ya nanahabebona, bodi, bowi bidi mai na mai emene‑ya towakamare, hini emene‑ya towakamabise, yama manakone abi ohariwahabone, ai manakone‑ya wadamaterabonehe.

Ebereo 9:14

Fare Kirisito emene ai‑ya namosi nafibona, Kirisito ene amose hinama tohe, Deoso‑ka Doni hikasome ene ai manakone aba, hini emene‑ya Deoso‑ya daane ene ai ene amosaramaro, ai‑ya ai atibodi weenamaraboneni. Ai ene amosaramaro tamine‑ya Deoso kadikamaterebonane. Ai ene amosa, ai abamateraboneni. Deoso‑ya ai narifabisaboneni.

Ebereo 9:26

Faha fowe‑nima bani mai ame‑ya mai daanamete, mai‑nima Kirisito ne‑mana, abi dame namatane. Yama nafi hawa tohiya, hini emene‑ya daani oharibisematane.

Ebereo 9:28

Kirisito abe, ai manakone‑ya nanahabemata, kamatasebona, ai manakone‑ya nanahabami awirebona, ai nimane, neme‑ya ai‑ya towakamebonane.

Bedoro daidi 2:24

Ai ene amosara, ai ene Yeso Kirisito awa‑ya abemarine, ai manakone‑ya nanahabebonaha. Yeso abe ene ai atibodi bote ati ai tokadabamaraboneni, ai ene amosabisabonehe. Yeso abe ene ai kitamawahani.

Bedoro daidi 3:18

I‑di Yeso Kirisito ene amose hinama tohe, abe, dai manakone‑ya nanahabe, dai‑ya Deoso ati somawamebonaha. Hibati‑ya ai ene amosara, Kirisito amosabote abe, ai abarabonehe. Deoso‑ka Doni ene Yeso kitamemarine.

Yowaho daidi 5:6

Hibati‑ya Yeso‑ya Yowaho habanirise, Yeso tamine‑ya Deoso ati yanane. Yeso abebona‑ya ati yananamatase, “Yeso, Oka Dao amane.” Ati nemarine. Deoso‑ka Doni Yeso tamine‑ya kaminaharitene. Deoso‑ka Doni keyehe‑ya hiriterene. Faha‑ya Yeso habanise‑ya ati toha, emene tokafodobona‑ya ati toha nemarine.