Ebereo 1:2 - Deoso-ka Yama Hani

² Hibayata ai‑ya Deoso ati‑ya Bidi i‑di Yeso kaminawahene. Deoso ati ene yama nafi‑ya Bidi wamane, neme‑ya wama, bofe‑ya wama nematane. Makobote Deoso ati ene yama nafi‑ya Bidi kayafawahebonane.

Ebereo 1:2 ပူးပေါင်းရင်းမြစ်များ

Mateo 13:39

Yama kabara noki‑ya werene i‑di Diaboro tamine amane. Yobe‑ya yamata‑ya mai nawada, yama towe mai sarikana na, yama faina‑bone tamine amani. Yamata‑ya mai a‑ani Deoso‑ka yo‑yose mai tamine amani.

Mateo 17:5

Bedoro hiyaranasa neya, neme sabi wahi wada mai‑ya barikanameteni. Neme sabi‑ya ati kaki, “Oka Dao amane. Oka Dao onofi nafi, ati dai tokadabahi.” Ati nematane.

Mateo 21:38

Hidi bidi‑ya mai awa, mai ibi hiyara, ‘Bidi ai nanahabaho. Ai nanahabeya, badi abamakiya, mai‑ka yama nafi ai kayafaboneni.’ Mai ati na,

Mateo 26:63

Yeso ati yanare, “Yeso, Deoso yokana tiwa‑ya watone, tiwati yananahi. Deoso‑ka Ka‑kadika amatiraniha? Deoso Bidi amatini?” Mai‑ka hidi webote ati nematane.

Mateo 28:18

Makobote Yeso oda‑ya kobone, oda‑ya hiyare, “Neme, Bofe na‑ka hidi ohawahineni.

Mateo 3:17

Neme‑ya ati kaki, “Oka Dao amane. Oka Dao onofi nafineni. Ene amose, ene ya‑yai·oneni.” Ati nematane.

Maroko 1:1

Yeso Kirisito tamine amosabote amane. Yeso Kirisito, i‑di Deoso Bidi tamine okanahanaboneni.

Maroko 12:6

Ofa hidi hika fai‑ya mai na‑narifa mai one‑ya yosere, bidi‑ya yosebisane. Bidi‑ya nofi nafi, ‘Oka dao ati‑ya mai nofabisaboneni.’ Ofa hidi atibodi ati nene.

Maroko 12:7

Ofa hidi bidi kobone‑ya mai awa, mai ibi hiyara, ‘Bidi ai nanahabaho. Ai nanahabeya, badi abamakiya, mai‑ka yama nafi ai kayafawahaboneni.’ Mai ati nani.

Yowaho 1:10

Yama nafi‑ya wamanemata, bofe‑ya sawiwahe, bofe‑ka mai hiwatoremarine.

Yowaho 1:14

Deoso‑ya Yo‑yofikana ai owa tohawahane, bofe‑ya ai‑ya sawiwahemarine. Deoso Bidi yokana amane. Hini wehene oda awemarine. Ai nafi‑ya nofe, keyehe‑ya hiriremarine.

Yowaho 1:3

Deoso‑ya Yo‑yofikana yama nafi‑ya wamane, yama‑ya mai one wamarametemoneni.

Yowaho 13:3

“Okobi ati ene yama nafi‑ka hidi ama·oni. Deoso‑ya yana·onamaro, okoma kanibote onaboneni.” Yeso atibodi ati nemarine.

Yowaho 13:32

Owa ene Deoso‑ya mai kahiyari ba‑basi niya, Okobi ene owa‑ya mai kahiyari ba‑basi nahareboneni. Okobi ene toha kanibote nebonane.

Yowaho 15:15

Hidi‑ka yo‑yose mai‑ya hini tamine‑ya kaminaterene. Oka no‑nofa dai amani. Okobi ati nafi‑ya dai‑ya okaminateni. Oka yo‑yose dai tohamaro, oka no‑nofa dai tohawahineni.

Yowaho 16:15

Okobi‑ka yama nafi toha oka tohahari neni. Deoso‑ka Doni oka yama tamine‑ya kaminebona ona, fara oda fama oda tamine amani.

Yowaho 17:2

Abi, tiwa ene mai nafi‑ka hidi ama·oni. Owa‑ya mai daatinamaro owa ene mai abateraboneni.

Yowaho 3:16

Bofe‑ka dai nafi‑ya Deoso nofi nafi, Bidi yokana ohari‑ya yose, Bidi ati dai no‑nofa yama kome fawaterabone‑kaya dai sawirabone, dai abaterabone‑kaya dai sawibisaboneni.

Yowaho 3:25

Yowaho Batita‑ya mai da‑daba mai‑ya maki hiyare, faha‑ya ai yehe sorona tamine‑ya mai ibi weenameteni.

Yowaho 5:26

Deoso kite, hini ene mai one kitamabone, mai one abarabone, Deoso hini ene Deoso kiti‑nima Deoso Bidi nane.

Yowaho 5:27

Deoso ati ene dai‑ka Ayo neme‑ke dai ene‑ya kadikebonane. Hini dai ene‑nima dai manakone na daa·onaboneni.

Yowaho 9:29

“Mose‑ya Deoso hiyaremata oda watoneni. Ebeni‑kaya maki kakiti? Maki tamine oda wato awirini.” Mai ati nameteni.

Yeso‑ka yo‑yose mai tamine 10:36

Hibati‑ya Deoso Bidi‑ya yosene, Isara·eo‑ka nodi mai‑ya Ati Amosabote hikaminebonaha. Yeso Kirisito ati‑ya mai nofa, Deoso mai‑ya ati somawamebonane. Fare‑nima Yeso Kirisito ati dai nofa, Deoso dai‑ya ati somawamaharibonane.

Yeso‑ka yo‑yose mai tamine 2:17

‘Hidi Webote kobonama‑bona‑ka mahi koboni yanatoneya, Deoso‑ka Doni dai atibodi‑ya sawi, Deoso‑ka Doni ene dai‑ka madehe Deoso ati‑ya mai kaminaboneni. Dai‑ka yetene mai toha, bote mai toha na, wada‑ya owati‑ya mai mitaboneni.

Homa 1:4

Hibati‑ya bofe‑ya kobone, mai hinahabe, Deoso hinakitame, “Yeso Kirisito i‑di Deoso Bidi kitabote tohane.” Deoso‑ka Doni amosabote ati nematane.

Homa 8:17

Deoso bidi ai toha, Deoso‑ka yama ai kayafaboneni. Deoso‑ka yama‑ya Kirisito kayafi‑nima ai kayafahareboneni. Kirisito‑ya mai bisinamete, fare Kirisito ati ai nofe ene ai‑ya mai nofara, ai‑ya mai bisiniya, sibaraboneni. Kirisito eyehe yama amosabote ai kayafaboneni.

Korito daidi 2:7

Hibati‑ya Deoso ati‑ya mai mitaramete, ati ohiyarawahene. Ai‑ka idi‑bona‑ya Deoso wamani awisareya, hini‑ya hiyare, “Oka dao oyoseboneni. Oka dao oyose, ati‑ya mai nofiya, owa tabaro‑ya mai winawahaboneni.” Deoso ati nematane.

Korito daidi 8:6

Bofe‑ka mai‑ka deoso mai dama, Deoso yokana ohari, ai‑ka Abi amane. Yama nafi‑ya Deoso wamanemata, fare ai kahiyarahi. Deoso Bidi yokana i‑di Yeso Kirisito ai‑ka Hidi yokana oharine. Yama nafi‑ya wamanemata ene ai hasinineni.

Karatiya 4:4

Makobote yama nafi hawa tohiya, Deoso Bidi‑ya yosemarine ai tabaro‑ya. Bofe‑ya Yeso kobone, Yeso madi i‑di Mariya ai toha, Yeso ai tohahari ne. Ai‑nima Yeso ne, Mose ati‑ya tokadabebona Deoso ati nane.

Efesiyo 1:10

Yama nafi hawa tohiya, Deoso atibodi ati kobona‑mata‑ka‑nima yama nawahaboneni. Yeso Kirisito mai nafi‑ka Hidi tohawahebona, neme‑ya mai wi‑wina, bofe‑ya mai wi‑wina, mai na, Yeso Kirisito mai‑ka Hidi tohawahebonane.

Efesiyo 3:9

Hibati‑ya yama‑ya mai watoramete, owati ihi yama‑ya ai nafi watowahaboneni. Yama nafi‑ya Deoso wamanemata, ai hinama tohabone tamine‑ya mai‑ya kamini awiremata, fara tamine‑ya ai nafi watowahaboneni.

Ebereo 1:5

Deoso Bidi‑ya hiyare, “Oka dao amatini. Tika abi ama·oni.” Deoso ati nematane. Bidi tamine‑ya hiyare, “Oka dao tohe, owa‑ya abi nebonane.” Deoso‑ka yama hani ati nineni. Haa‑nima hika yo‑yose‑ya hiyaraterene.

Ebereo 1:8

Deoso Bidi‑ya hiyare, “Deoso tiha, mai nafi‑ka hidi tiha, tiwa hidi tohi fawaterabone, tika mai ihi tikadika, tiwati amosa hinama tohateboneni.

Ebereo 11:3

Hibati‑ya yama nafi‑ya Deoso wamanemata oda awara, Deoso ati oda mite, ati oda nofe, oda atibodi yama‑ya watowaha, “Deoso yama nafi‑ya wamane, yama ai awi awiriya, yama nafi‑ya wamanematane.” Ai atibodi ati teni.

Ebereo 2:3

Deoso Bidi Badi ati‑ya kamine, ati ai tokadabare, ai manakone amosara ba‑basi nibisaboneni. Deoso Ati Amosabote‑ya Bidi mai‑ya kamine, Yeso ati‑ya mai mita, ati mai hikaminamaki, ati oda mitane.

Ebereo 3:6

Yeso‑ta Deoso Bidi tohe, Deoso‑ka yobe hidi amane. Deoso ati ai no‑nofa, Deoso ene ai habo siitora, Deoso‑ka yobe ai tohateni. Mai ihi‑maro‑nima dai ene riyahi.

Ebereo 4:14

I‑di Yeso, Deoso‑ka yama‑bone‑ya mai da‑daa mai‑ka hidi webote neme‑ya tokome, Deoso Bidi yokana amane. Deoso ati ai tokadababone ai ati na, Deoso ati ai tokadabahi.

Ebereo 5:8

Deoso Bidi i‑di Yeso tohe, Deoso ati‑ya tokadabebona, hini eme komenebona‑ya wato, Deoso ati hinama‑ya tokadabanasa nematane.

Ebereo 7:28

Deoso‑ka yama‑bone‑ya mai da‑daa mai‑ka hidi, ai one‑nima mai na, mai kitara, mai aba mai nabone, mai‑ya i‑di Mose kadikabisematane. Hai‑ta Deoso hini Bidi‑ya kadike, ai manakone‑ya nanahabebona, kitabote, amosabote, abaterebonane.

Ebereo 7:3

Meokisadeki badi, madi, mai na mai wadarameteni. Wadarihi, abarihi ne, Deoso Bidi‑nima nane. “Meokisadeki, Oka yama‑bone‑ya da‑daa tihabone, tika yama daani fawateraboneni.” Deoso ati nematane.

Ebereo 9:26

Faha fowe‑nima bani mai ame‑ya mai daanamete, mai‑nima Kirisito ne‑mana, abi dame namatane. Yama nafi hawa tohiya, hini emene‑ya daani oharibisematane.

Bedoro daidi 1:20

Yama‑ya Deoso wamani awisareya, Bidi hiyosebona‑ya watone, ai manakone‑ya Bidi nanahabebonaha. Hibayata Deoso Bidi kame, dai manakone‑ya nanahabawahane.

Bedoro yoto‑ke 3:3

Yama dai watohi. Yeso kami yakari‑ya dai‑ya mai hahakanaboneni. “Yeso kamebona dai ati na, Yeso kamaterebonane.” Mai ati naboneni. Mai atibodi towe ati‑nima mai naboneni.

Yoda‑ka yama hani 1:18

“Yeso kami yakari‑ya bara mai kakeboneni. Deoso‑ya mai weenabone, hini mai atibodi ati kasira ati‑nima mai naboneni.” Yeso‑ka yo‑yose mai ati namaroni.