Ebereo 1:14 - Deoso-ka Yama Hani

¹⁴ Hini yamata‑nima Deoso‑ka yo‑yose mai nihi? Deoso ati ai no‑nofa, Deoso tabaro‑ya ai winabone ai‑nima mai ra, ai‑ya mai kasomabone, Deoso mai‑ya wamanematane.

Ebereo 1:14 ပူးပေါင်းရင်းမြစ်များ

Mateo 1:20

I‑di Yose amone, Deoso‑ka yo‑yose wadarine‑ya awe, ati‑ya mite, “Yose, i‑di Dafi‑ka nodi amatini. Owati timitahi. I‑di Mariya dai famiyahi. Sibaraboneni. Deoso‑ka Doni ati ene Mariya naba toha, maki ene tohi awirane.

Mateo 13:41

Oka yo‑yose mai oyosebone, owati ihi oka wami nafi‑ya mai tokabone, mai ihi amosara mai‑ya mai sokinaboneni.

Mateo 18:10

“Owati dai mitahi. ‘Madehe towe hini tohiya.’ Dai atibodi ati riyahi. Okobi tabaro‑ya Deoso‑ka yo‑yose madehe‑ya mai kayawateni.

Mateo 2:13

Mai tokoma mai nowati‑ya Deoso‑ka yo‑yose i‑di Yose‑ya wadarine hiyare, “Yose didafihi. Yeso madi‑ya fame tiwakahi. Eyito‑ya dai tokiya, Eyito‑ya dai nahoyahi. Tiwa haa·onamatasaboneni. Yeso‑ya i‑di Erodi sibanebonane, Yeso‑ya nanahabebonaha.” Deoso‑ka yo‑yose ati wadarine ati nematane.

Mateo 24:31

Deoso‑ka yo‑yose mai one‑ya yosebonane, hika mai‑ya mai yababonehe. Ho‑hori ati yananiya, wami nafi‑kaya mai wi‑wina Deoso‑ka mai toha mai‑ya mai yorotokanaboneni.

Mateo 25:34

Hidi webote‑ka kanika‑ya mai naha mai‑ya hiyarebona, ‘Okobi dai‑ya nofi nafine, dai nafi‑ka hidi kitabote ohawaha, owa‑ya dai sawiwahaboneni. Hibati‑ya yama nafi‑ya wamani awisareya, dai‑ya okayawamaroni.

Mateo 4:11

Diaboro tokome nowati‑ya Deoso‑ka yo‑yose mai kake, Yeso‑ya mai kasomameteni.

Maroko 10:17

Tabora one‑kaya mai tokabone, mai yananiya, maki kanani kamaki, Yeso yowi‑ya yobati‑kaya wai, ati yanane, “Ayo, amosabote amatini. Hini yamata‑nima obati, ai abaterabone‑kaya osawebonehe?” Maki ati nemarine.

Roka 1:19

“Kabireo ama·oni. Deoso‑kaya osawiteni. Deoso owa‑ya yosene, ati amosabote tiwa‑ya okaminebonaha.

Roka 1:23

Sakariya‑ka yama anini hawa tohiya, hini tabaro‑ya tokomematane.

Roka 16:22

Makobote i‑di Rasaro abe, Deoso‑ka yo‑yose mai hiwakamane. Abaraho korimari sawi‑kaya Rasaro korimari sawiwahane. Maki yinero dame‑ya kihemata, abamaki, mai hikamane.

Roka 2:13

Deoso‑ka yo‑yose wai‑ya Deoso‑ka yo‑yose mai one dama fodomake, Deoso‑ya mai kahiyara,

Roka 2:9

Mai nahokosiya, Deoso‑ka yo‑yose mai noki‑ya fodoki, Deoso wehene sawi ene mai naho‑kaya yama tehewama, mai habi siitonameteni.

Yeso‑ka yo‑yose mai tamine 11:22

Yerosare‑ka mai toha Yeso ati‑ya mai no‑nofa Bara mai tamine‑ya mai mita, i‑di Banabe‑ya mai yosemoneni, Atioki‑ya tokebonaha.

Yeso‑ka yo‑yose mai tamine 12:23

“Hehe, deoso‑nima ona ama·oni.” Erodi atibodi ati ne. Deoso yokana‑ya Erodi kahiyari awire, hini‑ya kahiyarabise, Deoso‑ka yo‑yose ene toha kanibote ne, Erodi‑ya yo‑yori mai kaba, abawahane.

Yeso‑ka yo‑yose mai tamine 12:7

Kadeya dori‑ya i‑di Bedoro amoneya, Deoso‑ka yo‑yose kobone ene kadeya dori‑ya yama wahi kita, Deoso‑ka yo‑yose Bedoro fowari‑ya wai, fai‑ya mowakanebona, fai‑ya boyone, “Bedoro, waamisa kanibote tinahi.” Deoso‑ka yo‑yose ati ne. Bedoro waamise, koheti hini‑ya kasoneni.

Yeso‑ka yo‑yose mai tamine 13:2

Deoso‑ya mai kahiyara mahi ohari‑ya mai tafarani, Deoso‑ya mai hiyari oharebonehe. Deoso‑ya mai hiyariya, Deoso‑ka Doni mai‑ya hiyarawahe, “I‑di Banabe i‑di Saoro mai fama mai yoronahi. Oka mai toha, mai oyoseboneni, oka yama ani‑ya mai aninabonehe.” Ati nemonane.

Yeso‑ka yo‑yose mai tamine 16:26

Wami wawawakawaha, wawakani ihi kadeya abi yanatona, kadeya nokobiri seekana, kadeya dori‑ka mai nafi seekana namoneni.

Yeso‑ka yo‑yose mai tamine 27:23

Yama soki‑ya Deoso‑ka yo‑yose owa fowari‑kaya waane, fare Deoso‑ka ama·oni. Deoso okahiyarateni.

Yeso‑ka yo‑yose mai tamine 5:19

Yama soki‑ya Deoso‑ka yo‑yose tokomaki, kadeya nokobiri‑ya seekane, Yeso‑ka yo‑yose mai fidotona,

Homa 11:14

Dai‑ya ohiyara, owa‑ya Yodeo mai awiya, mai yawaba awineni. Yeso ati‑ya dai nofa Deoso dai‑ya kasome‑ya mai awiya, Yeso ati‑ya mai one nofamakeba awineni.

Homa 13:6

Kofeno‑ka yinero‑bona‑ya mai haana, mai‑ya yinero dai daanahi. Deoso ene yama‑ya mai anina, yinero‑ya mai kayafa, dai‑ya mai kasomaboneni.

Homa 15:16

Owa‑ya Deoso yosemarine, Bara dai‑ya Yeso Ati Amosabote okaminabonehe. Yeso ati dai nofiya, Deoso‑ka Doni dai‑ya hawa toniya, Deoso‑ya dai‑ya daa·oniya, dai‑ya kayafawahebonane.

Homa 15:27

Yinero‑ya Bara mai daana, mai ya‑yainineni. Hibati‑ya Deoso ati‑ya Yodeo mai miti baha, makobote Yodeo mai ihi Deoso ati‑ya Bara mai mitamake, Yodeo mai‑ya Bara mai kasomamake, mai ihi amosineni.

Homa 8:17

Deoso bidi ai toha, Deoso‑ka yama ai kayafaboneni. Deoso‑ka yama‑ya Kirisito kayafi‑nima ai kayafahareboneni. Kirisito‑ya mai bisinamete, fare Kirisito ati ai nofe ene ai‑ya mai nofara, ai‑ya mai bisiniya, sibaraboneni. Kirisito eyehe yama amosabote ai kayafaboneni.

Korito daidi 1:21

Yama dama‑ya mai wa‑wato‑mone mai ati na, yama wato ihi Deoso hawine‑ya mai wasiterani. Deoso ene Yeso abe, ai manakone‑ya nanahabe tamine oda kamine, oda ati‑ya mai nofa, Deoso hawine‑ya mai wasiteni. Oda ati‑ya mai nofara, ka‑kana oda‑mone mai ati na, Deoso hawine‑ya mai wasirani.

Korito yoto‑ke 9:12

Yamata‑ya Deoso‑ka mai one kihara, dai ene yamata‑ya mai kihawahabone, dai ene Deoso‑ya mai kahiyarahareboneni.

Karatiya 3:29

Yeso Kirisito ati‑ya ai nofa Abaraho‑ka nodi ai tohawahani. Abaraho‑ka nodi mai‑ya Deoso kasomebona ati nemari, Deoso hini ati‑mari‑nima ai‑ya kasomaharibonane. Deoso‑ka ai toha, Deoso bidi ai toha, ai‑na, hika yama nafi ai kayafaboneni.

Karatiya 3:7

Deoso ati‑ya ai nofa, Abaraho‑ka nodi ai tohaboneni. Dai one Bara toha, Deoso ati‑ya dai nofa, Abaraho‑ka nodi mai dai tohahareboneni. Abaraho Deoso ati‑ya nofemari‑nima dai na, fare Abaraho‑ka nodi dai amani.

Karatiya 3:9

Deoso ati‑ya Abaraho nofe‑ya Deoso kasomemarine. “Abaraho owati tinofa sibarineni.” Deoso ati nemarine. Abaraho‑nima ai ni‑ya, Kirisito ati ai nofiya, Deoso ai‑ya kasomaharibonane. “Owati dai nofa dai sibarineni.” Deoso ati nebonane.

Efesiyo 3:6

Yama Deoso ati kobohina mai hiwatoramete, dai‑ya ohiyarawahineni. Yodeo oda toha, Bara dai toha na, Yeso Ati Amosabote ai nofa, fara hinama ai toha, Deoso‑ka ai tohawahineni. Ai nafi‑ya Deoso kasome, yama amosa‑ya ai‑ya ati daane, ati‑nima nebonane. Yeso ati ai no‑nofa, Yeso‑ka ai nafi tohawahani.

Firibo 2:17

Hibayata o·aba yama sibaraboneni. Owa emene‑ya Deoso aweya, Deoso ati dai no‑nofa dai ene amosa na‑ya Deoso kayafe, ai ya‑yainamatahi.

Firibo 2:25

Hibayata owati ihi dai tabaro‑ya i‑di Bafodito tokomebonane. Yeso ati‑ya i‑di Bafodito nofane, yama‑ya ani·ona, i‑di Bafodito yama‑ya aninane. Sodado mai habi kiti‑nima i‑di Bafodito habo kitane. Owa‑ya Bafodito dai yosemarine, owa‑ya kasomebonaha.

Tesaronika yoto‑ke 1:7

Makobote Yeso, hika yo‑yose mai kita, mai eyehe kameya, ai‑ya mai bisinamaro mai bisinami awiraboneni.

Tito 3:7

Ai manakone abawaha, Deoso bidi ai tohawaha, ai abateraboneni. Deoso tabaro‑ya ai winabisaboneni.

Ebereo 10:11

Hibati‑ya mahi‑nima Deoso‑ka yama‑bone‑ya mai da‑daa, bani mai‑ya mai daana mai atibodi‑ya namosi awirameteni.

Ebereo 2:3

Deoso Bidi Badi ati‑ya kamine, ati ai tokadabare, ai manakone amosara ba‑basi nibisaboneni. Deoso Ati Amosabote‑ya Bidi mai‑ya kamine, Yeso ati‑ya mai mita, ati mai hikaminamaki, ati oda mitane.

Ebereo 5:9

Deoso ati hinama‑ya tokadabi hawa tohe, ati ai tokadabeya, Deoso‑ka ai tohawaha, Deoso tabaro‑ya ai winamakeboneni.

Ebereo 6:12

Dai refo tohariyahi. Deoso ati‑ya mai nofamete, Deoso mai‑ya kasomebona ati ne, Deoso‑ya mai nimanameteni. Mai ihi amosamete mai ihi‑nima dai ene niya, yama amosa‑ya Deoso dai‑ya daanebonane. Yama amosa dai kayafabone, dai ene amosahi.

Ebereo 6:17

“Owati dai nofabone, owati‑maro dai awahi. Owati‑maro‑nima ona, fara hibayata owati‑nima onabone dai watowahaboneni.” Deoso ati nematane.

Ebereo 8:6

Hibayata Kirisito ene amosi ba‑basi ne, Refi‑ka nodi mai ihi amosi bi‑bidina, “Mose ati‑ya dai tokadabi nafi‑ya dai ene amosara‑ya Deoso barikanebonane.” Refi‑ka nodi mai ati na, “Owati dai nofa Deoso dai ene‑ya barikanamare, dai‑ya ati somawamebonane.” Kirisito ati nibise. Fare Kirisito ati amosabisane.

Ebereo 9:28

Kirisito abe, ai manakone‑ya nanahabemata, kamatasebona, ai manakone‑ya nanahabami awirebona, ai nimane, neme‑ya ai‑ya towakamebonane.

Tiyako 2:5

Oka soho dai toha, owati dai mitahi. Yama dama‑ya mai kihara Deoso mai‑ya kadikemata, Deoso ati‑ya mai nofi ba‑basi na, mai tabori‑bone‑ya wamane, “Owati‑ya dai no‑nofa owa tabaro‑ya dai winaboneni.” Deoso ati nematane.

Bedoro daidi 1:12

“Owati dai kanahanohi. Owati‑ya mai wato kanibote raboneni. Mai amoni dami‑ya dai ati‑ya mai kadikiya, owati‑ya mai watowahaboneni.” Deoso‑ka Doni ati nematane. Fare dai tamine‑ya hiyare, Deoso‑ka Doni neme‑ya kise, dai‑ya kanawatobona, dai‑ya oda kaminamakitasineni. Deoso‑ka yo‑yose neme‑ya mai wi‑wina, dai‑ya Deoso kanawato tamine‑ya mai atibodi kadika, yama‑ya mai watora, ai‑ta Deoso ati ai wato neni.

Bedoro daidi 1:4

Neme‑ya ai‑ka yama daahinabone, hinawada, abaterihi, bote tohaterihi, bataterihi na‑ya, Deoso tabaro‑ya ai koboniya, ai kayafaboneni.

Bedoro daidi 3:7

Mai makidi dai toha, owati dai mitahi. Dai faniya, dai‑ka yibote mai dai kasomiyahi. Yama‑ya mai weyeniya, mai‑ka yama kote dai weyekana, yama‑ya mai anina, mai dai kasoma nahi. Dai‑ka yibote mai dai weera, mai tamine dai hiyara, mai dai kahiyarabisahi. Dai kiti na‑nafi na, mai fanawi kiti bi‑bidi na, mai dai kasomahi. Mai dai kasomara, Deoso‑ya yama‑ya dai haaniya, dai ati‑ya mitarebonane. Deoso‑ka dai toha, Deoso‑ka dai‑ka yibote toha nineni.

Yoda‑ka yama hani 1:14

I‑di Adaho‑ka nodi‑ka nodi‑tasa i‑di Enoki tohe, fare mai tamine‑ya hiyarematane. Ai‑ka hidi kameya, hika mai dama mai eyehe kamebonane.

Yeso Kirisito ene‑bona 5:6

Kaneiro bidi‑nima ne waane. Hidi Webote‑ka kadera yowi‑ya Deoso‑ka bara mai 4 kana mai sawe, hidi bi‑bidi mai na 24 kana mai nahore, mai bai‑ya Kaneiro Bidi waine. Kaneiro Bidi‑ka yama ihi wada, mai hinahabemari‑nima ne, narabo ewene 7 kane toha, noko bodi 7 kane toha nane. Narabo ewene toha, noko bodi toha ne, Deoso‑ka doni mai 7 kana mai tamine amani. Deoso‑ka doni mai‑ya Deoso yosetene, wami nafi‑ya mai sawebonehe.