Bedoro daidi 5:9 - Deoso-ka Yama Hani

⁹ Satanasi ati tinofariyahi. Yeso ati‑ta tinofabisahi. Deoso ati‑ya dai no‑nofa dai nafi‑ya Satanasi keyehe‑ya hiri kitine. Kirisito‑ya mai ka‑kako mai yahi kome dai awabone, tabora dami‑ya mai wi‑wina Yeso ati‑ya mai nofa, Satanasi mai‑ya keyehe‑ya hirikitine.

Bedoro daidi 5:9 ပူးပေါင်းရင်းမြစ်များ

Roka 22:32

Deoso‑ya tiwa tamine ohiyarani, Deoso ati tinofasa tinabonehe. Owati tikadabamatasiya, mai one tikasomiyahi. Owati‑ya mai tokadabawahaboneni.” Yeso ati nematane.

Yowaho 16:33

Yama tamine okamina, owati dai nofiya, dai habo siitoraboneni. Bofe‑ka dai‑ya mai bisinaboneni. Dai habo kitahi. Bofe‑ka mai kiti bi‑bidi, owa kiti nafibisineni.” Yeso ati nemarine.

Yeso‑ka yo‑yose mai tamine 14:22

Baoro mai ati ihi Yeso ati‑ya mai nofa mai atibodi kitamamoneni. Mai‑ya hiyare, “Dai‑ya mai bisina, Yeso ati‑ya dai nofasa nahi, Deoso hawine‑ya ai sawe, ai‑ya mai bisina, ai habo siitoriyahi.” Mai ati namoneni.

Korito daidi 10:13

Ai nafi‑ya Satanasi keyehetene. Tiwa‑ya keyehe‑nima mai‑ya keyehetene. Deoso hini ati‑nima ai‑ya kasomatene. Deoso ene ai kiti‑ya Satanasi ati fiyakiterene. Ati tikadabarebona, Deoso tiwa‑ya yofikane, Deoso ati tikadabiya, tiwa ene amosaboneni.

Efesiyo 4:27

Dai yawa, dai noko wadahi, Satanasi dai‑ya keyeherebonaha.

Efesiyo 6:16

Sodado yama kita‑ya hini‑ya barikanane, wati tati sarikane, fai‑ya koborebonaha. Yama kita‑ya wati kobone, owitene. Fara‑nima Yeso ati tinofe, ati tiwatibodi hikadike, Satanasi ati tinofaraboneni. “Towe amatini, Deoso tiwa‑ya ati somawami awire.” Satanasi ati neya, ati tinofarebonane.

Koroso 2:5

Dai‑ya osawira, dai‑ya owati foyani. Dai ibi kasomahi, Satanasi‑ka keyehe‑ya dai one nofarabonehe. Yeso ati‑ya dai nofi nafi, dai ene ya‑yai·oneni.

Tesaronika daidi 3:3

Dai‑ya mai bisina, dai habo siitoriyahi. Dai‑ya mai bisinabone mai‑ya dai watamaroni.

Timoti daidi 6:12

Deoso ati fawatiniriyahi. Deoso tiwa‑ya haanemari, tabaro‑ya tiwinabone, Deoso ati‑ya tinofamone, mai dami tiwati‑ya mai mita, mai ihi tiwa habo siitoriyahi. Satanasi tiwa‑ya kako, ati‑nima tiriyahi.

Timoti yoto‑ke 3:12

Yeso Kirisito ati ai no‑nofa Yeso ati‑nima ai niya, ai‑ya mai bisinaboneni.

Timoti yoto‑ke 4:7

Owa ene sibarani. Sodado‑ka yama anini kiti‑nima oka yama anini kitani. Owa kanani hawa tohi yanatoni. Deoso ati‑nima onani.

Ebereo 11:33

Deoso ati‑ya mai no‑nofa Deoso mai‑ya kasome ene bara mai‑ka tabora‑ya mai kayafawaha, mai ihi amosa, mai‑ya mai kasoma, mai ihi amosara, mai‑ya mai bisi na, Deoso mai‑ya kasomebona ati ne, mai‑ya kasome, Deoso ati ene iriyaho mai hamarameteni.

Ebereo 12:8

Deoso dai‑ya kosire‑mana, bidi dai tohara neni. Ai‑ka abi ai‑ya kosine, madehe bara‑ya kosi terene.

Tiyako 4:7

Hini dai‑ya dai nokotonira. Deoso‑ta dai nokotonibisa, Satanasi ati dai nofare, kananebonane.

Bedoro daidi 1:6

Deoso tabaro‑ya dai winabone dai tamine‑ya dai kadikiya, dai ya‑yainahi. Bofe‑ya dai wi‑wina mai yahi kome‑ya dai awaba awineni. Makobote neme‑ya dai winiya, dai ya‑yaini fawaraboneni.

Bedoro daidi 2:21

Dai ene Yeso Kirisito‑ya mai bisina, Yeso‑ya mai nanahabamaroni. Yeso ene amose hinama tohe, mai bisihine yawaremari, “Owa‑nima dai nahi. Dai ene amosa, dai‑ya mai bisiniya, dai yawariyahi.” Yeso ati nemarine.

Bedoro daidi 3:14

Dai ene amosa, dai‑ya mai bisina, dai yawarihi, dai habo siitorihi na, Deoso dai‑ya kasomebonane.

Bedoro daidi 4:13

Dai ya‑yaina, Kirisito‑nima dai nawaha, makobote Yeso Kirisito amosabote kamatase‑ya dai awiya, dai ya‑yaini nafeboneni.

Yeso Kirisito ene‑bona 1:9

Yowaho ama·oni. Dai‑ka owa ama·oni. Deoso‑ya mai nofara ai‑ya mai weena, Yeso‑ya ai na‑narifa Deoso‑ka hawi bai‑ya ai maakiterani. Deoso ati onofa, i‑di Yeso tamine okamina ihi owa‑ya mai wata, faha webote bai‑ya wami itakosa, oni Batomosi toha‑ya owa‑ya mai nawineni.

Yeso Kirisito ene‑bona 6:11

Deoso ati ene bora sawa‑ya mai‑ya daane, mai‑ya hiyare, “Yama dai nimani bide tohamakimatahi. Dai‑ya mai nanahabamaro‑nima dai one owati‑ya mai tokadaba mai‑ya mai nanahabamakeboneni. Fara dai one‑ta hawa tohi awisarini.” Ati nene.

Yeso Kirisito ene‑bona 7:14

Owati yanana, “Hidi amatini. Mai tiwatobisahi.” Onani. Hidi bi‑bidi ne ati yananamatase, “‘Bofe‑ya yama towe dama yananabone ihi yama yofinaboneni.’ Deoso‑ka yama hani ati neni. Fara‑ya mai yanana, neme‑ya mai kobonineni. Kaneiro Bidi emene‑ya mai‑ka bora mai sokona, mai‑ka bora sawa tohawahineni.