Bedoro daidi 5:8 - Deoso-ka Yama Hani

⁸ Dai noko wadahi. Yama‑ke yomahi‑nima Satanasi nane. Yama‑ke yomahi bani mai‑ya kiiyotene, bani mai‑ya kabebonaha. Fare‑nima dai‑ya ka‑kako i‑di Satanasi dai‑ya kakatome, dai noko wadahi. Dai noko wadariya, dai‑ya keyehe, ati dai tokadabebonane.

Bedoro daidi 5:8 ပူးပေါင်းရင်းမြစ်များ

Mateo 13:39

Yama kabara noki‑ya werene i‑di Diaboro tamine amane. Yobe‑ya yamata‑ya mai nawada, yama towe mai sarikana na, yama faina‑bone tamine amani. Yamata‑ya mai a‑ani Deoso‑ka yo‑yose mai tamine amani.

Mateo 24:42

Dai noko wadahi. Dai‑ka hidi amoni dai watorani.

Mateo 25:41

Sayo‑kaya mai naha mai‑ya hiyaramakine, ‘Towe dai amani. Owa‑ya dai sawirabone, yama hirini fawaterabone‑kaya dai tokabisahi. Yama hirini fawaterabone‑ya Deoso wamane, Diaboro hika yo‑yose mai eyehe‑ya sarikanebonaha.

Mateo 4:1

Deoso‑ka Doni ati ene kabani‑ya Yeso tokematane, Diaboro ati‑ya mitebonaha. “Owa ene Deoso ati‑ya Yeso tokadabamarebonane.” Diaboro atibodi ati nematane.

Mateo 4:11

Diaboro tokome nowati‑ya Deoso‑ka yo‑yose mai kake, Yeso‑ya mai kasomameteni.

Maroko 4:15

Hawi fowari‑ya yamata noki sona ai owa tamine amane. Deoso ati‑ya mai mita, Satanasi ene Deoso ati‑ya mai ati kadamowama kanibote na, mai tamine amani.

Roka 21:34

“Dai noko wadahi. Dai siwariyahi. Kawi dai fawariyahi. Yinero dai nokotoniriyahi. Yama dama dai nokoniya, yama yanani kanibote na ihi yama we‑wee‑kaya dai saweboneni.

Roka 21:36

Dai noko wadahi. Deoso‑ya dai hiyarahi, yama we‑wee‑ya dai sawirabonehe. Dai‑ka Ayo neme‑ke‑ya dai sawibisaboneni.” Yeso ati nematane.

Roka 22:31

Bedoro‑ya Yeso hiyare, “Simaho, Simaho owati timitahi. Deoso‑ya dai tamine‑ya Satanasi hiyare, dai‑ya keyehebona ati nane. Satanasi‑ya Deoso ati barirene.

Yowaho 8:44

Dai‑ka abi yokana Diaboro tohe, dai‑ka abi ati‑nima dai nabone dai ati neni. Diaboro ai‑ya nanahaba tene. Satanasi fara yama yokana‑ya kaminatere, keyehe‑ya hirinibisatene. Satanasi hini atibodi ene keyehe‑ya hirini fawaterene. Satanasi ati‑ya mai tokadaba keyehe‑ya mai hiriteni.

Korito yoto‑ke 2:11

Satanasi ene ai wato, fare dai owa‑ya keyehe‑ya hirikanamarebona, dai ati somawamiyahi.

Efesiyo 4:27

Dai yawa, dai noko wadahi, Satanasi dai‑ya keyeherebonaha.

Efesiyo 6:11

Sodado mai‑ka bora kita‑ya mai sakoteni, mai‑ya mai ka‑kako mai‑ka wati, mai‑ka wabise, mai‑ka yima na, mai‑ya koborabonehe. Sodado mai‑ka bora kita‑nima Deoso‑ka bora kita dai sakonahi, Satanasi ati dai‑ya koborebonaha.

Timoti daidi 2:15

Yeso ati‑ya mai fanawi nofa, mai ihi amosa, Yeso‑ka mai‑ya mai nofa na, Deoso tabaro‑ya mai winawahaboneni. Mai‑ka ewe wade, abarebonane.

Timoti daidi 2:9

Fana dai toha, owati dai mitahi. Dai‑ka bora dai sakona i‑isi riyahi. Dai‑ka bora, dai‑ka ato, dai‑ka tati kone na‑ya, mai makidi awa, dai tamine‑ya mai atibodi kadikarabonehe.

Timoti daidi 3:11

Deoso‑ka mai‑ya mai kasomabone, mai‑ka yobote mai ihi amosahari nahi. Mai one tamine‑mone‑ya keyehe‑ya mai hiririhi, kawi‑ya mai nokotonirihi, mai na, hini mai‑ka yama‑ya mai ani, mai one‑ya mai kasoma, mai na, mai sibarineni.

Timoti daidi 3:2

Deoso‑ka mai‑ya kanawatobona, eya ene nebonane. Hika yobote ohareboneni. Mai fanawi one‑ya nokotoni awirihi tebonane. Mai one kake, ati ene hika yobe‑ya mai winateni. Ati, atibodi ati, ene ne‑ya nawadatene. Deoso ati kanawato‑ya watone.

Timoti yoto‑ke 4:17

Ai‑ka Ayo i‑di Yeso ohari owa‑ya sawi, owa habo siitorani. Deoso Ati Amosabote‑ya Bara mai dama mai mitani. Iriyaho mai‑ya owa‑ya mai daanabone mai ati na, Yeso owa‑ya kasome, iriyaho mai‑ya owa‑ya mai daani awirani.

Tito 1:8

Mai one kake, fai tabaro‑ya mai wina, mai ihi amosa, mai‑ya nofatene. Ene mai one hiawe, ene mai hinofatene. Yama amosa‑ya anitene. Deoso ati‑nima tene. “Deoso ati‑nima oteboneni.” Atibodi ati tene.

Tito 2:12

Yeso ati‑ya mai nofara, mai‑nima ai riyahi. Yama towe ai nofarihi. Mai fanawi ai nokotonirihi, kawi ai fawarihi, ai nahi. Ai atibodi bote ati ai nofarihi. Deoso ene‑nima ai ene nahi. Ai ati, ai atibodi ati, ai ene na, ai nawada, ai atibodi yati ati‑nima ai nabone, Ai ene amosahi.

Tito 2:2

Maki bote mai tikanawatohi. Mai ihi amosa, mai ati amosawama, kawi ihi mai towe toharihi na, Deoso ati‑ya mai nofa, mai one‑ya mai nofa nabone, mai‑ya tikanawatohi. Mai ihi amosa, mai ihi‑ya mai one awiya, fara mai ihi amosa, mai ihi‑nima mai one ihi naboneni.

Tito 2:4

Mai fanawi bote mai fanawi atona‑ya kanawatoya, mai ati haa‑nima nahi. “Tika yibote tinofa, tika madehe tinofa, titeboneni.

Tito 2:6

Yetene mai‑ya tihiyariya, “Dai ene amosahi. Yama towe‑ya dai atibodi kadikariyahi.” Tinahi.

Tiyako 4:7

Hini dai‑ya dai nokotonira. Deoso‑ta dai nokotonibisa, Satanasi ati dai nofare, kananebonane.

Bedoro daidi 1:13

Yeso Kirisito kamatasebona dai atibodi dai hawa tonihi. Yama amosa‑ya dai kadikabisahi. Dai atibodi noko wadahi. Dai‑ka yama amosabote‑bone‑ya Deoso daanebona dai nimanahi.

Bedoro daidi 4:7

Yama nafi tosiyo kanibote nabone, dai atibodi amosabone dai nokotonihi, dai ati‑ya Deoso mitebonaha.

Yeso Kirisito ene‑bona 12:10

Neme‑ya ati yanane, ati kitane, “Yama hawa tohini. Mai ihi towe manakone abi hawa tohawahineni. Deoso yama nafi‑ka hidi tohawahe, Deoso‑ka Ka‑kadika hidi tohawahane. Hibati‑ya Deoso‑ya Satanasi hiyaranadi, mai ihi towemone ati nemari, yama tehe‑ya hiyara, yama soki‑ya hiyara ne, ati fawani watoremarine. Fare mai korohinisawahe, Deoso‑ya mai ihi towe tamine‑ya hiyarami awirane.

Yeso Kirisito ene‑bona 12:12

Neme‑ka dai toha, Deoso tabaro‑ya dai wi‑wina dai toha, dai na, dai ya‑yainahi. Diaboro dai‑ya sawimarene. Ka! Bofe‑ka dai toha, faha webote‑ka dai toha, dai na, Diaboro dai‑kaya kobone, hini barika‑bona‑ka amoni tosiyo yanatone‑ya wato, yawi kitawahane.” Ati nene.

Yeso Kirisito ene‑bona 12:9

Dafi kite hika yo‑yose mai eyehe bofe‑ya mai korohinisane. Dafi Satanasi amane. Oni owa Diaboro amane. Satanasi maka‑nima ne, fare amane. Bofe‑ka mai nafi‑ya keyehene.

Yeso Kirisito ene‑bona 20:10

Diaboro mai‑ya keyehemari wara hirini‑ya korohiniwahene. Wara hirini‑ya Bani Hame faha‑ke hibati‑ya sawi, Deoso ati‑ya mi‑mita‑mona ati ne hiniya keyehe‑ya hi‑hiri hibati‑ya sawi, fara wara hirini, yati hirini na sawi‑kaya mai toka, yama tehe‑ya mai kome tohanadi, yama soki‑ya mai kome tohanaba, mai kome kita fawateraboneni.

Yeso Kirisito ene‑bona 20:2

Dafi‑ya wate, koheti‑ya dafi‑ya sokine, faha fowe 1.000 kani‑ya dafi seekani awirebonane. Dafi Satanasi amane. Oni owa Diaboro amane. Satanasi maka‑nima nematamona, fare amane.