Bedoro daidi 5:5 - Deoso-ka Yama Hani

⁵ Yetene dai toha, owati dai mitahi. Bote mai toha mai ati dai nofa, “Owa‑ta amosabote ama·oni.” Dai ati riyahi. Hiniya dai ibi kasomahi. “Hini mai‑ya mai kahiyara, mai‑ya Deoso kakotene. Hini mai‑ya mai kahiyarara, mai‑ya Deoso kasomatene.” Deoso‑ka yama hani ati teni.

Bedoro daidi 5:5 ပူးပေါင်းရင်းမြစ်များ

Roka 22:26

Mai‑nima dai riyahi. Mai‑ka hidi dai toha mai‑ya dai yoseriyahi. Mai‑ya dai kasomabisahi.

Homa 12:10

Yeso‑ka dai toha dai‑ka soho dai nofi‑nima dai ibi nofa, mai ihi amosa mai dai kahiyarahi.

Homa 13:14

Ai‑ka hidi i‑di Yeso Kirisito atibodi yama hini kobohina‑nima dai atibodi kobonahi. Dai atibodi bote yama hinofa tamine‑ya dai kadikariyahi. Dai atibodi bote ati‑nima dai riyahi.

Efesiyo 5:21

Kirisito ati dai nofa, dai one ati dai mita, mai ati dai kasawaririyahi. Hini dai ati ohare dai nofariyahi.

Firibo 2:3

Dai ati dai kahiyarariyahi. Mai ati dai mita, “Yama‑ya mai wato ba‑basi na, ai‑ta yama ai wato bi‑bidi nibisineni.” Dai atibodi ati nahi.

Koroso 3:12

Deoso‑ka dai toha, dai‑ya nofe, dai‑ya kadikemata, hika dai tohawahaboneni. Mai atibodi koma mai‑ya kasoma, dai ene amosa, dai‑ya dai kahiyarariyahi. Yama‑ya dai nimana, dai yawariyahi.

Timoti daidi 5:1

Bote mai ihi amosara mai weetiriyahi. Abi tihiyari‑nima mai tihiyariyahi. Soho mai tihiyari‑nima yetene mai tihiyarahi.

Ebereo 13:17

Dai ene tamine‑ya dai‑ka webote‑ya Deoso hiyaratene. Dai ene amosa dai‑ka webote‑ya Deoso kahiyara, dai ene amosara dai‑ka webote‑ya Deoso weenebonane. Dai‑ka webote‑ya Deoso weerebona, ati dai nofaho. Dai ene dai‑ka webote‑ya Deoso kahiyare, dai‑ya dai‑ka webote kasome, dai ene amosara, dai‑ka webote‑ya Deoso weene, dai‑ya dai‑ka webote weenamakiya, yama amosaraboneni.

Tiyako 4:6

Deoso ai‑ya kasomemarine, ati ai tokadabebonaha. “Hini mai‑ya mai nokotonihe, Deoso mai‑ya kasomi awirebonane. Ai‑ya ai tonanafira, Deoso ai‑ya kasomatebonane.” Deoso‑ka yama hani ati nineni.

Bedoro daidi 3:8

Owati hawa tohi yanatoneni. Owati dai nafi mitahi. Dai nafi atibodi ati fara hinama tohahi. Ai‑ka ayo ai nofi‑nima dai ibi nofiyahi. Mai atibodi koma mai dai kasomahi. “Yama dai watora, owa‑ta yama owatobisineni.” Dai ati riyahi.

Bedoro daidi 4:1

I‑di Yeso Kirisito mai bisihine, oda‑ya kasomebona abano komene kitemarine. Dai‑ya mai bisina, dai yawariyahi. Yeso atibodi ati‑nima dai atibodi ati nahi. Yeso Kirisito mai bisinamaro dai‑ya mai bisinaboneni. Ai‑ya mai bisina, yama towe‑ya ai nofamaraboneni.

Bedoro daidi 4:5

Mai ihi‑ya Yeso kadikebonane, mai manakone‑ya daanebonaha. Mai one hasina toha, mai one aba toha na, mai tamine‑ya mai kaminabone, mai ihi‑nima mai manakone‑ya Yeso daanebonane.